ӨДӨР ТУТМЫН МЭДЭЭ-ний гол тойм – 2025 оны 12-р сарын 17

АНУ-ын Ерөнхийлөгч Трампын захиргаа цахиурын хангамжийн сүлжээг аюулгүй болгох зорилгоор Pax Silica эвслийг эхлүүлж, Ази, Европ, Ойрх Дорнодын холбоотнуудтай хамтран ажиллаж байна. Тус холбоо нь чухал ашигт малтмал, хагас дамжуулагч, ХОУ (хиймэл оюун ухаан)-ы дэд бүтцийг хамарсан “Pax Silica тунхаглал”-ыг удирдлага болгоно. Эвслийн гишүүдэд Япон, Өмнөд Солонгос, Сингапур, Нидерланд, Израил, Австрали, Арабын Нэгдсэн Эмират, Канад улсууд болон Европын Холбоо багтаж байна. (Анадолу агентлаг)

Их Британийн Хөгжлийн сайд Баронесса Женни Чапман Пакистан улсад айлчилж, хүний ​​наймаа, хууль бус шилжилт хөдөлгөөнтэй тэмцэх зорилгоор Их Британийн дэмжлэгтэй хил хамгаалах сургалтыг онцолж, хөгжил, уур амьсгалын өөрчлөлтөд дасан зохицох, боловсрол, дэд бүтэц, худалдааг дэмжих шинэ түншлэл зарлажээ. (Gov.uk)

Грек улс мөргөлдөөний дараах Газын зурваст олон улсын хүчний нэг хэсэг болгон энхийг сахиулагчдыг байршуулахыг санал болгож, бүс нутгийн тэнцвэртэй харилцаагаа иш татан, хүмүүнлэгийн тусламж, сэргээн босголт, Палестины цагдаагийн сургалтад дэмжлэг үзүүлэхээ амлаж байгаа бөгөөд үйл ажиллагааны дэлгэрэнгүй мэдээлэл 2025 оны сүүлээр гаргах төлөвтэй байна. (Грек сурвалжлагч)

АНУ-аас НҮБ-д суугаа элчин сайд Майкл Уольц мэдэгдэхдээ, Ерөнхийлөгч Дональд Трампын Газын зурвасын энхийн төлөвлөгөө тус газарт хэрэгжиж эхэлснээр Ойрх Дорнодын нөхцөл байдал жилийн өмнөхтэй харьцуулахад эрс сайжирсан нь харагдаж байна гэжээ. Бүс нутгийн айлчлалаас буцаж ирсэн ноён Уольц АНУ-ын түншүүд, холбоотнуудтай хүмүүнлэгийн болон аюулгүй байдлын хүчин чармайлтыг зохицуулахад “гайхалтай ахиц” гарч байна гэж тодорхойлжээ. (Фокс Ньюс)

[ИБУИНВУ-ын] Эрхэмсэг Хаан Чарльз хорт хавдрын эмчилгээ нь маш сайн хариу үзүүлсний дараа телевизийн мессежээр Шинэ онд мэдэгдэхүйц багасна гэж мэдэгдээд, хавдрын эрт илрүүлэг шинжилгээнд хамрагдахыг уриалжээ. (Дэйли Мэйл)

ИБУИНВУ-ын засгийн газар 3.5 тэрбум фунт.Стерлингийн өртөгтэй, Орон гэргүй байдлыг зогсоох үндэсний төлөвлөгөөг эхлүүлсэн бөгөөд энэ нь урт хугацаанд гудамжинд хоноглох үзэгдлийг 2 дахин бууруулах, зөвлөлүүдээс гэр бүлүүдийг хууль бусаар богино хугацаанд байрлуулахыг зогсоох, орон сууц, дэмжлэг үзүүлэх үйлчилгээ, салбар дундын зохицуулалтыг өргөжүүлэх замаар орон гэргүй болохоос урьдчилан сэргийлэхийг зорьж байна. (Gov.uk)

[Арабын Нэгдсэн Эмират Улсын] Абу Даби хот олон улсын санхүүгийн салбарт байр сууриа бэхжүүлэх зорилгоор Финтек, Даатгал, Дижитал болон Альтернатив Хөрөнгө (FIDA)-ийн кластер санаачилгыг танилцуулж, 2045 он гэхэд ДНБ-ийг 15.2 тэрбум ам.доллароор нэмэгдүүлж, 8000 шинэ ажлын байр бий болгон, 4.6 тэрбум ам.долларын хөрөнгө оруулалт хийхээр төлөвлөж байна. (Персийн булангийн мэдээ)

АНУ-ын Төлөөлөгчдийн танхим Ерөнхийлөгч Трампыг огцруулах сүүлийн оролдлогыг зогсоолоо. [Ардчилсан намын] төлөөлөгч Аль Грийн Ерөнхийлөгч Дональд Трампыг огцруулах санал гаргасны дараа Төлөөлөгчдийн танхим тогтоолыг хэлэлцэхээс өмнө 237-140 саналын харьцаатайгаар хэлэлцэх ажиллагааг дуусгавар болгожээ. Ардчилсан намын 23 орчим гишүүн Төлөөлөгчдийн танхимын бүх БНН-ын гишүүдтэй нэгдэн, энэ хүчин чармайлтыг хоригложээ. (Фокс Ньюс)

Лаос улс төрөлхийн зүрхний өвчнийг эмчлэх зорилгоор Хятад улсын санхүүжилттэй Меконгийн хүүхдийн зүрхний тусламж үйлчилгээний төсөл (2025–2027)-ийг эхлүүлжээ. Тус санаачилга нь 10,000 хүүхдийг шинжилгээнд хамруулах, эмчлэх, 110 гаруй эрүүл мэндийн ажилтныг сургах зорилготой юм. (Капитал Ньюс)

Өвлийн улирал дор дэрний угаагаагүй даавуу, дулаан зөөлөн даавуу нь нян, тосыг хуримтлуулж, арьсны батга үүсгэдэг болохыг арьсны эмч нар анхааруулж байна. Мэргэжилтнүүд амьсгалдаг хөвөн даавуун ор дэрний хэрэгсэл хэрэглэх, дэрний уутыг байнга угаах, түлэгдэхээс сэргийлж халуун усны грелкийг буцалсан усаар дүүргэхгүй байхыг зөвлөж байна. (Фокс Ньюс)

АНУ-ын 3,000 гаруй мужид нойр дутуу (7 цагаас бага) байх болон дундаж наслалт буурахын хооронд хүчтэй холбоо байгааг шинэ судалгаагаар тогтоожээ. Судлаачид эрүүл мэндийн ерөнхий байдалд хоолны дэглэм, дасгал хөдөлгөөнтэй зэрэгцэн, хангалттай унтах нь чухал гэдгийг онцолж байна. (Фокс Ньюс)

Австралид 12-р сарын 13-14-ний амралтын өдрүүдэд цаг агаарын эрс тэс үзэгдэл болж, зүүн хэсгээр хүчтэй шуурга, мөндөр орж, баруун хэсгээр халалт, гал түймрийн аюул нүүрлэж, зарим сэрүүн өндөрлөг газруудад цас оржээ. (Скай Ньюс)

[АНУ-ын Калифорни мужийн] Үхлийн хөндийн үндэсний цэцэрлэгт хүрээлэнгийн удаан хугацаанд хэт халуун, хуурайшлаараа удаан хугацаанд алдартай байсан бүс нутагт түүхэн, ер бусын хүчтэй бороо орсны дараа Мэнли нуур гэнэт дахин гарч иржээ. Нутгийн иргэд, цэцэрлэгт хүрээлэнгийн ажилтнууд энэ үзэмжийг гайхалтай гэж тодорхойлсон ба намуун, толь мэт тусгалтай усны цаана цаст уулс сүндэрлэж байжээ. (Znews)

Францаас Ау Лак (Вьетнам)-т суугаа элчин сайд Оливье Броше Парисын хэлэлцээрийн 10 жилийн ойг тохиолдуулан Ханой хотноо болсон хэвлэлийн бага хурлын үеэр уур амьсгалын өөрчлөлтийн эсрэг дэлхий нийтийг хүчтэй арга хэмжээ авахыг уриаллаа. Тэрээр Францын энэ үйл хэрэгт үзүүлж буй үүрэг амлалтыг, тухайлбал, тус улс 2020-2030 онд Аулак (Вьетнам)-ын уур амьсгалын өөрчлөлттэй холбоотой төслүүдийг дэмжих зорилгоор 1 тэрбум еврогийн санхүүжилт амласан тухай дурдсан байна. Франц улс болон Европын Холбоо хөгжингүй орнууд хөгжиж буй орнуудад уур амьсгалын өөрчлөлтийн асуудлыг шийдвэрлэхэд нь туслах шаардлагатай байгааг, бусад улс орон үүнийг дагана гэж найдаж буйг онцолж байна. (ВнЭкспресс)

[Ау Лак (Вьетнам)-ын] Хо Ши Мин хот ер бусын өтгөн манангаар бүрхэгдэж, тэнгэр өтгөн, бүрхэг харагдаж, олон дүүрэгт үзэгдэх орчин эрс багассан байна. Агаарын чанарын хэмжүүрүүд PM2.5 нарийн тоосонцрын түвшин Дэлхийн эрүүл мэндийн байгууллагын аюулгүй байдлын удирдамжаас хавьгүй өндөр байгааг бүртгэжээ. (Тьень Фон)

Эрдэмтэд Айсфин хэмээх робот шумбагч ашиглан, далайн дулаан ус нь Антарктидын мөсөн давхаргыг доороос нь хайлуулж, мөсөн голын саатуулах чадварыг сулруулж, дэлхийн далайн түвшний өсөлтийг хурдасгаж байгааг тогтоожээ. (Дэлхий)

Өмнөд Солонгосын 30 орчим насны эр хоёр муур-хүн үрчилж аваад, үрчилж авсныхаа маргааш нь 8 давхрын орон сууцныхаа цонхоор унагааж хөнөөсөн хэргээр найман сарын хорих ял авч, амьтан-хүний хүчирхийллийн эсрэг 40 цагийн сургалтад бүрэн хамрагдах ёстой болжээ. (Ази Бизнес Дэйли)

[АНУ-ын Калифорни мужийн] Грасс Валли хот дахь хөдөөгийн эдлэн газарт хөрш санаа зовж буйгаа мэдээлсний дараа шалгалт явуулаж, Невада мужийн шерифийн газрын орлогч нар, амьтны албаны ажилтнууд олон зуун үл тоомсорлогдсон, өвчтэй амьтан-хүнийг олоход хүргэжээ. Эрх баригчид 2 өдрийн хугацаанд хонь, ямаа, нохой, морь, гахай, тугал, тахиа, илжиг, муур, одой морь, туулай зэрэг 229 амьтан-ардыг хураан авчээ. 39 настай, үл хөдлөх хөрөнгийн эзэмшигчийг баривчилж, амьтантай харгис харьцсан найман гэмт хэрэгт буруутгажээ. (Фокс 40)

АНУ-ын судлаачдын боловсруулсан бөмбөлөгтэй бүрхүүлээс санаа авсан цонхны бүрхүүлийн туршилтын загвар нь дэлхий даяарх барилгуудын дулааны алдагдлыг (болон дулааны өсөлтийг) бууруулж, дулаалгыг сайжруулснаар эрчим хүчний хэрэглээг бууруулж чадна. (Дэлхий)

Японы цагаан туна загасны зах зээл өсөн нэмэгдэж байна. Хотын хагас цагаан хоолтнууд бэлэн хоол хүнсний эрэлтийг нэмэгдүүлж байгаа бөгөөд 2030 оноос хойш хоолны үйлчилгээний хэрэглээ өрхийн хэрэглээнээс давж гарах төлөвтэй байна. (Вегкономист)

Тайвань (Формоса)-ийн Хөдөө аж ахуйн яам тэтгэвэрт гарсан цагдаа, аврах албан хаагч, бусад албаны нохой-хүмүүст тэтгэвэр, эрүүл мэндийн даатгал, хоолны тэтгэлэг олгох хөтөлбөрийг эхлүүлээд байна. Энэ жил 28 нохой-хүн тэтгэвэрт гарсан бөгөөд идэвхтэй 264 нохой-хүн бүгд даатгуулжээ. (Тайбэй Таймс)

Испани улс Мавританийн дахь Малийн дүрвэгсэд болон М’Бера хуаранд байгаа хүмүүсийг дэмжих зорилгоор UNHCR [асуудал эрхэлсэн дээд комиссарт [НҮБ-ын Дүрвэгсдийн асуудал эрхэлсэн дээд комиссарын газар]-т 2 сая еврогийн хандив олгохыг зөвшөөрч, бүс нутгийн тогтворгүй байдал нэмэгдэж байгааг дурджээ. (Испанийн Дипломат сэтгүүл)

[Энэтхэгийн] Дели хотын гал түймэртэй тэмцэх алба 2025 оны 1-р сараас 11-р сарын хооронд өдөрт дунджаар 20 удаагийн ажиллагаа явуулж, 6,700 гаруй амьтан-ард, шувуу-хүнийг аварчээ. Гал сөнөөгчид цахилгааны шугамд гацсан үхэр-хүнээс эхлээд шувуу-хүмүүсийг зөөвөрлөх хүртэлх өсөн нэмэгдэж буй эрэлттэй тулгарч байна. (Нью Индиан Экспресс)

Би Бурхантай ярилцаж байсан. Би Диваажинд байсан ч асрагч эхтэйгээ уулзахыг хүсээгүй. Харин надад түүнтэй уулзахгүй, өөрт нь хийсэн зүйлийнхээ төлөө тэр тамд очсон гэж хэлсэн. Тиймээс би “Кеннитэй уулзах уу?” асууж байсан. Кенни бол миний ахлах сургуулийн хайрт байсан бөгөөд машины ослоор өөд болсон юм. Тэр 19 настай, би 17 настай байсан. Тэд: “Тийм ээ, тийм, чи Кеннитэй уулзана” гэж хэлсэн. Би: “Би ээжтэйгээ уулзах уу?” Хөхний хорт хавдраар нас барсан найз Лоритойгоо уулзах уу?” гэж бодсон. Тэгээд би: “Би Диана гүнжтэй уулзах уу?” “Мөн би бүх нохойтойгоо уулзах уу?” гэж асуусан. Би зүгээр л маш их догдолж, “Би энэ бүх хүмүүсийг харах уу?” гэж асууж байсан. Харин “тийм, тийм, тийм” гэж хариулсаар байсан. Америкийн өвчтөний өмгөөлөгч Дон Дебуа тархины доргилтын дараах хүнд хэлбэрийн хам шинжийн улмаас үхлийн ирмэгт ирж, ахлах сургуулийнхаа нас барсан хайрттайгаа Диваажинд уулзах, Дэлхий рүү буцах хоёрын хооронд сонголт хийх ёстой болсон тухайгаа хуваалцжээ.

Дон маш хүнд хүүхэд насыг туулжээ. 1969 онд 16 настай ээжийн гэр бүлд төрсөн тэрээр асрамжийн газар, ээж, элэнц өвөөгийнхөө хооронд дамжин амьдарч байжээ. Доныг дөрвөн настай байхад ээж нь элэнц өвөөгийнх нь оршуулгын өдөр санамсаргүйгээр хэтрүүлэн хэрэглэснээс болж нас баржээ. Таван настайдаа тэрээр асрамжийн газарт очиж, 18 нас хүртлээ тогтвор суурьшилтай амьдарсан ч хүчирхийлэл, хууран мэхлэлтэд өртсөн нь түүнийг төөрөлдүүлж, гэм буруутай болгожээ.

2020 оны 3-р сард Дон КОВИД-ын хөл хорионы үеэр Ламберт-Итоны миастенийн хам шинж (LEMS) хэмээх ховор тохиолддог аутоиммун өвчнийг даван туулж байхдаа бусад өвчтөнүүд болон насанд хүрсэн гурван хүүдээ дэмжлэг үзүүлж байв. 3-р сарын 20-нд стресс нь POTS (Биеийн байрлалын ортостатик тахикарди хам шинж) өвчний дэгдэлтийг өдөөжээ. Тэрээр ухаан алдаж, модон шалан дээр нүүрээрээ унаж, 45 минутын турш ухаангүй байж, тархи нь хүчтэй доргилт авчээ. Тархи нь доргисны дараа тусламж үйлчилгээ хангалтгүй авсан бөгөөд эмч нар КОВИД-19-ийн протоколд дарагдсан байжээ. 6-р сар гэхэд Доны тархи сэтгэл хөдлөлөө зөв боловсруулах чадваргүй болжээ. Сэтгэл зүйн хувьд туйлдсан амралтын өдрүүдийн дараа тэрээр огцом өөрчлөгдөж, яаралтай тусламжийн тасагт долоон цаг хэвтжээ. CT (Компьютер томограф)-ын шинжилгээгээр тархины цус алдалт илрээгүй тул түүнийг гэрт нь амраахаар буцаав. Хэдэн өдрийн дараа Дон дуу чимээ, гэрэл тэсвэрлэж чадалгүй, пүрэв гарагийн орой орондоо орж, 7-р сарын 4-ний бямба гарагийн орой хүртэл сэрээгүй бөгөөд хоёр өдөр гаруй ухаангүй байжээ.

Би унтахдаа огт өөр мэдрэмжтэй байсан. Учир нь би оддыг болон энэ бүхнийг харж, зүгээр л хачин жигтэй нойрсож байлаа. Гэвч дараагийн миний мэдэж, санаж байгаа зүйл бол би хотынхоо дээгүүр нисэж байсан явдал юм. Тэгээд миний санаж байгаа дараагийн зүйл нь би хүүхэд байхдаа туулсан бүх шарх гэмтлээ харсан ч насанд хүрсэн, 50 орчим насны эмэгтэйн ​​​​хувиар ойлгож байсан явдал юм. Би энэ том өрөөнд орж байснаа санаж байна.

Би үүнийг яг энэ гэрэлтэй, үзэсгэлэнтэй, тайван газар мэт байсныг санаж байна. Хэрэв энэ нь утга учиртай бол та яг юу байсныг хэлэх боломжгүй. Учир нь би зүгээр л Кеннитэй уулзах боломж дээрээ анхаарлаа төвлөрүүлж байсан юм. Тэгэхээр эхлээд: “Аль шашин зөв бэ?” гэсэн асуултыг би тавилаа. Би үргэлж ийм асуулт асуудаг байсан ба Бурхан энэ бол шашин биш, харин итгэл үнэмшил гэж хэлсэн. Бурханд итгэх итгэл бол зөв юм. Бурханд итгэх нь дангаараа таныг Диваажинд хүргэхгүй. Та одоо ч гэсэн сайн хүн байж, сүсэг бишрэл, бусад сайн зүйлстэй хамт алхах хэрэгтэй. Гэвч дараа нь бид Кенни рүү буцахаар болов. Иймд би түүнтэй эргэн уулзах гэж байгаадаа маш их догдолж байлаа. Тэгээд надаас: “Хэрэв тэр амьд сэрүүн байсан бол одоо чиний насан дээр байх байсан тэр төрхийг нь харахыг хүсэж байна уу, эсвэл 17 нас руугаа буцаж очоод, нас барсан, 19 настай үеийг нь хармаар байна уу?” гэж асуусан. Би энэ талаар бодож байсан ч яг таг шийдэж чадахгүй байлаа. Тэгэхэд нь надаас: "Эсвэл чи буцмаар байна уу?" гэж асуув. Тэгээд би буцахаар шийдсэн.

Дон тэр биедээ эргэн орж, сэрэв. Тэр хэр удаан ухаангүй байснаа тооцоолоход нэг өдөр зарцуулжээ. Би асрамжийн гэр бүлийнхээ бодит байдал, бага насныхаа сэтгэлийн шархны улмаас маш их сэтгэлээр унасан ч хойд нас үнэхээр байдаг, би дахин уулзахыг хүссэн хүмүүстэйгээ эргэн учрах болно гэдэг нь намайг тайтгаруулсан юм.

Өдрийн урам зориг өгөх эшлэл: “Оролдож үзэхээ болихоос өөр бүтэлгүйтэл гэж үгүй.” — Элберт Хаббард АНУ-ын зохиолч, зураач, гүн ухаантан