ӨДӨР ТУТМЫН МЭДЭЭ-ний гол урсгал – 2026 оны 1-р сарын 16

VegNews-ийн хоол тэжээлийн талаарх нийтлэлд амьтны гаралтай мах идэхгүй байхын 7 давуу талыг жагсаажээ. Тэдгээр нь: 1. Зүрхний эрүүл мэндэд тустай. 2. Цус харвалтын эрсдэлийг бууруулна. 3. Цусан дахь сахар хяналт, инсулины хариу үйлдлийг сайжруулна. 4. Зарим төрлийн хорт хавдраас хамгаалахад тусалж магадгүй. 5. Цусны даралтыг бууруулна. 6. Эрүүл мэндийг сайжруулна. 7. Зөнөгрөх өвчний эсрэг хамгаалахад тусална. (ВежНьюс)

АНУ-ын Ерөнхийлөгч Дональд Трамп 2026 оны 4-р сард Хятад улсад айлчилна гэдгээ бататгаж, Хятадын ерөнхийлөгч Ши Жиньпинтэй ажлын сайн харилцаатай байгаа гэж мэдэгджээ. (CafeF)

Оман, Руанда улсууд нисэх буудлын хөгжил, менежментийн хамтын ажиллагааг бэхжүүлэхээр Руандагийн Хөгжлийн Зөвлөл болон Оманы Нисэх Буудлуудын Компанийн хооронд харилцан ойлголцлын санамж бичигт гарын үсэг зурлаа. (Трэйд Араб)

Индонез, Турк улсууд [Туркийн] Анкара хотод болсон хэлэлцээрийн дараа хоёр талын хамтын ажиллагааг гүнзгийрүүлж, харилцан ашигтай худалдааны гэрээний хэлэлцээг түргэтгэх, батлан хамгаалах, сэргээгдэх эрчим хүч, цахилгаан тээврийн экосистемийн хөгжүүлэлтийн хамтын ажиллагааг өргөжүүлэхээр тохиролцжээ. (Жакарта Глоб)

АНУ-ын Ерөнхийлөгч Трамп Иран даяар эсэргүүцлийн жагсаал үргэлжилж олон зуун хүн амь үрэгдсэн гэх мэдээлэл гарч буй үеэр тус улстай бизнес хийсэн ямар ч улсад даруй 25%-ийн татвар ногдуулахаа мэдэгджээ. (Фокс Ньюс)

АНУ-ын Ерөнхийлөгч Трамп Ираны удирдагчид хэлэлцээр хийхээр АНУ-тай холбоо барьж буйг мэдэгдэж, Иранд эсэргүүцлийн хөдөлгөөн ширүүсэж буйтай холбогдуулан АНУ цэргийн арга хэмжээ авч магадгүй гэж анхаарууллаа. (ВнЭкспресс)

Палестины Исламын улс төрийн болон зэвсэгт байгууллага ХАМАС нь АНУ-ын Ерөнхийлөгч Трампын энхийн төлөвлөгөөнд тусгагдсанчлан, Газын зурвас дахь засаглалаа тарааж, Палестины хараат бус технократ хороонд эрх мэдлээ шилжүүлэхэд бэлэн байгаагаа мэдэгдлээ. (Нью-Йорк Пост)

Байнга ядарч сульдах нь ихэвчлэн D амин дэм дутагдлын шинж тэмдэг бөгөөд энэ нь энергийн үйлдвэрлэл болон булчингийн үйл ажиллагааг алдагдуулдаг. Гар бадайрах, жирвэгэнэх нь ихэвчлэн B12 амин дэмийн дутагдлаас үүдэлтэй мэдрэлийн гэмтлийг илтгэнэ. Цайрын дутагдал нь үнэрлэх мэдрэмжийг бууруулж болох ч үүний бусад шалтгаанууд ч түгээмэл байдаг. Нүд шарлах нь шар өвчин зэрэг элэгний ноцтой асуудлыг анхааруулна. Эцэст нь, байнга хөл, гарын үзүүр хүйтэн байх нь ихэвчлэн цусны эргэлт муу байгааг илтгэнэ (Биеийн анхааруулах дохио - Др. Бирри)

Амтат төмс нь эслэг, нийлмэл нүүрс ус, нэг удаагийн хооллолтын гликемийн бага ачааллынхаа ачаар тогтмол эрч хүч өгч, чихэр идэх хүслийг бууруулдаг. Бета-каротин, кали, үл исэлдүүлэгчээр баялаг тул хоол боловсруулах үйл ажиллагаа, дархлаа, зүрхний эрүүл мэндэд тустай. Буцалгаж, шарж идэхэд амттай амтат төмс нь цатгалан мэдрэмжийг нэмэгдүүлж, үрэвслийг бууруулж, веган хооллолтод цусан дахь сахрын тэнцвэрийг хадгалахад тусалдаг бөгөөд энэ нь удаан хугацааны бодисын солилцоо, ерөнхий эрүүл мэндийн зорилгод дэмжлэг үзүүлдэг. (Чихрийн дуршлыг байгалийн аргаар бууруулдаг нэг хүнс – Эхо Хаб)

Ау Лак (Вьетнам)-ын нэгэн эр ресторанд ямааны цустай пудинг идсэний дараа цусны халдвар, бөөрний хүнд дутагдал, арьсан дээр өргөн тархсан цус алдалт үүсжээ. Эмч нар энэ тохиолдлыг ихэвчлэн гахай-хүний махтай холбоотой Стрептококкус суис халдвар гэж таамаглаж байна. (ВнЭкпресс)

Мөс үүсгэдэг хүйтэн шуурга баруун Германыг хүчтэй дайрч, хүйтэн борооны улмаас Франкфуртийн 100 гаруй нислэгийг цуцалж, сургууль, цэцэрлэгийг хааж, авто замууд бөглөрч, төмөр замын үйлчилгээ аюултай мөстөлтийн нөхцөлд удааширчээ. (Анадолу агентлаг)

Температур −37°C хүртэл буурсан Арктикийн хэт хүйтэн агаарын нөлөөгөөр [Финландын] Лапландын Киттила нисэх буудал хаагдаж, тоног төхөөрөмж царцан, олон мянган жуулчид гацаж, хойд Европ даяар аялал жуулчлалыг саатуулжээ. (Ажиглагчид)

[Аргентин улсын] Чубут мужид дэгдсэн хээрийн түймэрт 5,500 гаруй га талбай шатаж, Эпуйэн хотыг тойрон бүсэлжээ. Ойролцоогоор 500 гал сөнөөгч Патагонийн орон нутгийн иргэдэд заналхийлж буй галыг унтраахаар тэмцэж байна. (euronews)

Ширүүн цасан шуурга, их цас Японыг бүрхэж, өвлийн аюултай муссон шуурганы улмаас хүчтэй салхилж, гүнзгий цас орсноос улс даяар нислэг, галт тэрэгний хөдөлгөөнийг зогсоожээ. (ВнЭкспресс)

Судлаачид модны холтос дээр амьдардаг бичил биетүүд хүлэмжийн болон хортой хийг устгаж чаддаг болохыг илрүүлж, модны агаар цэвэрлэх үүрэг нь өмнө нь бодсоноос ч илүү болохыг тогтоожээ. (Earth.com)

Хятадын нэгэн компани нүүрстөрөгчийн ширхэглэгээс бүтсэн, бага температурын химийн процесс ашиглан бүрэн дахин боловсруулах боломжтой 110 метрийн далайн салхин турбины ирийг танилцууллаа. (ВнЭкспресс)

Канадын “A Humane World for Animals" байгууллагын судалгаагаар Канадын иргэдийн талаас илүү хувь нь “ургамлан хүнсний хэрэглээгээ нэмэгдүүлж, эсвэл нэмэгдүүлэхийн төлөө идэвхтэй ажиллаж байгааг” тогтоожээ. Ургамлын уургыг сонгох шалтгаануудад мөнгө хэмнэх, амьтан-хүний эрхийг хамгаалах, байгаль орчныг хамгаалах шалтгаануудыг дурджээ. (Vegconomist)

"Ногоон амар амгалан долоо хоног – Энх тайван цагаан хоолны Тэт 2026” арга хэмжээ [Ау Лак (Вьетнам)-ын] Ханой хотын Тон Няат цэцэрлэгт хүрээлэнд 1-р сарын 28-наас 2-р сарын 1-ний хооронд зохиогдоно. Тус арга хэмжээ нь веган болон цагаан хоол, тогтвортой амьдрал, байгаль орчны талаарх мэдлэгийг дэмжих болно. (Ан нинь Тү до)

Египет улс зургаан мужид эхлэн улсын хэмжээнд “Хүүхдийн аюулгүй байдлын хэлтэс” төлөвлөгөөг нэвтрүүллээ. Энэ нь бие махбод, сэтгэл зүйн хүчирхийлэлд өртсөн хүүхдүүдэд дэмжлэг үзүүлэх, хүүхдийн гэрлэлт болон эмэгтэйчүүдийн бэлгийн эрхтнийг гэмтээх үйлдлийг зогсоохыг зорьж байна. (Египет өдөр тутмын мэдээ)

[Польшийн] Краков дахь амьтны асрах газар нь температур тэгээс доош орж, аюултай хүйтрэх үеэр туслах уриалгад оршин суугчид хариу өгсний дараа 36 нохой-хүнийг түр асрах айлуудад шилжүүлжээ. (TVP World)

Имаратын Улаан хавирган сар нийгэмлэг [Малайзын] Паханг мужид үерийн гамшгийн дараах орон сууцны төслийг Арабын Нэгдсэн Эмират Улс [АНЭУ]-ын дэмжлэгтэйгээр дуусгаж, долоон дүүрэгт үерийн гамшигт өртсөн өрхүүдийн орон сууцыг сэргээн барьж, тавилгажуулжээ. Энэ нь АНЭУ-ын ерөнхийлөгч, Эрхэм Дээдэс Шейх Мохамед бин Заед Аль Нахьяны удирдамжийн дагуу хэрэгжжээ. (Sharjah 24)

Өдрийн саруул ухааны эшлэл: “Шинэ эхлэл бүр өөр нэг эхлэлийн төгсгөлөөс эхэлдэг.” – Ромын стойн гүн ухаантан, төрийн зүтгэлтэн Бага Сенека (Brainyquote)

Би Бурханы оршихуйн өмнө байсан тэр гайхамшигтай мэдрэмжийг хэзээ ч мартахгүй, яг л миний толгойг лазерын туяа нэвтлэн өнгөрөх мэт байсан. Би гэнэт л бүхнийг ойлгосон. Урьд нь огт ойлгож байгаагүй зүйлсээ би ойлгосон. Өмнө нь мэдэрч байгаагүй зүйлсийг би мэдэрсэн, миний өмнө хэн байсан ч би түүнд итгэж, цэвэр ариун хайраар бялхсан. Америкийн телевизийн найруулагч Билл Долан хэрхэн [АНУ-ын] Теннесси мужийн Нэшвилл рүү нисэх үед зүрх нь зогсож, Бурхантай нүүр тулан уулзаж, гүн гүнзгий, хязгааргүй хайрыг нээсэн тухайгаа хуваалцаж байна.

Билл телевиз, зугаа цэнгэлд умбаж өсөж, эцэст нь телевизийн сүлжээнд найруулагчаар ажиллах болов. Тэр ахлах сургуулийнхаа хайртай бүсгүйтэй гэрлэж, дөрвөн хүүхэдтэй болсон ч шаардлага өндөртэй ажил нь түүнийг дэлхий даяар аялуулж, эцэг, нөхрийн үүргээ биелүүлж чадахгүй болгожээ. Нэгэн найз нь түүнд гэртээ илүү их байх боломжтой, ашигтай баримтат киноны төсөл санал болгосон нь Биллд өөрчлөлт хийх боломж мэт санагджээ. Нэшвилл хотын дистрибьютер компани энэ төслийг хүсэж, их хэмжээний чек амласан тул 1999 оны 1 дүгээр сарын 28-нд Билл нэр хүндтэй евангелийн дуучин, хөгжмийн продюсер найз Тимоти Гренэйжтэй хамт онгоцонд суужээ.

Нислэг эхэлснээс хойш 20 орчим минутын дараа надад хачин мэдрэмж төрж эхлэв. Энэ маш хачирхалтай байсан тул яг юу болоод байгааг нь хэлж чадахгүй байлаа. Би байнга нисдэг байсан учраас хэзээ ч өвдөж байгаагүй. Яг л бүх юм надад ойртож байгаа юм шиг санагдсан. Яг л чимчигнэж байгаа мэт байв. Энэ нь орж гарч байсан. Тэгээд би өөртөө: “Үгүй, үгүй, би өвдөөгүй. Би өвдөөгүй. Үгүй. Би өвдөөгүй.” гэж бодож байснаа санаж байна. Гэхдээ ямар нэг зүйл болохгүй байгааг би мэдэрч, байдал улам дордож эхлэхэд, би Тимоти руу хандан, “Тимоти, ямар нэг зүйл буруу байна.” гэж хэлсэн нь миний сүүлчийн үг байсан. Дараа нь миний нүд эргэлдэж, бие сулран, зүрх минь зогссон.

Тимоти CPR (зүрх-судас, уушгины сэргээх арга) хэрхэн хийхийг мэдэхгүй байсан ч найзыгаа аврахын тулд цээжинд нь шахалт үзүүлжээ. Хэдэн минут хариу өгөхгүй байсны дараа тэр Биллийн хавиргыг хугалж магадгүйг мэдсэн ч илүү хүчтэй түлхэхээр бэлдэж байтал Билл гэнэт амьсгаа авчээ. Онгоц яаралтай газардаж, эмч нар Биллд хорт нейрокардиоген синкоп буюу тархи нь зүрхэнд хэмнэлээ зогсоохыг тушаадаг хам шинж илэрснийг тогтоожээ. Тэд түүнд өдөртөө зургаа орчим удаа хэмнэлийг нь зохицуулдаг зүрхний электрон төхөөрөмж суулгажээ.

Тимоти намайг аврахаар ажиллах байх үед, цаг хугацаа, орон зайн хэмжээнд тэр хоёр, гурван, дөрвөн минутын хугацаанд аврах гэж оролдсон байж магадгүй ч би хоёр, гурав, дөрвөн сая жилийн турш алга болсон байх. Учир нь тэр агшинд, нүд ирмэхийн зуур би цаг хугацаа, орон зайн хэмжээнээс цаг хугацаагүй, мөнхийн хэмжээ рүү шилжсэн юм. Би болж өнгөрсөн бүх зүйл, ирээдүйд болох бүх зүйл аль хэдийнээ болсон байдаг газар руу шилжин орсон гэдгээ ухамсарласан бөгөөд энэ нь гүн гүнзгий илчлэл байлаа.

Билл Бурхантай учирсан нь зовлонтой хүүхэд насных нь улмаас онцгой утга учиртай байв. Аав нь аймшигт өвчнөөр шаналж үхэж байхдаа түүнийг үг хэлээр болон бие махбодоор хүчирхийлдэг байжээ. Билл энэ бүхнийг Бурхантай холбон ойлгож, Бурхантай учрах нь буруутгал, уур хилэнтэй нүүр тулах гэсэн үг гэж нууцхан итгэдэг байжээ.

Тэгээд би Түүнтэй уулзсан, Бурханы оршихуйн өмнө байсан тэр гайхамшигтай мэдрэмжийг хэзээ ч мартахгүй. Гэнэт би бүхнийг ойлгосон. Өмнө нь мэдэрч байгаагүй зүйлсийг би мэдэрсэн, миний өмнө Хэн байсан ч би түүнд итгэж, цэвэр ариун хайраар бялхсан. Би хайрын бүрэн биеллийн оршихуйд байсан. Би хайрын Зохиогчийн оршихуйд байсан. Би хайрын Эх сурвалжийн оршихуйд байсан. Энэ намайг бүрэн эзэмдэж, бүрэн шингээж байв. Би баруун тийшээ хараад, “Өө, үүнд төгсгөл байдаг болов уу?” гэж асуухыг оролдсон мэт байсан. Үгүй, төгсгөл байсангүй. Би зүүн тийшээ харсан. Би дээшээ харсан. Бурхан хязгааргүй байсан, Бурханы хайр болон Тэр Өөрөө яг л Түүний мөнх байдал шиг хязгааргүй, гүн гүнзгий, мөнхийн байсан, бас миний төлөөх Түүний хайр ч мөн адил.

Биллийн буцах аялал нь нөгөө ертөнцөд очих аяллаас нь огт өөр байсан. Буцах нь л тэр аяллын гол нь байсан. Миний амьдралын бүх дүр зураг эвлүүлдэг зургийн жижиг хэсгүүд шиг таслагдаж, тэдгээр нь хар салхи мэт над руу үлээж, би тэр үзэгдлийн хонгилоор нэг нэгээр нь туугдан, үзэгдлээс, үзэгдэл дамжин явсаар эргээд ирсэн.

Энэ явдал Биллийн амьдралын болон Бурханы тухай ойлголтыг нь өөрчилжээ. Авах амьсгалаа би өөрөө олж аваагүй. Үүнийг би хүртэх ёстой гэж ч хэлж чадахгүй. Үнэндээ бид яг одоо энд хамтдаа амьсгалж байгаа нь бэлэг юм. Энэ бол Бурханы бэлэг. Энэ бол нь зүгээр л би чамд хайртай гэж хэлэх бус, чамайг хүлээн зөвшөөрдөг гэсэн бэлэг юм. Энэ бол чи энд зорилготой ирсэн гэж хэлдэг бэлэг юм. Орчлон ертөнцийн Бүтээгч зөвхөн чамайг мэддэг, чи Түүнд таалагддаг, чамайг хайрладаг төдийхөн биш. Харин Орчлон ертөнцийг Бүтээгч чамайг галзуу мэт хайрладаг, чамтай хамт найдвар бүрийг тээж, мөрөөдөл бүрийг мөрөөдөж, нулимс бүрийг асгаруулж, эргэлзэж, санаа зовж, асуулт асуух мөчүүдэд тань хамт байсан. Тэр бүх замын турш тантай хамт байсан. Орчлон ертөнцийн Бүтээгч бол таны хамгийн агуу, хамгийн том дэмжигч юм. Бурхан бол итгэхэд зохистой, таны амьдрал утга учиртай, зорилготой. (Халхавчийн цаана)