Их Багшийн минь Хайр, Адисаар маш олон төөрөлдсөн сүнснүүд чөлөөлөгдөж буйг харсан.

Монгол Улсаас Байгалмаагийн монгол хэл дээр илгээсэн сэтгэлийн үгийг одоо хүргэе:

Төгс Гэгээрсэн Их Багш Чин Хай болон Суприм Мастер ТВ -ын хамт олонд энэ гэгээн сайхан өдрийн мэнд хүргэж, нарлаг Монгол орноос мэндчилж байна.

2024 оны 10-р сарын 21, 22, 25-ны өдрүүдэд Монгол оронд минь “Аниргүй нулимсыг хайрлахуй” мюзикл тоглогдсон юм. Би эхний өдрийн тасалбар авч үзсэн. Энэ үед тохиолдсон ахуй ойлголтоо та бүхэнтэйгээ хуваалцахаар бичиж байна.

Тоглолт эхлэхээс өмнө зааланд Их Багшийн хувцас, зураг болон С.М. Тэнгэрийн Үнэт эдлэлүүдийн үзэсгэлэн тавигдаж маш олон хүмүүс үзэж сонирхон, танилцаж, адислуулж байлаа. Гэтэл би нэгэн үнэт эдлэл рүү татагдаж очиж үзэхэд Их Багшийн “Жинхэнэ Хайр (3) Сарны чулуу” үнэт эдлэл байсан. Эхлээд харахад дотор талд нь жижиг, жижигхэн талстууд солонгорон гялалзаж, харах тусам улам томорч том том солонгон талст болон гялалзан миний сэтгэлийг догдлуулж, баяр хөөрөөр бялхуулж би нүд салгалгүй харж зогссон.

Дараа нь үзвэрийн танхимд ороход миний суудал тайзнаас хол, орох хаалганд ойр, хамгийн ард байсан. Удахгүй Их Багшийн ая, хөгжим эгшиглэхэд миний ойр байсан хаалга онгойж олон авшигтан 2 эгнээ болон гартаа лаа барин орж ирэн, тайз руу хөгжмийн эгшигт алгуурхан алхан явахад тэдний гэрлийг даган үй олон сүнснүүд тайзны хурц гэрэл рүү хөвөн тэнгэр лүү одож байгааг би харж залбирахад миний нүднээс нулимс урсан гарч сэтгэл уужирч мөр маань хөнгөрч билээ.

Их Багшийн минь Хайр, Адисаар маш олон төөрөлдсөн сүнснүүд чөлөөлөгдөж буйг харсан. Тэр үед Их Багшийн минь хэлдэг “там хүртэл хоосордог” гэдэг үг санаанд орж ирэхэд энэ мюзиклийн ач тусыг мэдэрсэн. Их Багшийн агуу Хүч, Энэрэнгүй сэтгэл бүх төрөлтөн, орчлон ертөнцөд тусалж байдгийг бодитоор мэдэрч, баярлаж талархсан.

Цаглашгүй Оройн Дээд Их Багшийн Хайр, Адис орчлон ертөнцөд мөнхөд түгж, биднийгээ ивээж байдагт талархлаа, Та минь эрүүл саруул, урт удаан наслаарай. Монгол Улсаас Байгалмаа

Ухаантай Байгалмаа, Багшийн маань хайр, ерөөл, нигүүлслээр зовж шаналж буй сүнснүүд чөлөөлөгдөж байгааг харсан ахуй ойлголтоо бидэнд илгээсэнд баярлалаа. Их Багшийн уран бүтээл, лекцийг бусадтай хуваалцахын асар их, өргөн цар хүрээтэй эерэг үр нөлөөг тэр бүр мэдэрч чадахгүй ч гэсэн хэчнээн чухал болохыг бидэнд сануулж байна. Диваажингийн мөнхийн Адислалыг та болон Хүчирхэг Монгол мэдрэх болтугай, Суприм Мастер ТВ-ийн хамт олон

Жич. Их Багш танд хайраар хариулж байна: "Өгөөмөр Байгалмаа, сонин сайхнаа илгээсэнд баярлалаа. Энэ явдал үзэгдсэн нь мэдрэхүйн тусламжтайгаар юмс үзэгдлийг хардаг ч гэлээ биет нүд харахгүй их зүйл болж байдаг гэдгийг илтгэж байна. Мюзиклийн тоглолтод үл үзэгдэх Бурханы Ивээлийг гэрчлэхээр та адислагдсан байжээ. Чин сэтгэлт, үнэнч Арьяабалын бясалгагч байгаад баярлалаа. Чадварлаг Монголын ард түмэн та бүхнийг Буддагийн Мэргэн ухаан ивээх болтугай. Танд болон дотныхонд тань хайртай шүү, хайртай хонгор минь!"