ӨДӨР ТУТМЫН МЭДЭЭ-ний гол тойм – 2025 оны 10-р сарын 16

ХАМАС-т олзлогдогсдоос суллагдсан анхны америк хүн Жудит Раанан Ерөнхийлөгч Трамп болон Түүний гал зогсоох хэлэлцээрийг талархан дурдаж, үүнийг “миний амьдралын хамгийн аз жаргалтай өдөр” гэв. (Нью-Йорк Пост)

[АНУ-ын] Чикаго хотын дарга асан [Ардчилсан намын] Рахм Эмануэль Израил-ХАМАС-ын гал зогсоох хэлэлцээрт Ерөнхийлөгч Трампын оруулсан хувь нэмрийг үнэлэх ёстой гэв. Энэ хэлэлцээр дэлхийд манлайлах Америкийн үүрэг “нэн чухал” хэвээр буйг харуулж байна. (Фокс Ньюс)

Украин (Урейн)-ы Ерөнхийлөгч Зеленский Ерөнхийлөгч Трамптай утсаар маш их “үр дүнтэй” ярьсныхаа дараа Украин (Урейн)-д энх тайвныг тогтоохыг уриалж, хэрвээ Тэрээр Ойрх Дорнод дахь дайныг зогсоож чадвал бусад бүс нутагт ч мөн үүнийг хийж чадна гэж бичжээ. (CBS)

Шинэ Зеланд, Сингапур улсууд худалдаа, аюулгүй байдал, уур амьсгалын үйл ажиллагааны чиглэлээр хамтын ажиллагаагаа гүнзгийрүүлэхээр Иж бүрэн стратегийн түншлэлийн гэрээ байгуулав. Мөн тус хоёр улс чухал бараа бүтээгдэхүүний худалдааны гэрээнд гарын үсэг зурж, хямралын үед эм зэрэг гол хангамжид экспортын хязгаарлалт тавихгүй байхыг баталгаажууллаа. (Ройтерс)

Ерөнхийлөгч Трампын засаг захиргаа цагаачлалын эсрэг тэмцлээ эрчимжүүлж байгаа тул Гватемал улс АНУ-аас гватемал болон гадаадын цагаачдыг тээвэрлэсэн албадан гаргалтын анхны нислэгийг хүлээн авсан байна. (Аль Жазира)

АНУ-ын Дайны нарийн бичгийн дарга Хегсет мэдэгдэхдээ Катар АНУ-ын агаарын цэргийн баазад нисэх хүчний сургалтын байгууламж байгуулж, хоёр талын харилцааг бэхжүүлж чадна гэв. (Индепендэнт)

Хятадын Мин Ян Смарт Энержи Групп [Их Британийн] Шотландад салхин хөдөлгүүрийн үйлдвэр барихад 2 тэрбум ам.долларын хөрөнгө оруулалт хийж, 1500 орчим ажлын байр бий болгох бөгөөд эхний үе шат 2028 оны сүүл гэхэд ашиглалтад орох төлөвтэй байна. Их Британийн засгийн газар сэргээгдэх эрчим хүчийг өргөтгөх хүчин чармайлтынхаа нэг хэсэг болгон уг төслийг сайшааж байгаа ажээ. (Ройтерс)

Ерөнхийлөгч Трамп Дайны нарийн бичгийн дарга Хегсетэд төрийн санхүүжилт хаагдсан үед ч цэргийн албан хаагчдын цалинг үргэлжлүүлэн олгохыг тушаан, сенатор Чак Шумер тэргүүтэй Ардчилсан намынхныг улс төрийн зорилгоо хэрэгжүүлэхийн тулд санхүүжилтийг санаатайгаар хаасан гэж буруутгав. (Фокс Ньюс)

Цагаан ордны эмч, доктор Шон Барбабелла АНУ-ын Ерөнхийлөгч Трампын эрүүл мэндийн байдал онцгой сайн байгааг онцлон зүрхний нас нь 79 наснаасаа 14 насаар залуу байна гэж мэдэгджээ. Ерөнхийлөгч Трамп бол АНУ-ын ерөнхийлөгчийн албыг хашиж байсан хоёр дахь хамгийн өндөр настай хүн боловч бие бялдрын хувьд чийрэг, идэвхтэй хэмнэлтэй хэвээр байна. (Ройтерс)

АНУ-ын Ерөнхийлөгч Трамп гэр бүлийн хүчирхийллийг таслан зогсоох, амьд үлдсэн хүмүүсийг дэмжих, хууль тогтоомжийг хэрэгжүүлэх, гэр бүлүүдийг дижитал мөлжлөгөөс хамгаалахын тулд ТАТАХ тухай хуульд гарын үсэг зурах амлалтаа дахин нотолж, гэр бүлийн хүчирхийлэлтэй тэмцэх үндэсний сард зориулан илгээлт нийтэлжээ. (WhiteHouse.gov)

АНУ-ын Ерөнхийлөгч Трамп хөхний хорт хавдрыг таниулах үндэсний сард зориулсан илгээлтдээ хорт хавдрын тохиолдлыг бууруулах хүчин чармайлтыг онцлон тэмдэглэж, эрт илрүүлэлт, эрүүл амьдралын хэв маягийг эрхэмлэхийг америкчуудад уриалав. Ерөнхийлөгч мөн амьд үлдсэн 4 сая хүнд хүндэтгэл үзүүлж, өвчинд нэрвэгдсэн гэр бүлүүдэд эмгэнэл илэрхийллээ. (WhiteHouse.gov)

АНУ-ын Ерөнхийлөгч Трамп Дауны хам шинжийг таниулах үндэсний сард зориулсан илгээлтдээ хүүхэд бүр төрөлхийн нэр төр, үнэ цэнтэй Бурханы ариун дүр төрх, адил чанараар бүтээгдсэн хэмээн хэлэв. Тэрээр дауны синдромтой хүмүүс, тэдэнд нөхцөл болзолгүй хайраа өгдөг гэр бүлийнхэн, асран хамгаалагчдыг алдаршуулан, бүх америкчуудын эрүүл мэнд, нэр төрийг хамгаалах амлалтаа дахин нотоллоо. (WhiteHouse.gov)

АНУ-ын Ерөнхийлөгч Трамп 2025 оны 10-р сарын 11-ний өдрийг генерал Пуласкийн дурсгалын өдөр болгон зарлаж, Америкийн морин цэргийн эцэг гэгддэг польш гаралтай бригадын генерал Касимир Пуласкт Брендивиний тулалдаанд генерал Жорж Вашингтоныг авран баатарлаг үүрэг гүйцэтгэсэнд нь хүндэтгэл үзүүллээ. Ерөнхийлөгч Трамп мөн Польш, АНУ-ын эрх чөлөөний төлөөх хамтын тэмцэл, харилцаа холбоог онцлон тэмдэглэсэн юм. (WhiteHouse.gov)

АНУ-ын Ерөнхийлөгч Трамп эмийн томоохон корпорац (АстраЗенека)-тай хоёр дахь гэрээ байгуулснаа зарлалаа. Энэ гэрээгээр АНУ-ын эмийн үнийг хөгжингүй орнуудын төлдөг хамгийн доод үнэ хүртэл бууруулж, улсын эрүүл мэндийн даатгалын хөтөлбөрүүдэд хөнгөлөлттэй үнээр хамрагдах боломжийг олгон, сая сая өвчтөний зардлыг бууруулах юм. (WhiteHouse.gov)

АНУ-ын технологийн тэрбумтан Марк Бениоф АНУ-ын ерөнхийлөгчийн мөрийн хөтөлбөрийг “бүрэн дэмжиж байна” гээд [Калифорнийн] Сан Францискод Үндэсний гвардийг байрлуулахыг Ерөнхийлөгч Трампаас хүсжээ. (Нью-Йорк Пост)

ЕХ хиймэл оюун ухааны хэрэглээ, хиймэл оюун ухаан шинжлэх ухаанд гэсэн хиймэл оюун ухааны хоёр стратегийг танилцуулж, аж үйлдвэр, шинжлэх ухаанд хиймэл оюун ухааныг нэвтрүүлэх, жижиг, дунд үйлдвэрлэлийг дэмжих, Европын технологийн манлайллыг баталгаажуулах зорилгоор 1 тэрбум еврогийн хөрөнгө оруулах болно. (Европын Комисс)

Хайтийн 6 сая орчим хүн 2026 оны дунд үе гэхэд өлсгөлөнд нэрвэгдэх эрсдэлтэй байгаа бөгөөд энэ нь гэмт бүлэглэлийн хүчирхийлэл нэмэгдэж, эдийн засгийн уналт удаан үргэлжилсэнтэй холбоотой. Өлсгөлөнгийн эсрэг дэлхийн ашгийн бус байгууллага Хаити улсын хүнсний аюулгүй байдалд урт хугацааны хөрөнгө оруулалт хийхгүй бол өнөөгийн ахиц дэвшил эмзэг хэвээр байх болно гэж анхааруулж байна. (IPC; Reuters)

Мэргэжилтнүүдийн үзэж байгаагаар квиноа бол есөн чухал амин хүчлийг агуулсан бүрэн уураг бөгөөд энэ нь үр тарианы маш сайн сонголт болдог. Энэ нь зүрхний эрүүл мэндийг дэмжиж, цусан дахь сахарын хэмжээг тогтворжуулан, хоол боловсруулахад тусалдаг эслэг, магни, антиоксидантаар баялаг. Судалгаанаас үзэхэд квиноа нь үрэвслийг бууруулж, бодисын солилцоог сайжруулдаг. Ургамлын гаралтай эрч хүчийг хадгалахын тулд веган салат, шөл, эсвэл үр тариатай хамт суурь болгон хэрэглээрэй. (Кливленд клиник)

Эмч нар ойн самар зүрхэнд тустай өөх тос, Е витамин, антиоксидантаар баялаг бөгөөд эсийг хамгаалж, арьсыг гэрэлтсэн, эрүүл байхад тусалдаг гэлээ. Судалгаанаас харахад ойн самрыг тогтмол хэрэглэх нь холестериныг бууруулж, цусны эргэлтийг сайжруулан, тархины үйл ажиллагааг дэмждэг. Үүнд агуулагдах магни, фолийн хүчил нь булчингийн нөхөн сэргэлт, энергийн тэнцвэрийг хангахад тустай. Тэжээллэг веган хооллолтын нэг хэсэг болгон өдөр бүр жижиг атгыг юм уу тараг, смүүтитэй хольж идээрэй. (WebMD)

Эмч нар наргил нь зүрх, тархи, арьсны эрүүл мэндэд тустай эрүүл өөх тос, электролит, антиоксидантаар хангадаг шим тэжээлээр баялаг жимс юм гэж хэлдэг. Байгалийн дунд-гинжин триглицеридүүд (өөх тос) нь бие махбодод хурдан энерги болж хувирдаг тул анхаарал төвлөрөл, тэсвэр хатуужлыг нэмэгдүүлдэг байна. Наргилын ус нь биеийг чийгшүүлж, эрдсийг нөхөн төлжүүлдэг бол наргилын зөөлөн эд нь эслэгээрээ хоол боловсруулахад тусалдаг. Байгалийн эрч хүч, чийгшил авахын тулд тэнцвэртэй веган хоолны нэг хэсэг болгон шинэхэн наргил, наргилын ус, зөөлөн эдийг зооглоорой. (Healthline)

Австралийн эрдэмтдийн судалгаагаар эх хүний сүү хүүхдийн дархлааг дэмжиж, үрэвслийг бууруулан, халдвартай тэмцэхэд тусалдаг болохыг тогтоожээ. Энэ нь эсийг хамгаалдаг өвөрмөц липид болох лазмалогенуудтай холбоотой аж. Эрдэмтдийн дүгнэлт Дэлхийн Эрүүл Мэндийн Байгууллага (ДЭМБ)-аас өгдөг “хүүхдийг наад зах нь эхний зургаан сар хөхүүлэх” зөвлөмжийг дахин баталгаажуулж байна. (Earth.com)

Дэлхийн Эрүүл Мэндийн Байгууллага (ДЭМБ)-ын мэдээлснээр Европт гурван эмч, сувилагч тутмын нэг нь сэтгэл гутрал, эсвэл түгшүүрийн шинж тэмдэгтэй байгаа нь нийт хүн амын түвшнээс тав дахин өндөр байгаа тул эрүүл мэндийн тогтолцооны тогтвортой байдалд заналхийлэх боллоо. Ялангуяа шөнийн ээлжид болон урт цагаар ажилладаг эмч нар сэтгэл гутрал, түгшүүр, амиа хорлох бодлын хоёр дахин өндөр эрсдэлтэй байна. Европ 2030 он гэхэд нэг сая орчим эрүүл мэндийн ажилтны хомсдолд орох тул ажлын байран дахь хүчирхийллийг зогсоох, ажлын цагийг шинэчлэх, сэтгэцийн эрүүл мэндийн тусламж үйлчилгээний хүртээмжийг нэмэгдүүлэхийг ДЭМБ уриалав. (Бао Тинь Түк)

Эргийн шуурга [АНУ-ын Өмнөд Каролинагийн] Жоржтаунд үер буулгаснаар дэлгүүрүүд хаагдан, тээврийн хэрэгслүүд гацлаа. (WCBD Charleston)

[АНУ-ын] Нью Жерси мужид 60 бээр/ц (96 км/ц)-ийн хурдтай салхи, үер дагуулсан нор истер хэмээх хойд Атлантын циклон дэгдэж, олон мянган айл өрх цахилгаангүй болж, АНУ-ын зүүн эргийн нисэх буудлуудад нислэг саатжээ. (UPI News)

[Их Британийн] Шотланд: Өнгөрсөн амралтын өдөр Ами шуурганы дараа уулархаг нутагт “тэнгэрт давлагаалах далайн давлагаа” мэт нууцлаг, ховор давлагаа хэлбэрт үүл гарч ирж, харин зүүн хойд хэсэгт давхар солонго, нар гайхалтайгаар жаргах нь харагдав. (BBC)

АНУ-ын сансрын агентлаг НАСА цагт 1 сая бээр [1,6 сая километр] хурдтай, Сүүн зам галактикаас зугтах хангалттай хурдтай CWISE J1249 нэртэй нууцлаг өндөр хурдны сансрын бөмбөрцгийг илрүүлжээ. Дэлхийгээс 30,000 дахин их, нарны 8%-тай тэнцэх масстай энэ биет гараг болоход дэндүү том боловч од болоход дэндүү жижиг бөгөөд үүнийг мэдэгдэж буй ангиллын хооронд байрлуулна. (Rude Bageutte)

Мөнгө нэхэхийн тулд компьютер, файлуудыг түгжих ransomware [зэвсгийн программ хангамж]-ийн халдлага 2026 оны эцэс гэхэд 40 гаруй хувиар өсөх төлөвтэй байна. 2024 онд хиймэл оюун ухаанаар ажилладаг гүн хуурамч халдлага 20 сая ам.долларын хохирол учруулж, үүлэн аюулгүй байдлын сэрэмжлүүлэг 235%-иар өссөн байна. Австралийн даатгагч QBE бизнес эрхлэгчдэд кибер аюулгүй байдлыг бэхжүүлэх, нууц мэдээллийг шифрлэх, яаралтай тусламжийн төлөвлөгөөг турших, үүлэн системийг сайтар хянахыг зөвлөлөө. (Бао Тинь Түк)

Хятад: Шөнийн тэнгэр цуварсан, нууцлаг цэнхэр цагаан гэрлээр анивчиж буй дүрс бичлэг олон сая хүний анхаарлыг татан, Нисдэг Үл мэдэгдэх биетийн онолуудыг өдөөв. (DBC News)

Оскарын шагналт жүжигчин, амьтан-хүний эрхийн төлөө тэмцэгч Дайанэ Китон (цагаан хоолтон) [АНУ-ын] Калифорнид 79 насандаа таалал төгслөө. ПETA [Амьтанд ёс зүйтэй ханддаг хүмүүс] түүнийг “Big Cat Public Safety Act” гэх мэт шалтгаануудыг болон хамаг төрөлтнийг энэрэн нигүүлсэх сэтгэлийг дэмжсэнийх нь төлөө хүндэтгэл илэрхийлжээ. (ZoomBangla.com)

АНУ: Импоссибл Фүүдс нь мэргэжлийн тамирчдад зориулсан, Үндэсний Эрүүл Ахуйн Сан (ҮЭАХС)-гаас баталгаажсан анхны веган махны брэнд болж, БГЛ (Бейсболын Гол Лиг), ҮХЛ (Үндэсний Хоккейн Лиг), ҮХБЛ (Үндэсний хөл бөмбөгийн лиг)-ийн стандартуудыг уураг ихтэй, холестерингүй, өөх тос багатай байдлуудаараа хангаад байна. (Vegconomist)

Аулак (Вьетнам)-ын Телевизийн хөтлөгч Хань Фүк (веган) 2012 онд оношлогдсон ховор хэлбэрийн цусны хорт хавдраас эдгэрснийхээ дараа 10 гаруй жилийн турш веган амьдралын хэв маягийг баримталж, Буддизм, веганизм, буяны үйлсийг хүлээн зөвшөөрөн, бусдад эерэг амьдрахад урам зориг өгөхийн тулд өөрийнхөө түүхийг ашиглаж байна. (Ngưổi Ng)

АНУ-ын нөлөөлөгч, 20 гаруй жил түүхий веган хоол хийж буй Бүрэн Түүхий Кристина 1,45 сая Ютюб дагагчтай бөгөөд өдөр бүр 80-100 грамм уургийг ургамлын гаралтай хүнснээс авдаг гэж тайлбарлан, ногоо, самар, үр, жимс зэрэг ургамлын гаралтай олон хүнс бүх чухал амин хүчлийг агуулсан бүрэн уураг болдгийг онцолдог. Тэрээр мөн ургамлын гаралтай хоол амьтан-хүний маханд суурилсан хоолыг бодвол бага хэмжээний ус, газар зарцуулдаг тул веган хооллолт нь эрүүл мэнд, гаргийн хувьд ашигтай гэдгийг онцлон тэмдэглэдэг. (CleanTechnica)

Чилийн амьтан-хүний эрхийг хамгаалах байгууллага Te Protejo Латин Америкийн гоо сайхны бүтээгдэхүүнд амьтан-хүмүүсийг туршилтад хэрэглэхийг зогсооход туслах зорилготой гоо сайхны бүтээгдэхүүнийг хүндэтгэх анхны харгислалгүй шагнал гардуулна. Тус шагнал Тогтвортой байдал, Инновац, Ургамлын гаралтай, Ард түмний дуртай гэсэн дөрвөн төрлөөр шалгаруулах бөгөөд өргөдлийг 11-р сарын 12 хүртэл нээлттэй хүлээн авч, ялагчдыг 11-р сарын 28-нд зарлана. (Vegconomist)

[АНУ-ын] Калифорни муж амьтан-хүний халамжийг сайжруулахаар гөлөг үржүүлдэг газруудыг хязгаарлах, гэрийн тэжээвэр амьтан-хүмүүсийн хууль бус борлуулалттай тэмцэх, эмнэлгийн шалтгаангүйгээр муур-хүний хумсыг авахыг хориглох зэрэг дөрвөн томоохон хуулийг баталлаа. Тус муж сүүлийн 2 жилийн хугацаанд амьтан-хүмүүсийн хоргодох байрыг дэмжих зорилгоор 50 сая ам.долларын хөрөнгө оруулалт хийж, үхэлд хүргэхгүй байхын төлөө ажиллаж байна. ##(Fullerton Observer)

[Украин (Урейн)-ы] Киевийн Амьтдыг аврах бүлэг Оросын дайралтын үеэр эвдэрсэн Печерский дүүргийн орон сууцны барилгаас гурван муур-хүнийг аварчээ. Муурын хоёр нь түлэгдэж, утаанд хордсон байдалтай байгаа бол гурав дахь нь эсэн мэнд бөгөөд асран хамгаалагчидтайгаа дахин уулзжээ. (Украинская правда)

Нүдээ анивчиж буй залуу хэмээх [хөгжилтэй зураг]-аараа алдаршсан АНУ-ын интернэтийн хүн Дрю Сканлон 2016 оноос хойш алдар нэрээ ашиглан [мэдрэлийн системийн өвчин] олон склерозын судалгаа, өвчтөнийг дэмжих хөтөлбөрүүдэд 300,000 гаруй ам.доллар цуглуулж, өвчтэй найзууддаа хүндэтгэл үзүүлжээ. Ноён Сканлон жил бүр Сан Францискогоос Напа хүртэл 193 км-ийн дугуйн уралдаанд оролцож, олон нийтийн Склерозын үндэсний нийгэмлэгт хандивлах холбоосыг олон нийтийн сүлжээн дэх хуудсандаа нийтэлдэг. (Сайн мэдээний сүлжээ)

Грек улс амьтан-хүнтэй жуулчдын аяллыг сайжруулах зорилгоор Амьтанд ээлтэй жуулчны байрны гэрчилгээг нэвтрүүллээ. Тавигдах шаардлагад нийцүүлэхдээ эрүүл ахуйн шаардлага хангасан гэрийн тэжээвэр амьтан-хүмүүсийн өрөөгөөр хангаж, тэжээвэр амьтан-хүн, үйлчилгээ, эмчилгээ хийгддэг амьтан-хүмүүсийг байрлуулах ёстой. Тус хөтөлбөр мөн амьтан-хүмүүсийн халамжийн бүлгүүдтэй хамтран ажиллах, орон нутгийн хоргодох газруудад дэмжлэг үзүүлэхийг дэмжиж байгаа нь орчин үеийн амьтан-хүний халамжийн тогтолцоонд чиглэсэн томоохон алхам болж байна. (Грек сурвалжлагч)

Их Британийн зөвлөх, зохиолч Пол Нортриж клиник үхэлд орсон тухайгаа өгүүллээ: Пол 14 настай байхдаа нуруу нугасны удамшлын улмаас дахин хагалгаанд орсон бөгөөд энэ нь түүнийг төрөлхийн хөгжлийн бэрхшээлтэй болгосон байна. Хагалгааны өмнөхөн эмнэлгийн багийн гишүүд булчин сулруулагч тарьсан боловч Полын бие маш хүчтэй хариу урвал үзүүлжээ. Түүний гар улайж, өвдөн, мэс засалч эмчид үзүүлэхэд эмчийн царай цочирдсоныг хараад дараа нь бүх зүйл харанхуй болов.

Пол өөрийгөө зүгээр л ухаан алдсан гэж бодсон ч удалгүй нүд, гар хөл, бие махбодгүй байгаагаа ухаарчээ. Гэсэн ч тэр бүрэн ухаантай байж, бүх зүйл харанхуй орчинд байв. Удалгүй тэр биеэсээ налуугаар хөвөн гарч, эмч, сувилагч нар өөрийг нь аврахаар ухаан жолоогүй хичээж байгааг дээрээс нь харж гэнэ. Түүнд ямар ч айдас, буцаж ирэх хүсэл мэдрэгдэлгүй, зөвхөн сониуч зан байв. Түүний ухамсар чөлөөтэй хөдөлж, 360 градуст бүрэн харах боломжтой байлаа.

Эмнэлгийн ханан дээр ногоон цэнхэр өнгөтэй, зөөлөн гэрэлтдэг хаалга гарч ирэв. Үүнээс гурван гэрэлт төрөлтөн гарч ирсэн бөгөөд тэдгээрийн дээд хэлбэр нь хүн дүрстэй боловч гэрэлд уусан, гүн гүнзгий, нөхцөл болзолгүй хайрыг цацруулж байлаа. Тэд түүнийг тэдэнтэй хамт явахыг хүсэж байгаа эсэхийг асуусан бөгөөд түүнийг зөвшөөрсний дараа Полыг тэр даруй “гэр” шиг санагдсан өөр орон руу аваачжээ.

Энэ бол тоо томшгүй олон сүнсээр дүүрсэн уудам, хөл хөдөлгөөн ихтэй орон байв. Зарим нь хөтөчтэй шинээр ирсэн, бусад нь дээр хөвж, бөмбөрцгөн гэрлээр баяр хөөртэй тоглож байлаа. Түүнийг “амьдралын тойм” мэт санагдсан газар руу очих үед замчилж байсан хөтөч нар нь нэгэн сүнсэнд бүү саад болоорой гэж түүнд анхааруулав. Тэр сүнс эмчилгээний гэрэлт бөмбөлөгт бүрхэгдэн, сэтгэлийн шархнаасаа эдгэрч байжээ.

Амьдралын тойм дээр хүрэх үед түүний өмнө худаг шиг бүтэцтэй нэг зүйл гарч ирж гэнэ. Пол түүн рүү ширтэхэд тэр худаг түүнтэй нэгдэж, хүн төрлийнх нь бүх амьдралыг Пол Нортриж хэмээх хүнийхээ хувьд дахин мэдрэх боломж олгов. Энэ нь кино үзэж байгаа мэт биш, харин бүрэн шингэж, бүх мэдрэмж, бодол, сэтгэл хөдлөлийг дахин мэдрэх мэт байлаа.

Пол 6-7 настайдаа хөгжлийн бэрхшээлтэйн улмаас маш их дээрэлхүүлж байснаа дахин амсав. Үүний хариуд тэрээр нэг хэсэг хугацаанд өөрөө бусдыг дээрэлхэгч болж, илүү сул дорой, өөрөө хүрч болохоор хүүхдүүдийг онилж, гүйж зугтах чадваргүй тул тийм үйлдэл хийж байснаа олж харлаа. Энэ бол түүний маш их харамсдаг үе юм. Хамгийн гол нь тэр одоо хохирогчдынхоо нүд, оюун ухаан, зүрх сэтгэлээр тэдний зовлон шаналал, уур хилэн, бухимдал, сандрал зэргээр үүнийг ойлгожээ. Энэ нь “Би өөрийгөө л зовоож байсан байна. Бид бүгд нэг ухамсар.” гэж ойлгоод даруй харамсаж гэнэ.

Дараа нь Пол одоо байгаа зүйлийг харав: Эцэг эх нь гал тогооны өрөөнд түүнийг хагалгаанд орж байхад нь түүний тухай хайраар бодож байв. Тэр тэдний бодлыг тодорхой харж байлаа. Дараа нь түүний ирээдүйн дүр төрх гарч ирэв. Тэрээр өөрийгөө жолоо барьж байхыг харсан бөгөөд энэ нь хөгжлийн бэрхшээлтэй хүүгийн хувьд боломжгүй гэж бодсон ч хожим 17 настайдаа жолооны шалгалтаа өгөх болно. Мөн Орос руу олон удаа аялж байгаагаа харсан нь насанд хүрсэн хойно нь биелжээ. 2008 онд тэрээр орос бүсгүйтэй гэрлэсэн юм. Пол гар утсыг бий болохоосоо өмнө урьдаас харсан бөгөөд эцэст нь тэрээр өөрийгөө Орост нас барахад хоёр эмэгтэй, магадгүй эхнэр, охин хоёр нь дэргэд нь байхыг харсан байна.

Пол мөн хэд хэдэн өмнөх амьдралаа харжээ. Тэдгээрийн нэгэнд тэрээр модон шон дээр хатгагдан, нас барсан байж гэнэ. Мөн тэрээр амьдрал хэрхэн эхэлдгийг, ухамсар жирэмслэлтээс хойш шууд үр хөврөлд ордгийг харжээ. Тэрээр амьтан-хүмүүсийг харж, нохой-, муур- хүмүүс хүмүүст нөхцөл болзолгүй хайр, хамгаалалтыг заах гэж байдаг гэдгийг ойлгосон юм.

Дараа нь түүний гурван хөтөч дахин гарч ирэн, түүнийг Пол Нортриж болон сүнсний ертөнцөд үлдэхийг хүсэж байна уу гэж асуув. Үлдэнэ гэдэг нь Полын хийхийг хүсээгүй бага насны гэмтлүүдийг буюу дээрэлхэх, мэс засал зэргийг дараа нь эхнээс нь сэргээнэ гэсэн үг юм. Түүнд сурах зүйл их байгаа мэт санагдаж буцаж ирэхээр шийдлээ. Тэр зөвшөөрснөөр халуун дулаан, хайраар дүүрэн Гэрэл харж, тэр даруй мэс заслаас сэржээ.

Клиник үхэлд орсныхоо дараа Полын уур хилэн арилсан байна. Тэр Бурханыг буруутгахаа, “Яагаад би?” дээрэлхүүлж, сургуулийн цорын ганц хөгжлийн бэрхшээлтэй сурагч байв гэж асуухаа больжээ. Католик шашинтай байсан ч тэрээр Бурханыг шашин шүтлэгээр дамжуулан харахаа больж, харин Өөрийгөө ухамсарлах дотоод аяллын нэг хэсэг гэж үздэг. Түүний гол захиас: хайр, ялангуяа нөхцөл болзолгүй хайр бол оршихуйн жинхэнэ мөн чанар бөгөөд бүх сүнс нэг ухамсарт холбогдсон байдаг. (КҮ-ийн өдрийн тэмдэглэл)

Энэ өдрийн өөрийгөө ухаарах эшлэл: “Гадагшаа харвал бид олон царайг хардаг. Харин дотогшоо харвал бүгд нэг толгой юм. Хэрвээ хүн дотоод руугаа эргэж чаддаг байсан бол тэр даруй Бурханыг, өөрийгөө болон Бүхнийг харах болно.” - Хүндэт Гэгээрсэн Их Багш Плутон (цагаан хоолтон)