ӨДӨР ТУТМЫН МЭДЭЭНИЙ гол тойм – 2026 оны аравдугаар сарын 26

АНУ-ын Төв командлал (CENTCOM) 10 дугаар сарын 22-нд гаргасан мэдэгдэлдээ, 7-р сарын 14-нөөс эхлэн дахин хэрэгжүүлсэн тэнгисийн бүслэлтээрээ 100 хоногийн хугацаанд Ираны дор хаяж 25 тэрбум ам.долларын түүхий нефтийн экспортыг зогсоосон гэжээ. (Fox News)

Турк, Катар, Пакистан, Индонез улсууд хамгаалах хамтын ажиллагаагаа бэхжүүлэх зорилгоор 10 дугаар сарын 21-нд [Катарын] Доха хотод Бадрын харилцан ойлголцлын санамж бичигт гарын үсэг зурсан гэж Туркийн Батлан хамгаалах яам мэдэгджээ. Уг хэлэлцээр нь улс бүрийн батлан хамгаалах чадавхыг бэхжүүлэхийн тулд цэргийн хамтарсан үйлдвэрлэл, технологи хуваалцах, техникийн сургалт, судалгаа, хөгжүүлэлтийг дэмжинэ. (Channel News Asia)

Сальвадорын ерөнхийлөгч Найиб Букеле 10-р сарын 21-нд гаргасан мэдэгдэлдээ 10-р сарын 18-нд Гаитигийн нийслэл Порт-о-Пренс хотын ойролцоо гэмт бүлэглэлд хулгайлагдсан Сальвадорын нисэхийн 4 техникчийг аврах цэргийн ажиллагаа явуулна гэжээ. (euronews)

Өмнөд Солонгосын Батлан хамгаалах яам хилийн санамсаргүй мөргөлдөөнөөс сэргийлэхийн тулд хэлэлцээрээ сэргээхийг 10-р сарын 22-нд Хойд Солонгост уриалжээ. Үл ойлголцлоос сэргийлэхэд туслах цэргийн шууд холбооны шугамууд 2 улсын хооронд ажиллахаа больсныг тус яам онцолсон байна. (Xinhua)

10-р сарын 21-нд мэдээлсэн дотоод үнэлгээгээр Германы зэвсэгт хүчин цэргийн байгууламж, алба хаагчдын эсрэг Оросын хорлон сүйтгэх ажиллагааны аюулыг өндрөөрөө 2 дугаарт орох “ноцтой” түвшинд үнэлжээ. [Германы] Вунсторфын агаарын цэргийн баазын ойролцоо унасан дрон, түүний дэргэд тэсрэх бодис олдсоны дараа уг үнэлгээг хийсэн бөгөөд цэргийн нисэх онгоц руу халдаж болзошгүй гэсэн болгоомжлол нэмэгджээ. Уг үнэлгээнд Украин (Урейн)-д үзүүлж буй цэргийн дэмжлэгийг тасалдуулахын тулд Германы цэргүүд болон Германд сургалтад хамрагдаж буй Украин (Урейн)-ы цэргүүдийг онилсон хэрэг ойрын үед дахин гарч болзошгүйг анхааруулжээ. (The New Voice of Ukraine)

Швейцар улс болон Нэгдсэн Үндэстний Байгууллага Суданд энхийг тогтоох олон улсын хүчин чармайлтыг уялдуулах, хурцадмал байдлыг намжаах, бүх талын оролцоотой улс төрийн үйл явцыг дэмжих зорилгоор 10 дугаар сарын 21-нд [Швейцарын] Женев хотод уулзалт зохион байгуулжээ. (Swiss Federal Council)

АНУ-ын Ерөнхийлөгч Дональд Трамп үндэсний аюулгүй байдалд учрах эрсдэлийг үндэслэн, дотоодын нефтийн олборлолтыг нэмэгдүүлэхийн тулд Батлан хамгаалах үйлдвэрлэлийн тухай хуулийн онцгой бүрэн эрхээ хэрэгжүүлжээ. Уг захирамжаар худалдан авах амлалт зэрэг холбооны санхүүгийн дэмжлэг үзүүлэхийг зөвшөөрсөн бөгөөд зөвшөөрөл, санхүүжилт, дэд бүтцийн хязгаарлалтаас үүдсэн саатлыг бууруулахыг зорьж байна. (Fox News)

Мянга мянган оюутан, багш нар 10-р сарын 21-нд [Грекийн] Афин болон бусад хотуудад жагсаж, хямд үнэтэй орон сууцаар хангах, боловсролын санхүүжилтийг нэмэгдүүлэх, амьжиргааны өртгийн өсөлтийн эсрэг арга хэмжээ авахыг шаарджээ. Оюутнууд орон сууцны татаас хүрэлцээгүй, хэт оройтож олгогддог гэж мэдэгдсэн бол багш нар санхүүгийн дарамт, сургуулийн нөхцөл муудаж байгааг эсэргүүцэн ажил хаясан байна. (Politics Today)

Ганын ургамал судлаач Памела Афокпе 2026 оны Норман Борлоугийн нэрэмжит Талбайн судалгаа ба хэрэглээний шагналыг хүртжээ. Энэ шагналыг талбайн судалгаагаараа хүнсний баталгаат байдлыг ахиулсан 40-өөс доош насны эрдэмтдэд олгодог. Тэрээр судалгаагаараа нутгийн хоол хүнс, амьжиргаанд чухал боловч арилжааны үрийн салбар удаан хугацаанд үл тоомсорлож ирсэн Африкийн уугуул хүнсний ногоог сайжруулж байна. (Farmers Review Africa)

2.2 сая гаруй афган охин улсын сургуулийн 6-р ангиас дээш ангид суралцах эрхгүй хэвээр байгааг Европын Холбоо (ЕХ) мэдэгдэж, Талибанд эмэгтэйчүүд, охидод тавьсан хязгаарлалтаа нөхцөл болзолгүйгээр цуцлахыг уриалжээ. Афганистан улс нь ийм хоригтой цорын ганц улс бөгөөд бусад хязгаарлалт нь эмэгтэйчүүдийн ажил хөдөлмөр эрхлэх, зорчих, нийгмийн амьдралд оролцох боломжийг ч хумьж байна. (The Kabul Tribune)

Тусгай сургалттай нохой-хүмүүс Полли, Лев нар [АНУ-ын] Нью-Йорк хотод эмнэлэгт хэвтэж буй хүүхдүүдийг, тэр дундаа хорт хавдартай бага насны хүүхдүүдийг тайвшруулж, эмнэлгийн ажилбар, хөдөлгөөн заслын үеэр түгшүүрийг нь багасган, эмчилгээнд оролцохыг дэмжиж, харилцахад нь тусалж байна. (New York Post)

Райанэйрийн нислэгийн үйлчлэгч Наоми Ротоло агаарыг сэлгэж, нянг сарниулахын тулд суудлын дээрх агааржуулалтын нүхийг нээлттэй байлгахыг зорчигчдод зөвлөжээ. Тэрээр эвхдэг ширээг халдваргүйжүүлэх, эд зүйлээ шалан дээр тавихгүй байх, ариун цэврийн өрөөнд гуталтай орох, онгоцны бүхээгийн хуурай агаарт тав тухтай байхын тулд давхарлан хувцаслахыг зөвлөсөн байна. (Unilad)

Филиппиний судлаачид [Филиппиний] Метро Манилагийн жижиглэн худалдаанд буй тахиа-хүний махнаас ялгасан сальмонеллын омгийн дөрөвний гурваас илүү нь олон эмд тэсвэртэй болохыг тогтоожээ. Эрүүл мэндийн албаныхан нянгийн эсрэг эмд үүссэн тэсвэржилт эмчилгээг хүндрүүлж буйг анхааруулж байна. (Inquirer.net)

10 дугаар сарын 22-нд Төвөдөд 7.0 магнитудын хүчтэй газар хөдлөлт болж, дор хаяж 16 хүн амиа алдан, 32 хүн бэртэж гэмтжээ. Газар хөдлөлтийн үеэр [Төвөдийн] Нагчү хотод дор хаяж 339 байшин байшин нурсан бөгөөд давтан чичирхийлэл үргэлжилж байх зуур хүмүүсийг нүүлгэн шилжүүлж, аврах ажиллагаа явуулсан байна. (Reuters, ABC News Australia)

Францын өмнөд хэсэгт шуурга, үерийн улмаас дор хаяж 4 хүн амиа алдаж, 1 хүн гэмтэн, Мурьес, Сен-Мартен-де-Кро хотуудад олон арван хүн түр хоргодох байранд орж, бүс нутгийн тээврийн хөдөлгөөн тасалдсан байна. (Reuters)

Хүчтэй шуурганы улмаас АНУ-ын баруун өмнөд нутгаар гэнэтийн үер буужээ. [Юта мужийн] Харрикейн хотод 80 айл, аяллын 50 сууцат машин үерт өртсөн бол Колорадогийн өмнөд хэсэгт голын усны түвшин нэмэгдсэн тул нүүлгэн шилжүүлэх тушаал гаргасан байна. (AP)

10 дугаар сарын 17-18-нд [АНУ-ын] Чикаго хотод нүүдлийн 1,000 гаруй шувуу-хүн барилга мөргөж үхсэн бол сайн дурын ажилтнууд гэмтсэн 250 гаруй шувуу-хүнийг аварч, эмчлүүлэхээр авч явжээ. Байшин мөргөж буй энэ осол нь шинэ барилгуудад шувуу-хүмүүст аюулгүй шийдэл, тухайлбал цонхыг биет саад гэж танихад туслах хээтэй шил ашиглахыг захиргаанаас шаардсан уриалга дахин гаргахад хүргэсэн байна. (Daily Mail)

Энэтхэгийн Аарохи Сурьяа (веган) [Арабын Нэгдсэн Эмират Улсын] Дубай дахь компанийн ажлаа орхиж, Энэтхэгт овьёосны сүүний Дансин Кау брэндийг үүсгэн байгуулжээ. Тус веган компани 2023 оны 3-р сард үйл ажиллагаагаа эхлүүлснээс хойш 232,000 ам.долларын орлого олсон байна. (Dairy News Today)

PLNT Бургерийг үүсгэн байгуулагчдын байгуулсан PLNT Кафу 2026 он дуусахаас өмнө [АНУ-ын] Вашингтон хотод нээгдэхээр төлөвлөжээ. 141 хавтгай дөрвөлжин метр талбайтай уг веган кафе тако, салат, ороомог, бургерээр үйлчилнэ. (WhatNow)

Израилын биотехнологийн Brevel гарааны компани Энэтхэгийн Wave Групптэй хамтран [Энэтхэгийн] Уттар Прадеш хотод бичил замаг исгэх 300,000 литрийн багтаамжтай байгууламж барихаар болжээ. Хаягдалгүй уг үйлдвэр гэрэл, сахар, сахрын үйлдвэрийн дахин боловсруулсан дайвар бүтээгдэхүүн ашиглан шим тэжээлээр баялаг орц үйлдвэрлэх юм. Эдгээр орцыг хүнсний нэмэлт бүтээгдэхүүн, хүнс, ундаа, эрүүл мэндийг дэмжих тэжээлийн бүтээгдэхүүнд ашиглах боломжтой. (Green Queen)

[АНУ-ын] Техасын Льюисвилл хотын 37 настай үсчин банкны бэлэн мөнгөний машины дээрээс олсон 128,514 ам.долларын бэлэн мөнгө, 19 чекийг буцаан өгчээ. Тэр мөнгийг цагдаад хүлээлгэн өгсөн бөгөөд цагдаа нар бэлэн мөнгөний машинд үйлчилгээ хийдэг техникч цүнхээ санамсаргүй орхисныг тогтоосон байна. Банк бүх мөнгө, чекээ буцаан авчээ. (Good News Network)

Шерифийн орлогч Жаред Хавард [АНУ-ын] Луизиана хотод аутизмтай 8 настай охиныг усанд живснээс нь 18 секундийн дараа цөөрмөөс олон аварчээ. Тэрээр охиныг гэр бүлийнхэнд эсэн мэнд хүргэж өгсөн бөгөөд охин бэртэж гэмтээгүй байна. (Daily Mail)

10-р сарын 22-нд сэтгүүлч Уилл Мюррей болон ойр байсан нэг хүн [Австралийн] Брисбений хойд бүсийн Морэйфилдэд үерийн усанд живж буй автомашинаас жолоочийг аварчээ. Тухайн өдөр тус хотод ойролцоогоор 170 миллиметр бороо орсон байна. (Reuters)

Өдрийн гэгээрүүлэх эшлэл: “Үнэхээр миний ЭЗЭН та нарын хийж буй бүхнийг бүрэн мэддэг.” – Хүндэт Гэгээрсэн Их Багш Шуайб (Жетро) (цагаан хоолтон) (Коран 11:92)

Кевин Мохаттын клиник үхлийн тухай энэхүү 3 хэсэгт цувралын өмнөх 1 дүгээр хэсэгт Аризонагийн үл хөдлөх хөрөнгийн зуучлагч, насаараа шайбтай хоккейн тоглогч байсан тэрээр 2022 оны Валентины өдөр зүрх нь зогссон ч амьд үлдсэнээ дурссан юм. Долоо хоногийн дараа тэр эхнэрийнхээ хамт өөрийг нь аварсан хүмүүст талархахаар ойролцоох гал унтраах ангид очжээ. Кевин эхнэрийн хамт гал сөнөөгчидтэй ангийн гал тогоонд сууж байхад дэд дарга нь зүрх нь зогсох үед юу мэдэрснийг нь асуужээ. Кевин нүдээ анихад кино театрт гурван хэмжээст кино үзэж байгаа мэт тод дүр зураг сэтгэлд нь буужээ. Тэр өөрийг нь сэхээн амьдруулж байгааг дээрээс нь харснаа, тэр дундаа тээврийн хэрэгслүүд, тэдгээрийн таних дүрслэн ярьсан юм. Одоо 2 дугаар хэсэгт бид гал унтраах ангид өрнөсөн тэр яриаг үргэлжлүүлнэ. Кевин тэнд харснаа санаж буй өөр нэг зүйлийг дурджээ.

Тэгээд би нүдээ нээгээд: “Бас нэг цагаан дугтуй байсан. Үүн шиг.” гэж хэлсэн. Тэгээд би хуруунуудаа өргөж үзүүлсэн. Тэдний царай яг л: “Юу гэнэ ээ?” гэх шиг болсон. Гал сөнөөгчид Кевин болон эхнэрийг нь гарааш руу дагуулан оров. Тэнд E256 гэсэн тэмдэглэгээтэй улаан галын машин байлаа. Аврагчид түүнд сэхээн амьдруулах ажиллагаа хийж байхад дээрээс харсан гэж түүний саяхан дурдсан таних дугаар нь яг мөн байв. Тэгээд тэр улаан машинаас түргэн тусламжийн цүнхээ гаргасан. Цүнхээ нээгээд маш жижигхэн ногоон өрөм гаргаж ирсэн. Тэгээд тэр: “Ззз, ззз” гэсэн. Тэр: “Би үүгээр чамайг өрөмдсөн” гэсэн. Би: “Та яасан гэнэ ээ?” гэж асуусан. Түргэн тусламжийн эмч ясны чөмгөөр нь дамжуулан яаралтай эмчилгээ хийхийн тулд Кевиний мөрний ясыг өрөмдсөнөө тайлбарлажээ. Дараа нь тэр Кевинд хэрэглэсэн гуурсныхаа төрлийг, мөн түүний ариутгасан цагаан савлагаа болох “дугтуйг” үзүүлжээ. Кевин түүнийг дээрээс харснаа санаж байлаа. Кевин аврах ажиллагааны үеэр тэр савлагааг яасныг нь асуужээ. Тэгээд би: “Та тэр цаасыг яасан бэ?” гэж асуусан. Тэр: “Найз минь, хог хаях журмыг бодох цаг надад байгаагүй. Чи амьсгал хураачихсан байсан. Би зүгээр л шидчихсэн.” гэсэн. Түргэн тусламжийн эмч мөн E256 галын машин 6-р ангиас, харин Кевиний харснаа санаж байсан M252 түргэн тусламжийн машин 2 дугаар ангиас ирснийг тайлбарлажээ. Тэр Кевинд эдгээр нарийн зүйлийг мэдэх ямар ч боломж байгаагүйг хэлсэн аж.

Тэр үед би үнэхээр сэтгэл хөдөлсөн. Дэд даргын нүдэнд нулимс цийлгэнээд, тэд над руу итгэж ядсан харцаар ширтэж байсан. Учир нь би бүх зүйл яг хаана болсныг дүрслээд хэлчихсэн. Кевиний хэлснээр, түүний үзсэн зүйл гудамжны тэр дүр зургаар дуусаагүй. Тэр уулын зүгээс өөр рүү нь ойртож буй туяаг харжээ. Энэ нь Гэрлээр бүтсэн Аризонагийн шороон шуурга шиг байв. Тэгээд би тэр туяанд, тэр Гэрэлд бүрэн автсанаа тэдэнд тайлбарлаж байлаа. […] Би тэр Гэрлийг дүрслэхийг хичээсэн. Хараагүй хүнд ногоон өнгийг тайлбарлах гэж оролдохтой адил. Тэр Гэрэл ямар байсныг тайлбарлахад маш хэцүү, гэхдээ үнэхээр хурц тод байсан. Би түүн дотор байж, гараа харж байлаа. Миний гар ч бас тэр Гэрлээр гэрэлтэх шиг болсон. Тэнд нам гүм байсан. Үнэхээр нам гүм, амар тайван байсан. Гэрэл Кевинийг бүрхэхэд тэр доор болж буй аврах ажиллагааг ч, алсын уулыг ч харахаа больжээ. Түүнд ямар ч сэтгэл хөдлөл төрөөгүй, гэр бүлийнхнээ хараагүй, амьдралаа ч эргэн үзээгүй. Тэр зөвхөн дотроо асар том камертон мэт чичирхийллийг мэдэрч байв. Дараа нь 2 жилийн өмнө Альцхаймерын өвчнөөр нас барсан ээж нь түүнтэй харилцжээ.

Ээж надтай ярьж байгаа мэт байгаагүй. Түүний үгс чихэнд минь сонсогдоогүй. Би юу ч сонсоогүй. Тэр миний дотор байсан. Энэ чичирхийлэл буюу давтамж надад “Хараахан болоогүй. Хараахан болоогүй.” гэж 2 удаа дамжуулсан. Тэгээд л болоо. Би түүнийг хараагүй. Би дууг нь сонсоогүй ч тэр мэдрэмж миний дотор байсан. “Хараахан болоогүй. Хараахан болоогүй.” Хоёр дахь удаа “хараахан болоогүй.” гэхэд л гэнэт би тас харанхуйд орсон. Энэ үнэхээр аймшигтай байсан. Надад тас хар нуурын ёроолоос дөнгөж түлхэж дээшилсэн мэт санагдаж, би огцом хүчтэй амьсгаа авсан. Би юу ч харж чадаагүй. Юу ч сонсож чадаагүй. Хаалгагүй, тас харанхуй шүүгээнд байгаа мэт санагдсан. Би маш их айсан. Тэгээд Конни гэж эхнэрийнхээ нэрийг дайчин хүн шиг 3 удаа хашхирч байлаа. Кевин хожим нь эрчимт эмчилгээний тасагт түр ухаан ороход эхнэр нь дэргэд нь байсан бөгөөд дараа нь дахин тайвшруулах эм хийснийг дурсжээ.

Гэртээ харьснаас хойших саруудад түүнд явахад маш хэцүү болж, урьдын адил ажиллаж чадахаа больжээ. Санхүүгийн хүндрэл нь нэмэгдэхийн хэрээр түүнд цааш тэсэх аргагүй мэт санагдах үе ирсэн байна. Гэтэл гэнэтийн утасны дуудлага түүнийг цөхрөлөөс нь гаргажээ. Тэгээд утасны цаанаас: “Сайн уу, Кевин, ямаршуухан байна?” гэсэн. Маргааш энэ 3 хэсэгт цувралын төгсгөлийн 3 дугаар хэсгийг хүлээн авч үзээрэй. (Брэд Петерсон YouTube суваг - Баярлалаа)