ӨДӨР ТУТМЫН МЭДЭЭ-ний гол тойм – 2025 оны 11-р сарын 9

НҮБ Судан улсын [Хойд Дарфурын] Эл-Фашер, [Өмнөд Кордофан мужийн] Кадугли хотуудад өлсгөлөн нүүрлэснийг баталлаа. Эдгээр хотуудыг Хурдан хариу үзүүлэх хүчин (ХХҮХ) хэмээх зэвсэгт бүлэг эзэлсэн, эсвэл бүсэлсэн ажээ. Тус бүс нутгийн 21 сая гаруй хүн хүнсний ноцтой хомсдолд орсон байна. (Ройтерс)

Катар улс [Суданы] Аль-Дабба хотод яаралтай хүмүүнлэгийн тусламж үзүүлж байна. Үүнд 3000 орчим хүнсний сагс, 1650 хамгаалах майхан, нэн шаардлагатай зүйлс багтжээ. Энэхүү тусламж нь 50,000 гаруй дүрвэгч иргэдэд зориулагдсан юм. Тэдний ихэнх нь Хойд Дарфур мужийн Эл-Фашер хот болон тэр хавиас ирсэн бөгөөд Суданы Зэвсэгт хүчнүүд, Хурдан хариу үзүүлэх хүчний хоорондын ширүүн мөргөлдөөний улмаас дүрвэгсэд ажээ. (RSF) (Тусламжийн веб)

Канад, Филиппин улсууд батлан хамгаалах хэлэлцээрт гарын үсэг зурж, цэргийн хамтарсан сургуулилт, Өмнөд Хятадын тэнгист Хятадын нөлөөг сөрөх хамтын ажиллагаагаа бэхжүүлэхээр тохиролцов. (AP)

Японы Ерөнхий сайд Санаэ АПЕК-ийн дээд хэмжээний уулзалтын үеэр Тайвань (Формоса)-ийн төлөөлөгч Линь Синь-итэй уулзахдаа Япон улс Тайванийн хоолойд энх тайван, тогтвортой байдлыг хангах тууштай байр суурьтай байгаагаа дахин нотоллоо. (Тайванийн мэдээ)

Хятад, АНУ хоёр улс хоорондын цэргийн шууд холбооны шугам байгуулжээ. Энэ нь ирээдүйд үүсэж болзошгүй аливаа зөрчил, асуудлыг хурдан намжаах, шийдвэрлэх зорилготой юм. (Фокс Ньюс)

Тайвань Ибараки мужийн 68,000 бага сургуулийн сурагчдын үдийн хоолыг баяжуулахын тулд энэ жил Япон руу 10 орчим тонн гадил экспортолно. (Тэйбэйн мэдээ)

Нигерийн Христийн шашинт эр Пол Адаму исламын зэвсэгт бүлэглэл Боко Харамд барьцаалагдаж, амьд үлдсэн хүн юм. Тэрээр АНУ-ын Ерөнхийлөгч Трампын Нигерийг тусгай анхаарал шаардлагатай улс гэсэн жагсаалтад оруулах шийдвэрийг дэмжиж буйгаа илэрхийлэв. Ноён Адамугийн хэлснээр Нигери одоо дэлхийн хамгийн аюултай газар болж, Христийн шашинтнууд өдөр бүр аллага, хядлагад өртөж байгаа ажээ. Үүний хариуд Ерөнхийлөгч Трамп мэдэгдэхдээ АНУ Нигерид үзүүлж буй бүх тусламж, дэмжлэгийг нэн даруй зогсооно, мөн хэрвээ Нигерийн засгийн газар хүчирхийллийг таслан зогсоохгүй бол АНУ “аймшигтай хүчтэй” цэргийн ажиллагааг явуулж, хариуцдаг радикал бүлэглэлүүдийг бүрэн устгах талаар бодож магадгүй гэв. (Фокс Ньюс)

Хоол тэжээлийн судалгаа ёсоор Иовын нулимс (коиксийн үр) нь эслэг, уураг, үрэвслийн эсрэг нэгдлээр баялаг бөгөөд гэдэсний эрүүл мэндийг дэмжиж, хий хөөх, биед шингэний зохистой тэнцвэрийг хадгалахад тусалдаг. Иовын нулимс нь эрүүл веган хооллолтод оруулахад бодисын солилцоо болон дархлааны системд тустай нь судалгаагаар тогтоогдсон байна. Сайн угаагаад зөөлөн гал дээр агшаамал, веган шөл, эсвэл эмчилгээний цай хэлбэрээр чанаж хэрэглэх нь тэжээллэг бөгөөд эрүүл мэндийг дэмжих үр дүнтэй. (WebMD)

Эрүүл мэндийн мэргэжилтнүүд пекан жимс нь зүрхэнд тустай ханаагүй өөх тос, эслэг, магни, антиоксидантаар баялаг гэж үздэг. Судалгаагаар муу холестериныг бууруулж, судасны уян хатан байдлыг сайжруулан, хөгшрөлтийг удаашруулдаг нь тогтоогджээ. Мөн пекан нь цусны даралт, яс, булчинг эрүүл байлгахад чухал ач холбогдолтой зэс, магни, кальци, кали зэрэг эрдэс бодисын сайн эх үүсвэр юм. Өдөрт цөөн тоогоор түүхийгээр нь идэх, эсвэл овьёос, салат дээр цацаж хэрэглэх нь зүрх болон тархины үйл ажиллагааг дэмжин, энергийн сайхан веган эх үүсвэр болно. (Нью Мексикийн Их Сургууль)

Түрүүтэй гаа нь хоол боловсруулалтыг сайжруулж, бага зэргийн дотор муухайрахыг намдаан, дааврын тэнцвэрийг дэмждэг полифенол агуулдгийг судлаачид тэмдэглэв. Түрүүтэй гааны цай нь үрэвслийг намдааж, тайвшруулах нөлөө үзүүлдгийг судалгаагаар харуулжээ. Шинэхэн, эсвэл хатаасан түрүүтэй гааны навчийг 5-7 минут дэвтээж уухад амьсгалыг цэвэршүүлэх, кофейнгүй, тайвшруулах чанартай, эрүүл, веган амьдралын хэв маягийг дэмждэг уух зүйл болдог. (Vinmec)

[Ау Лак (Вьетнам)-ын] Хоол Тэжээлийн Үндэсний Хүрээлэнгийн мэргэжилтнүүд үлдсэн хоолыг дахин халаах нь нитрит, исэлдсэн нэгдлүүд үүсгэснээс болж элэг, хоол боловсруулах системийг гэмтээж, сүүлийн үед хоолны хордлогын тохиолдол гарахад хүргэж байгааг анхааруулж байна. Ялангуяа навчит ногоонууд, уураг, өөх тос ихтэй хоол хүнсийг дахин халаахаас зайлсхийх хэрэгтэй. Учир нь дахин халаах нь шим тэжээлийг алдагдуулж, хорт нэгдэл үүсэх эрсдэлийг нэмэгдүүлнэ. (Бао Мои)

Европ, АНУ-д сармагчны цэцэг өвчний шинэ төрөл 1b дэд хувилбар илэрч, 2025 онд бүртгэгдсэн тохиолдлын тоо 44,000-д хүрсэн нь өнгөрсөн оны нийт тооноос давсан үзүүлэлт юм. (VTV)

Калмаэги хар салхи Ау Лак (Вьетнам)-ын нутагт бороо оруулж, сүйрлийг авчирч, харин Филиппинд амиа алдагсдын тоо 200 дөхжээ. (The Straits Times)

Филиппин улс Калмаэги хар салхины хохирлоос бүрэн сэргэж амжаагүй байхад зүүн хэсэгт үүссэн шинэ халуун даралтын бүс 11-р сарын 9-н гэхэд 203 км/цагийн хүчтэй супер хар салхи болон хүчжиж магадгүй гэж мэргэжилтнүүд сэрэмжлүүллээ. Калмаэги хар салхи өмнө нь Себуд 90 гаруй хүний амийг авч одсон юм. (VnExpress)

Оросын зүүн өмнөд хэсэгт орших Камчаткийн эрэгт 5,8 магнитудын хүчтэй газар хөдлөлт болжээ. (Ройтерс)

Дэлхийн газар тариалан дахь энэрэнгүй сэтгэл (ДГТДЭС) байгууллагын тайланд мал аж ахуй эрхэлдэг үйлдвэржсэн салбар жил бүр 766 сая тонн үр тариаг үр ашиггүй үрж, дэлхийн өлсгөлөн, уур амьсгалын өөрчлөлтийг улам дордуулж байгааг дурдлаа. Хэрэв энэ салбар малыг тэжээхэд үр тариа хэрэглэхээ больчихвол дэлхийн хүнсний тогтолцоо 2 тэрбум хүнээ тэжээж, Мексиктэй тэнцэх хэмжээний газрыг тариалангийн зориулалтаар чөлөөлөх боломжтой. (Ургамалд суурилсан мэдээ)

[Жил бүрийн 11-р сарын 1-нд тэмдэглэдэг] Дэлхийн Веган Өдрийн арга хэмжээ энэ жил “Хайр бол цорын ганц шийдэл нь” сэдэвтэйгээр [Ау Лак (Вьетнам)-ын] Хай Фон хотод зохион байгуулагдаж, 30 гаруй аулак (вьетнам) веган брэнд, амьд хөгжим болон бусад олон зүйлийг багтаасан бөгөөд веган бол зөвхөн хувь хүний ​​ сонголт биш, харин дэлхийг хайрлах сэтгэлгээний үйлс мөн гэсэн захиасыг түгээлээ. (Со хиү Три түэ)

Ау Лак (Вьетнам): Хошимин хотын Цагаан хоолны наадам бадамлянхуа цэцэгт суурилсан 200 цагаан хоолоор үндэсний дээд амжилт тогтоож, “Байгальд ээлтэй амьдар – Цэвэр хоолло – Тогтвортой өс” арга хэмжээг сурталчлан, 120,000 орчим зочныг татсан байна. (Бао Фап луат)

Дэлхийн эмэгтэйчүүдийн веган хувцас загварын зах зээл хурдацтай хөгжиж байгаа бөгөөд 2033 он гэхэд ёс зүйтэй веган арьс, үслэг эдлэл, торго зонхилсноор 1,9 их наяд ам.долларт хүрэх төлөвтэй байна. (Straits Research)

Финландын жижиглэн худалдааны аварга Kesko веган уургийн борлуулалт нэмэгдэж байгааг мэдээлэв. Өнгөрсөн жил эдний K-хүнсний дэлгүүрүүдэд дүпүний борлуулалт 20 орчим хувиар, хөргөгчид хадгалсан малын махны борлуулалт 4 хувь гаруйгаар, шар буурцгийн хуурай уураг 10 хувиар, лаазалсан шош/сэвэг зармынх 15 орчим хувиар өссөн байна. 2025 оны зунаас эхлэн веган сүүг ялангуяа залуучууд, айл өрхүүд худалдан авах нь мэдэгдэхүйц нэмэгджээ. (Vegconomist)

V-Label байгууллага Biocyclic Vegan International-тэй хамтран бүрэн веган аж ахуйд тарьж ургуулсан бүтээгдэхүүнд зориулсан “V-Label Vegan Agriculture” шошгыг гаргалаа. Энэхүү шошго нь бүрэн веган бүтээгдэхүүний гинжин холбоог дэмжих зорилготой юм. Швейцар, Герман улсуудад хэд хэдэн аж ахуй баталгаажсан гэрчилгээ хэдийн авчээ. (Vegconomist)

Энэтхэг улс Мелисса хар салхины дараах сэргээн босголтод туслах зорилгоор 20 метр тонн хүмүүнлэгийн тусламжийг Ямайка, Куба руу илгээв. Үүнд эмнэлгийн хэрэгсэл, хоол хүнс, орон байрны хангамж багтсан байна. (Social News XYZ)

Европын Холбоо улс төр, эдийн засаг, нийгмийн хямрал үргэлжилж буй Хаити, Венесуэлд дэмжлэг үзүүлэх, Мелисса хар салхины дараах сэргээн босголтод Карибын тэнгисийн орнуудад туслах зорилгоор 21,5 сая еврогийн хүмүүнлэгийн тусламж үзүүлэхээ зарлав. (Европын Комисс)

[Арабын Нэгдсэн Эмирт Улсын] Шаржа: Нэгэн араб иргэн нэн ховордсон шилүүс-, үнэг-ардууд зэрэг амьтан-хүмүүсийг худалдаалахыг оролдож байсныг цагдаагийнхан баривчилж, бүх амьтан-хүнийг аюулгүйгээр аварлаа. (Булангийн мэдээ)

[АНУ-ын] Калифорнийн тариаланч Анжель Зарко, Карлос Переа нар жолоочид шуурхай анхааруулан, шатаж буй сургуулийн автобуснаас бүх хүүхдийг гаргахад тусалснаар 20 гаруй сурагчийг аварчээ. Мадера тойргийн засаг захиргаа энэ хоёр эрхмийг орон нутгийн баатраар өргөмжлөв. (Сайн мэдээний сүлжээ)

[Ау Лак (Вьетнам)-ын Хошимин хотын] Лэ Ти Хон Гам ахлах сургуулийн багш Фань Трун Хай 10 орчим жил “Мэдлэгийн үр” оройн ангидаа ядуу хүүхдүүдэд үнэ төлбөргүйгээр үндсэн таван хичээл болон амьдрах ухааныг зааж байна. Мөн тэрээр дуу хөгжим, урлагийн хичээлд тэтгэлэг, хангамж, сайн дурынхныг татан оролцуулдаг. (VOV)

[Ау Лак (Вьетнам)-ын] Кань То хотын хос Фам Ти Фүөн Лиень, Во Тань Нгуиень нар 13 жилийн турш орхигдсон 100 гаруй нохой-, муур-хүнийг аварч, асарчээ. Тэд санхүүгийн болон нийгмийн хувьд хүндрэлтэй байгаа хэдий ч боломжтой үедээ орхигдсон тэжээвэр амьтан-хүмүүсийг аврахаар явдаг. Тэдний амьтан найз нөхдөө гэсэн асар их хайр, зориулал аврах ажиллагаагаа үргэлжлүүлэх хүч болдог байна. (VOV)

Америкийн тэтгэвэрт гарсан сувилагч Билл Торторелла ажил дээрээ нас барж, гурван асран хамгаалагч сахиусан тэнгэртэйгээ уулзсан тухайгаа хуваалцжээ. 1994 онд [АНУ-ын Аризона мужийн] Туссонд болсон томоохон бизнесийн үзэсгэлэнгийн үеэр Билл маш хурдан тархаж байсан алуурчин вирус, бактерийн халдвараас болж хүндээр өвчилсөн байна. Билл хавагнаж, хүчилтөрөгчийн дутагдалд орон, эмнэлэгт богино хугацаанд эмчлүүлсний дараа зочид буудлын өрөөндөө буцаж ирэв. Тэр шөнө Билл сүүлчийн амьсгалаа авч байгаагаа сонсжээ. Тэрээр үзэсгэлэнт, гэрэлтэн гялалзсан манан дундуур биеэсээ гарч, доош хартал түүний одоо амьгүй болсон бие харагдав. Дараа нь ардаас нь гялалзсан гэрлийн цацраг гарч ирэн, түүнийг гоёмсог хонгил руу татан орууллаа. Аяллын туршид тэрээр гэрлийн хурдаар хөдөлж, гайхалтай хайрын ер бусын мэдрэмжээр бүрхэгдсэн байна. Зорьсон газраа ирэхдээ Билл “Би гэртээ ирлээ. Би эцэст нь гэртээ ирлээ.” гэж хэлснийг тод санаж байв.

“Тийм ээ, Билл, чи Бурханы Гэрэлд гэртээ байна.” гэж намуухан хоолой угтан авлаа. Тэрхүү дуу хоолой өөрийгөө түүний хамгаалагч сахиусан тэнгэрүүдийн нэг болох Антониа гэж танилцуулав. Дараа нь Биллийг таньдаг олон сүнс буюу гэрийнхэн, найз нөхөд нь угтан авчээ. Тэнд байгаа бүх төрөлтөн гэрлийн туяа хэлбэрээр оршдог тул харилцаа холбоо бүхэлдээ телепатаар дамждаг. Удалгүй Биллийг элэгний хорт хавдраар нас барсан, одоо Биллийн хоёр дахь асран хамгаалагч болсон ах Петр нь дуу алдан угтав. Тэрээр Биллийг бага насных нь нэрээр “Билли” гэж дуудан, баяр хөөртэйгөөр тэвэрлээ. Петр Биллийг амьдралынх нь тоймыг харуулахаар дагуулан явав. Билл амьдралынхаа бүхий л сайн, буруу үйлдэл бүрийг харсан байна. Хамгийн гол нь тэр бусдад учруулсан өвдөлт, шаналлыг өөр дээрээ мэдэрчээ. “Би зарим хүмүүсийг гомдоосноо мэдээгүй. Гэхдээ тэр өвдөлтийг мэдрэх болно. Бусдад учруулсан зовлонгоо өөрөө мэдрэх болно. Бие махбодын өвдөлт болж хувирдаг. Би сүнсээрээ уйлж байсан. Бие байгаагүй ч нулимсаа мэдэрч байлаа. Тэгээд тэр мэдрэмж улам хүчтэй болж, улам нэмэгдээд ‘Би үүнийг дахиж тэвчихгүй нь. Намайг уучлаарай. Уучлаарай, намайг уучлаарай!’ гэсэн. Гэнэт цагаан Гэрэл орж ирээд “Одоо бид чамд сайн талыг нь харуулъя.” гэж хэлэв. Бурханд талархаж байна, би амьдралдаа маш их сайн зүйл хийжээ. Ялангуяа ажил. Олон жил сувилагчаар ажиллаж, хүмүүсийн амийг авран, тэднийг эргүүлэн авчрахын тулд бүх зүйлийг хийж, тэдэнд чадах бүхнээрээ тусалж байжээ. Тэр үед л би бид юуны төлөө энд ирдгийг ойлгосон. Бид бие биедээ туслахын тулд энд ирсэн гэдгийг би ойлгосон. Бид бүгд холбоотой.”

Петр дараа нь Биллийг гурав дахь асран хамгаалагч Оринтой танилцуулсан бөгөөд тэрээр үнэндээ Биллийг амьдралынх нь турш удирдан чиглүүлж байсан зөн совингийн дуу хоолой байсан асар өндөр нас, мэргэн ухаантай хүн юм. Биллийн гурван хамгаалагч сахиулсан тэнгэр тус бүр үүрэг гүйцэтгэжээ: Антониа түүнийг Гэрлийн дотор болон гадна талд замчлах үүрэгтэй. Петр Бурханыг дуудахад тэр байнгын туслагч нь байсан. Орин бол түүний насан туршийн зөн совингийн хөтөч бөгөөд түүнийг зовлон бэрхшээлээс хамгаалж байв. Антониа Биллд өөрийгөө харахыг хүсэв. Тэрээр бусад сүнснүүдийн адил манангаас гайхамшигтай гэрлийн туяа болон хувирчээ. Дараа нь гурван асран хамгаалагч Биллийг эцсийн түвшинд хүргэхэд тэрээр гайхамшигт сахиулсан тэнгэрүүдийн зөвлөлийн өмнө зогсож байлаа. Тэрээр билиг ухаан, мэдлэгээр цэнэглэгдсэн байна. Тэнгэрийн элч нар түүнд орчлон ертөнц болон шаталтат мананцар үүссэнийг үзүүлж, бүх төрөлтөн одны тоосонцроос үүсдэг гэдгийг ойлгуулжээ. Өөр нэг сахиулсан тэнгэр далайн түрлэг, улирал гэх мэт дэлхийн үзэгдлийн үндэс болсон болор тоонууд (1, 3, 6, 8, 9)-ын шугамуудыг үзүүлж гэнэ. Тэрээр энд үлдээхийг гуйсан ч сүүлчийн сахиулсан тэнгэр “Чи буцаж ирэх ёстой.” гэж тодорхой хэлэв.

Билл эргэж татагдан, гэрэл гялбалзаж, улам бүр хурдсан, бие рүүгээ буцаж орлоо. Тэр даруй биедээ цахилгаанд цохиулсан мэт мэдрэмж авч, аймшигтай өвдөлтийг мэдрэв. Ойролцоогоор 10 минут орчим гар, хөл нь хөдөлж чадахгүй байжээ. Мэдрэмж сэргэсний дараа тэр тусламж дуудсан байна. Бусад хүмүүс түүнийг галзуу гэж бодохоос эмээж байсан Билл эхэндээ энэ явдлыг нууцалж байлаа. Тэрээр эдгэрч, гэртээ буцаж ирснийхээ дараа Билл эмчдээ хэлэх зоригтой болов. Гайхсандаа эмч түүнд клиник үхэлд орсон тохиолдлуудын тухай ном өгөөд “Бидний ихэнх нь амьдралдаа Бурханыг хайж олдог. Билл, чи Түүнтэй уулзах азтай байжээ.” гэсэн байна. Билл одоо ийн баталдаг: “Би клиник үхэлд орсноосоо хойш үхлээс айхаа больсон. Хэзээ нэгэн цагт учрахдаа баяртай байх болно. Энэ бол миний гэр. Би гэртээ харина. Би хаана амьдарч байгаагаа, хаашаа буцаж явахаа мэднэ. Энэ бол түр зуурын зүйл гэдгийг би мэднэ. Гэхдээ эндээс бид суралцдаг. Энэ нь бас чухал хэсэг гэдгийг та бүхэн харж байгаа. Бид суралцдаг. Бид эндээс хэрхэн мэдрэхээ сурдаг. Бидний зорилго бол хайр. Бид нялх байхдаа хайр байдаг. Тэр үед бид нөгөө ертөнцтэй холбогдсон байдаг. Бид тэр хайрыг дахин мэдрэхэд суралцах ёстой.” (Гэртээ ирэхүй)

Энэ өдрийн урам зоригтой эшлэл: “Эцсийн эцэст хайр бол бүх зүйл юм.” – Америкийн сэтгэцийн эмч, зохиогч M. Скотт Пек