ӨДӨР ТУТМЫН МЭДЭЭ-ний гол тойм – 2025 оны 9-р сарын 16

ЕХ, Япон, Шинэ Зеланд, Их Британи улсууд ОХУ-ын эсрэг хориг арга хэмжээгээ чангатгалаа. Украин (Урейн) улс руу хууль бусаар халдсантай холбоотойгоор газрын тос, зэвсэг, хөлөг онгоц, аж ахуйн нэгж, хувь хүмүүс рүү чиглэсэн хориг тавьжээ. (Бао Тин Түк)

ЕХ Украин (Урейн) улсад хийж буй Оросын бүрэн хэмжээний түрэмгийлэлд дэмжлэг үзүүлж байгаа 2500 гаруй хувь хүн, аж ахуйн нэгжийг онилон, Оросын эсрэг хориг арга хэмжээг зургаан сараар сунгалаа. (Евро Ньюс)

АНУ-ын тайланд бөөний худалдааны инфляц 8-р сард 2.6% болж буурсан нь, таамаглаж байсан 3.3% -иас хавьгүй бага гарсныг харуулав. Албаныхан үүнийг Ерөнхийлөгч Трампын татварын бодлого нь зардлыг бууруулж, Байдены үеийн эдийн засгийн хямралыг зогсоосон гэж үнэлж байна. Тэд одоо Холбооны Нөөцийн Санг бодлогын хүүгээ бууруулахыг уриалж байна. (WhiteHouse.gov)

АНУ-ын Ерөнхийлөгч Трамп [Теннесси мужийн] Мемфис хотод 2025 онд хүн амины хэргийн тоо Балтимор, Чикаго, Мехико хотуудын нийлбэр дүнгээс давсан тул холбооны тусламж илгээв. Мужийн албаны хүмүүс Ерөнхийлөгч Трампын оролцоог таатай хүлээн авч, хүчирхийлэл нэмэгдэхээс зогсоох зайлшгүй шаардлагатай алхам гэж үүнийг нэрлэж байна. (Цагаан ордон)

Ерөнхийлөгч Трампын Сүсэг бишрэлтэй хүмүүст зориулсан шилдэг 100 ялалт, 7-ын 5-р хэсэг

64) Татвар төлөгчдийн мөнгийг ихэнх үр хөндөлтөд ашиглахыг хориглосон Хайд нэмэлт өөрчлөлтийг хэрэгжүүллээ. 65) Гадаадад үр хөндөлтийг дэмждэг бүлгүүдэд АНУ-ын санхүүжилт олгохыг хориглох Мехико хотын бодлогыг дахин хэрэгжүүлэв. 66) Татвар төлөгчдийн мөнгөөр хууль бус цагаачдад ахмад дайчдын эмнэлгүүдэд болон цэргийн аяллын нөхөн төлбөрөөр дамжуулан үр хөндөлт хийлгэхийг зогсоожээ. 67) “Амьдралын төлөөх марш” жагсаалд төрөөгүй хүүхдүүдийг “эрдэнэт бяцхан үрс” гэж нэрлэсэн зурвас илгээв. 68) Амжилтгүй болсон үр хөндөлтийн дараа амьд төрсөн хүүхдүүдийг хамгаалах “Амьд төрсөн” хуулийг дэмжлээ. 69) Ээжүүдийн өдөрт зориулсан тунхаглал гаргаж, ээжүүд болон төрөөгүй хүүхдүүдэд хүндэтгэл үзүүлэв. 70) Хүүхдийн татварын хөнгөлөлт, хүүхэд үрчлэх татварын хөнгөлөлт, гэр бүлийн амралтын дэмжлэгийг өргөтгөлөө. 71) Үндэсний хууль тогтоомжийн хүрээнд Зохицуулсан хүүхэд төрөлт (үр хөндөлтийн гол үйлчилгээ үзүүлэгч)-д олгож байсан санхүүжилтийг зогсоов. 72) Хиймэл оюун ухаан (ХОУ)-ы бүтээсэн гүний хуурамч мэдээлэл, зохисгүй зургууд зэргийг оруулан, хүүхдийн цахим мөлжлөгтэй тэмцэх зорилгоор “Түүнийг Устга” хэмээх хуульд гарын үсэг зурлаа. 73) Эрүүл мэнд, хүний үйлчилгээний яам (ЭМХҮЯ)-ны сайд бага Роберт Ф.Кеннеди үр хөндөлтөөс гаргаж авсан ургийн эд эсийг ашиглах судалгааны санхүүжилтийг зогсоохоо амлалаа. 74) Хүнс, Эмийн Хяналтын Алба (ХЭХА)-ы комиссар Мартин Макари үр хөндөлтийн мифепристон эмийн баталгаажуулалтыг эргэн харж, шаардлагатай бол зөвшөөрлийг нь цуцлахаа амлажээ. 75) Хууль зүйн яам мужуудын үр хөндөлт хийдэг эмнэлгүүдэд олгож байсан санхүүжилтийг хасахыг дэмжив. 76) АНУ эмэгтэйчүүдийн эрүүл мэндийг дэмжин, гэр бүлийг бэхжүүлж, үр хөндөлтөд олон улсын эрх байхгүй гэдгийг баталдаг Женевийн зөвшилцлийн тунхаглалд дахин нэгдэв. 77) АНУ Дэлхийн Эрүүл Мэндийн Байгууллага (ДЭМБ)-аас гарч, түүнийг үр хөндөлтийг дэмждэг, итгэл үнэмшил, эрх чөлөөг эсэргүүцдэг гэж нэрлэжээ. 78) ЭМХҮЯ ReproductiveRights.gov холбооны вэбсайтыг хаажээ. 79) Өвчний хяналт, урьдчилан сэргийлэх төвүүд (ӨХБУСТ)-ийн сайтыг хэрэглэгчид “үр хөндөлт” гэж хайхад “үрчлэлт” гэж санал болгодог болгон өөрчлөв. (WhiteHouse.gov)

АНУ: Калифорни мужийн хууль тогтоогчид хиймэл оюун ухаан (ХОУ)-ы чатботуудад бэлгийн амьдралын болон амиа хорлох агуулгыг хориглох шинэ хуулийг баталлаа. Түүнчлэн энэ хууль нь насанд хүрээгүй хүүхдэд 3 цаг тутамд хэрэглэгчид хүнтэй биш, ХОУ-тай ярьж буйг үе үе сануулж байхыг шаардаж байна. Хуулийн төсөл одоо Амбан захирагчийн эцсийн батламжийг хүлээж байна. (Тап чи Мот Де Зиой)

Өмнөд Солонгосын Ерөнхийлөгч Ли Жэ Мён Хойд Солонгостой хил залгаа хотуудын боловсрол, соёл, нийгмийн халамжийг нэмэгдүүлэхэд илүү их дэмжлэг үзүүлэхээ амлаж, тэнд хурцадмал байдал аялал жуулчлал, орон нутгийн хөгжлийг хязгаарлаж байна гэж мэдэгдэв. (Бао Тин Түк)

АНУ-ын судалгаагаар ургамлын гаралтай хоол хүнс нь ходоодны хорт хавдраар өвчлөх эрсдэлийг 45%, цусны хорт хавдрыг 25%, нийт хавдрын эрсдэлийг 12%-иар бууруулж, эслэг болон ургамлын гаралтай боловсруулалтад оруулаагүй хүнс хорт хавдраас урьдчилан сэргийлэхэд тусалдаг гэсэн нэмэгдэж буй нотолгоог улам баталгаажуулж байна. (VegNews)

Шведийн томоохон судалгаагаар ургамалд суурилсан хооллолт нь өндөр настай хүмүүсийн зүрхний өвчин, мартдаг буюу оюун ухааны хомсдолын өвчнийг удаашруулдаг бол амьтан-хүний улаан мах, боловсруулсан хоол хүнс, чихэрлэг ундаа нь архаг өвчний эрсдэлийг нэмэгдүүлдэг болохыг тогтоожээ. (Science Daily)

Мэргэжилтнүүдийн үзэж байгаагаар чавга нь өсөлтийн даавар IGF-1-ийг идэвхжүүлснээр булчин болон хүч чадлыг нэмэгдүүлэхэд тусалдаг. Эдгээр нь мөн ясны эрүүл мэндийг дэмждэг бор элементээр баялаг юм. Эрүүл веган хооллолтын нэг хэсэг болгон өдөрт 4-5 удаа биеэ байгалийн аргаар тэтгэхэд туслах зорилгоор идээрэй. (ЭРҮҮЛ МЭНД BS9)

Далив өвсний үндэс нь антиоксидант, инулин зэрэг ургамлын гаралтай хамгаалалтын нэгдлүүдээр баялаг бөгөөд биеийн коллагены үйлдвэрлэлийг дэмжиж, хоол боловсруулахад тусалдаг. Эмч нарын хэлснээр далив өвс зэрэг эрүүл веган хоолыг тогтмол дасгал хөдөлгөөнтэй хослуулбал булчингийн хүчийг бэхжүүлж, ерөнхий эрүүл мэндийг дэмжин, өндөр настнуудад ч гэсэн тустай. (Sức Khỏe Người Cao Tuổi)

Эмч нар усны хиссоп (рау дан биень) нь чихрийн шижин өвчнийг эмчлэх байгалийн эмчилгээ болдгийг хэлэв. Энэ нь цусан дахь сахрын хэмжээг тогтворжуулахад тусалдаг инсулиныг орлодог бакосид зэрэг ургамлын гаралтай молекулуудыг агуулдаг. Уламжлалт анагаах ухааны дагуу түүний гашуун амт нь цөсний үйлдвэрлэлийг идэвхжүүлж, элгийг хоргүйжүүлэх үйл ажиллагаа, өөх тосны солилцоог дэмждэг. Антиоксидантаар баялаг усны иссоп нь цусны судсыг хамгаалж, холестериныг бууруулдаг. Долоо хоногт 1-2 удаа бага зэрэг түргэн буцалгаж, эсвэл түүхийгээр нь хэрэглээрэй. Ургамлын гаралтай ашиг тустай бодисуудыг нь хадгалахын тулд хэт чанахаас зайлсхий. (Bs Minh Hạnh)

[Ау Лак (Вьетнам)-ын] Ха Тинь аймаг: Гэрт нь аянга бууж, цэнэглэж байхдаа ашиглаж байсан гар утсыг нь цахилгаан цохисны улмаас нэг залуу нас баржээ. Аянга цахилгаантай үед залгуурт холбогдсон төхөөрөмжид хүрэхгүй байхыг мэргэжилтнүүд анхааруулж байна. (VnExpress)

[Энэтхэгийн] Баруун Сикким дүүрэг: Хүчтэй аадар борооны улмаас хөрсний гулгалт үүсэж, 4 хүн нас барж, 3 хүн сураггүй болжээ. (Энэтхэг өнөөдөр)

Индонез: Бали болон Зүүн Нуса Тэнггара мужид маш их аадар бороо орсны улмаас үер буун, хөрсний гулгалт үүсэж, 15 хүн амиа алдан, 10 хүн сураггүй алга болж, байшин, жуулчны бүсийг сүйрүүллээ. (Дои сон Фап Луат)

2025 оны 9-р сарын 11-нд нарны агаар мандалд зүрхэн хэлбэртэй нүх үүсэж, дэлхий рүү шууд чиглэжээ. Эрдэмтдийн мэдэгдсэнээр эдгээр нүхнүүд нь нарны соронзон орны завсраар хурдтай нарны салхи ялгаруулдаг тул энэ нь дунд зэргийн гео соронзон шуурга үүсгэж, амралтын өдрүүдэд туйлын туяа ажиглагдаж болзошгүй байна. (Аврора Австралис; Space.com)

[АНУ-ын] Аляск: ​​Гэссэн мөнх цэвдгээс хортой металлууд ялгарч, гол мөрнийг бүдэг шаргал өнгөтэй болгон, загас-хүмүүсийг болон тэдгээрийг иддэг хүмүүсийг хордуулж байна. (Phys.org)

[ИБУИНВУ-ын] Англи орон нүүрстөрөгчөөр баялаг амьдрах орчныг хамгаалах, үерийг бууруулах зорилгоор 9-р сарын 30-наас эхлэн 30 см-ээс дээш гүнтэй, 680,000 орчим га талбайг хамарсан хүлэрт намгийг шатаахыг хориглолоо. (Гуардиан)

Солонгосын Шинжлэх ухаан, технологийн дэвшилтэт хүрээлэн (KAIST) болон Өмнөд Солонгосын үйлдвэрлэгч LG Energy Solution компани 12 минутын дотор цэнэглэгддэг, нэг цэнэглэлтээр 800 км замыг туулдаг, литийн дендрит технологиор аюулгүй байдлын эрсдэлийг засдаг шинэ лити-металл цахилгаан автомашины батарейг бүтээжээ. (ВьетНамНет)

[АНУ-ын Нью-Йоркийн] Хадсон хөндийн дээгүүр нууцлаг галт бөмбөлөг зурсхийн өнгөрч, хүмүүсийн айдас, сониуч занг өдөөв. Мэргэжилтнүүд үүнийг хурд, тойрог замаас нь харахад солир биш байна гэж мэдэгджээ. (Эргээс эрэг хүртэл)

Бразилд 90 настай эрийг зүрхний шигдээсээр нас барсан гэж зарласан ч моргт амьсгалж байгааг нь тогтоожээ. Түүнийг түргэн тусламжийн өрөөнд яаралтай хүргэсэн боловч удалгүй дахин нас барсан байна. Уг ховор тохиолдлыг одоо шалгаж байна. (Нгуой Дуа Тинь)

Их Британид ургамлан хооллолтод шилжих нь ирэх 100 жилд устах төлөвтэй байгаа зүйлийн 58%-ийг аврахын зэрэгцээ байгаль, хүнсний хангамж, эдийн засгийг хамгаалах боломжтой гэж Их Британийн Хүнсний Сан буяны байгууллагаас мэдэгджээ. (Ургамалд суурилсан мэдээ)

Хойд Америкийн ургамлын гаралтай тахианы махны борлуулалт 2024 онд 3.2 тэрбум ам.долларт хүрч, 2031 он гэхэд хоёр дахин өсөх төлөвтэй байгаа нь байгальд ээлтэй веган хооллолт, эрүүл мэнддээ анхаардаг хэрэглэгчдийн дадал зуршлаас үүдэлтэй. (ДатаМ интеллиженс 4 Маркет Ризийрч ХХН)

Шведэд төвтэй H&M загварын брэнд 2025 оны 10-р сараас эхлэн Энэтхэг даяар 200 гаруй веган гоо сайхны бүтээгдэхүүн худалдаанд гаргаж эхлэх бөгөөд дэлгүүрүүдэд болон онлайнаар харгислал агуулаагүй нүүр будалт, үнэртний сонголтуудыг санал болгож байна. (Санхүүгийн экспресс)

Арабын Нэгдсэн Эмирт Улс: Абу Даби хотын үнэгүй онлайн сургалт нь хүмүүст гудамжны муур-хүмүүсийг хэрхэн халамжлахыг зааж байна. Ашгийн бус Microchipped.ae-ийн үүсгэн байгуулагч Дэйв Эпплби, Абу Дабийн Амьтдын асрамж хэмээх орон нутгийн ашгийн бус байгууллагын хамтран бүтээсэн тус хөтөлбөр нь бодлогогүй хооллохын оронд урхи-үржил хаах-буцааж тавих аргыг дэмждэг. Энэ арга нь амжилттай болбол нохой-хүмүүс, зэрлэг амьтан-хүмүүст чиглэн тэлэх боломжтой. (Үндэсний мэдээ)

[Испанийн] Коста дель Сол: Аврагчид болон далайн эргийн аялагчид хүний гинж үүсгэн, ширүүн далайгаас нэгэн хүү, аврагч хоёрыг аварчээ. (Индепендент)

[АНУ-ын] Коннектикут муж: ​​Чеширийн цагдаа нар тааруухан нөхцөл байдлаас 18 муур-хүн, нэг нохой-хүнийг аварч, амьтдад харгис хэрцгий хандсан 19 хэргээр гурван хүнийг баривчилжээ. (NBC Коннектикут)

[Өмнөд Африкийн Лимпопо мужийн] Пельвана дархан цаазат газарт багийн гишүүд усан санд гацсан анааш-хүнийг усан сангийн усыг шавхаж, чулуу, дугуй, элсээр барьсан гар аргаар хийсэн налуу зам руу чиглүүлэн аварчээ. (БОНА)

Америкийн зураач Тина Шмидт клиник үхлүүд (КҮ)-д орж, Их Эзэн Есүс (цагаан хоолтон)-тэй учирсан ер бусын тохиолдлуудаа хуваалцсан юм.

Тина 1966 онд 5 настай байхдаа анхны КҮ-дээ орсон байна. Тина цэцэрлэгийн тоосгон дээр унаж, гавлын яс нь цууран, цус алджээ. Тархины рефлексийн шинжилгээнүүд тааруу гарч, мэс засалчид хавдрыг дарахын тулд гавлын ясыг нь өрөмдөхөөс өөр аргагүй болов.

Энэ хугацаанд Тина биеэсээ гелийн бөмбөлөг шиг хөвөн гарч, эмнэлгийн орны дээр, доороос өөрийгөө харан, бараан, саарал орон зай руу татагдан орлоо. Тэнд өт шиг асар том сүнснүүд айдас төрүүлэн байв. Нэгэн хамгаалагч оршихуй, магадгүй сахиулсан тэнгэр, эсвэл Эзэн Есүс түүнийг хамгаалж, дэлхий дээр гэрэлтэх гэрлийг зааж өгсөн бөгөөд тэр нь хүмүүс гэдгийг ойлгож гэнэ. Энэ хооронд ээж нь залбирч, Тина өөрөө эмнэлгийн орон дээр амьд сэрүүн сууж байхыг харлаа. Тина яг харсан байдалдаа ухаан ороход үсийг нь хуссан, сорвитой байв. Гэмтэл нь түүнийг сүнслэг байдлын хувьд ил гаргаж, олон жилийн турш зовж шаналжээ.

Тина 17 настайдаа ганцаараа амьдарч байхдаа уушгины хатгалгаа өвчнөөр өвчилж, хоёр дахь удаагаа клиник үхэлд оров. Нэгэн шөнө тэрээр хөдөлгөөнгүй, дэрэн дээрээ тонгойн амьсгал нь боогдсон байдалтай үлджээ. Зүрхнийх нь цохилт удааширч буйтай адил бөмбөр цохиж буй мэт чимээ сонсогдов. Бие нь аймшигтай дарагдаж буйг мэдэрч, гольфийн бөмбөг шиг шахагдаад толгойныхоо араар гэнэт гарч оджээ. Тэрээр дээгүүр хөвж, үл үзэгдэх үе мөчнүүдээрээ бие рүүгээ орохыг хичээн хашхирав.

Гэвч тэрээр тууз мэт татагдан, өмхий үнэртэй, эвдэрч муудсан саарал тамын хэсэг рүү орсон байна. Тэнд аймшигтай авиа сонсогдож, оршихуйнууд түүн рүү ойртон, савраараа зулгаахад Тина эцэс төгсгөлгүй мэт хашхирлаа. Гэтэл гэнэт тэрээр бие рүүгээ шилэн саванд ус урсан орж буй мэт буцан орж, зүрх нь дахин цохилж эхэлжээ. Эмнэлэгт хандахыг хүссэн ч түүний сүмийнхэн энэ явдлыг “чөтгөрийнх” хэмээн үгүйсгэж, түүнийг өөр шашныг судлахад хүргэсэн ч Есүст итгэх итгэл нь улам батажсан байна.

1985 онд Тинагийн 31 настай ах эмийн харшлын урвалаас болж комд оржээ. Нэгэн тэнгэрийн элч түүнд ах нь яг хэдийд нас барахыг хэлж өгсөн байна. Тэр өдрийн өмнөх шөнө нь Ариун Сүнсний удирдлагаар Тина ахдаа Бурханы Хайрын тухай мөргөл үйлдэн өгүүлэхэд түүний зүрхний цохилт 170-аас 70 болж унажээ. Тэрээр зөгнөсөн ёсоор маргааш нь нас барав.

Ядарч туйлдсан Тина унтаад салхин хонгилоор дээш өргөгдөн Диваажинд хүрч гэнэ. Амьд байгаа болон өөд болсон гэрийнхэнтэйгээ хамт ногоон талд эдгэрсэн, баяр хөөртэй дүүгээ тэврэв. Тэнгэрийн элч буюу Эзэн Есүс Тинаг дэлхий рүү буцаан авчирч, тэрээр энэ дэлхийн биедээ эргэн оржээ.

Тинагийн гурав дахь клиник үхэл 24 настайд нь өөрийг нь болон ахыг нь адилхан үхэлд хүргэсэн эмээс болж анафилаксийн шоконд орсон үед тохиолджээ. Түүний бие хавдаж, зүрх нь 150 хүрэн цохилж эхэлсэн ба тэр цээжнээсээ гаднах саарал орон зай руу шидэгдсэн байна. Хадуур барьсан эрлэгийн элч түүнийг барьж авсан боловч Тина Их Эзэн Есүсээс илгээсэн нэгэн хөшиг өөрийнх нь гарыг хамгаалж буйг харлаа. Тэрээр Их Эзэн Есүсийн нэрийг дуудаж, өөрийг нь суллахыг чөтгөрт тушаахад тэр чөтгөр агшин алга болов. Дараа нь бие рүүгээ буцаж шидэгдэхэд Тина нөхрөө сэрээж, эмнэлэгт очжээ. Тэнд тэрээр нас барсан ахыгаа агшин зуур харж, нэгэн сахиулсан тэнгэр “Харшил” гэж хэлэв. Тэрээр эмч нарт мэдэгдсэнээр тэд цефамандол эмийг зогсоожээ. Энэ нь түүний дархлааг сулруулж, улмаар хорт хавдар туссан байна. Гэвч мэс заслын үеэр урьд нь хийгдсэн шинжилгээ, дүрс оношилгоонд илэрсэн хорт хавдар алга болсон юм. Дөрөв хоногийн дараа тэр ажилдаа буцаж ирэв.

2015 онд алдаж, өвдөж байхдаа Тина Диваажинд очжээ. Тэрээр үүлэн сэнтий дээр олон мянган өнгө цацруулж буй Эзэн Есүсийг харж гэнэ. Түүний нөмрөг амь орсон мэт, Түүний царай Нарнаас ч тод, алтан Гэрлийн титэм “илүү, илүү, илүү” хэмээн цуурайтах аж. Түүний дээр солонго татаж, хайр, баяр хөөрийн давлагаа Тинаг бүхэлд нь бүрхэн, бие, сэтгэл, оюуны эс бүрд нь шингэн уусав. Дэлхийн бүх санаа зовнил уусан арилж, энэ уулзалтын хүч түүнд урт удаан хугацаанд түшиг тулгуур болсон байна.

Эзэн Есүс Тинад дотоодод нь дайчин, найз, ах гэсэн янз бүрийн дүр төрхөөр үзэгдэж, Түүнийг гадаад төрхөөр бус сүнсээр нь танихыг зааж эхэлжээ. Тэрээр цовдлуулснаас болж үүссэн шарх сорвио үзүүлэн, Тэр бол өөрийнх нь баатар гэдгийг батлан, өвчин эмгэг, бүтэлгүйтлийнх нь талаарх хуурамч итгэлийг эвдэв.

2019 онд Тина дөрөв дэх удаагаа клиник үхэлд оржээ. Толгойны өвчний эм нь түүний тархи, нурууг гэмтээснээс таталт өгч, аймшигт байдалд орж, арай ядан амьсгалж байлаа. Эмнэлгээс буцаж харьсныхаа дараа Тина дахиж эм уухаас татгалзан, тэдгээрийг нуусан байна. Явах, хоол идэх боломжгүй болж, жин нь 93 фунт [42 килограмм] хүртэл буусан ч тэрээр залбирал болон судраар өөрийгөө тэтгэж байв.

Энэ бэрхшээлийн үеэр Эзэн Есүс түүнд эелдэг үг хэлэн үзэгддэг байлаа. Нэгэн удаа түүний чин сэтгэлийн залбирлын дараа нөхрийнх нь хоолойн хаван эдгэрчээ. Өөр нэг удаа гүн гүнзгий ахуй ойлголтод нь Бурхан түүний сүнсийг ном мэт нээж, амьдралынх нь хором мөч бүрийг секундийн дотор илчлэн, Өөрийн Ариун чанараар түүнийг дүүргэв. Тэр олон хоног уйлжээ. Их Эзэн Есүст мөргөж, туйлын ихэд түшиглэснээр Тина толгойны өвчнөөсөө бүрэн ангижирсан байна.

2020 онд Тина “Амьд өнгөт Есүс” хэмээх зургийг зурсан бөгөөд энэ нь сонгодог хөргийн суурин дээр бүтээгдсэн ч Диваажинд харсан Есүсийн гэрэл цацарсан өнгөөр дүүрэн байлаа. Энэ нь түүний эдгэрэлтийг болон Түүнд итгэдэг, дуулгавартай, дагадаг бүх хүмүүст мөнхийн авралын тухай Христийн амлалтын бэлгэ тэмдэг болсон юм. (Рэнди Кэй)

Өдрийн өөрийгөө ухаарах эшлэл: “Оршин байх нь Гоо сайхантай нэгэн адил учраас хүсүүштэй, Гоо сайхан нь өөрөө Оршихуй учраас хайр татам. Бид өөрсдийн дотоод мөн чанарт үнэнч байх үедээ Гоо сайхныг агуулдаг. Өөр дэг журамд ормогц бид муухай болдог. Өөрсдийгөө танин мэддэг бол бид үзэсгэлэнтэй. Өөрсдийгөө танин мэдэхгүй бол бид муухай.” - Плутон (цагаан хоолтон) Грекийн гүн ухаантан