Дараа нь, ирээдүйд ШИНЭ ЕРТӨНЦӨД очих боломжтой олон авшигтнууд байх болно. Бид энэхүү Адислагдсан Үйл явдлын өөрчлөлтөд маш их баяртай байна.

Вьетнам буюу Ау Лак-аас ау лак (вьетнам) хэлээр Хуен Трамаас ирүүлсэн сэтгэлийн үгийг одоо хүргэе:

Эрхэм Хайрт, Хамгийн Энэрэнгүй Их Багш аа, Суприм Мастер Телевизийн хамт олонд, Би 2024 оны 10-р сарын 7-нд Суприм Мастер Телевизээр Их Багшийн захиасыг үзсэнийхээ дараа харсан дотоод ахуй ойлголтоо хуваалцмаар байна. Их Багш маань цэвэр ариун сэтгэлтэй хүмүүс албан ёсоор Түүний шавь мөн эсэхээс үл хамааран Тим Ко Ту-гийн Шинэ Ертөнцөд очно гэж хэлсэн...

Миний сэтгэл дотоод Диваажингийн Гэрэл дээр бясалгаж байхдаа маш тайван, амгалан байсан. Би сүнсээ том жигүүртэй олон сахиусан тэнгэр хамгаалж буй нэгэн том хаалганы өмнө очиж байгааг харав. Би хаалгаар ороход энэ газар сүрлэг, ариун дагшин, гайхалтай цэвэрхэн байлаа. Тэндхийн оршихуйнууд өндөр мөн тунгалаг байв. Тэд бие биетэйгээ телепатаар харилцаж, “Энэ бол Их Багш Тим Ко Ту- гийн Шинэ Ертөнц.” гэж хэлэхийг би сонссон. Дараа нь Гэрлийн далай шиг том танхимыг би харлаа, тэр Гэрлийн далайн голд Их Багш минь байсан. Их Багшаас Гэрлийн цацрагууд тэрбум тэрбум Нар шиг цацарч байсан бөгөөд — Хүч нь үлэмж их байсан тул би түүнд уусмаар санагдсан. Би яг л хүүхэд шиг туйлын цэвэр ариун, баяр хөөртэй, жаргалтай байсан. Их Багш надад “Хүүхэд минь Гэртээ тавтай морил.” гэж хэлсэн.

Би Арьяабалын бясалгалаас гарахдаа баяр баясгалан, жаргалаар дүүрэн байлаа. Миний ухамсар цэвэр ариун байдалд үлдэж, Их Багшийн надад соёрхсон Адисын Хүчийг мэдэрсэн.

Энэхүү түр зуурын биет амьдралаас гадна Их Багшийн бидэнд үргэлж сануулдаг жинхэнэ дотоод агуу чанар буюу — мөнхийн амьдрал болон Бурханы жинхэнэ Хаант улс — байдгийг би ойлгосон. Шавь нар бид бүгд Их Багшийн зааврыг ямагт дагаж, бясалгалдаа хичээнгүйлэн зүтгэж мөн өөрсдийн дотоод агуу байдлаа ухамсарлахын тулд Дэлхий дээр байх хугацаандаа энэхүү үнэт цагийг үр дүнтэй ашиглахыг чин сэтгэлээсээ хүсэж байна.

Бүхнийг даруу зан болон талархлын сэтгэлээр хүлээн авч, Оройн Дээд Бурханы Ивээлд гүнээ талархаж, биднийг жинхэнэ Гэр рүү маань буцаан чиглүүлэхийн тулд энэ эцсийн шүүлтийн үед Дэлхий дээр заларсан Их Багш, Цаглашгүй Дээд Их Багшдаа талархъя. Их Багшдаа элбэг дэлбэг эрүүл энх, амар амгаланг ерөөе. Таны шавь Хуен Трам, Ау Лак (Вьетнам) улсаас

Аз жаргалаар-дүүрэн Хуен Трам, Арьяабалын бясалгалынхаа үеэр Шинэ Ертөнцөд зочилсон тухай дотоод ахуй ойлголтоо өгүүлсэн сэтгэлийн үгэнд тань баярлалаа. Маш олон хүн бүхий л оршихуйгаараа үзэхийг хүсдэг тийм зүйлийн гэрч болсон нь ер бусын Адисал юм! Та болон энхийг-эрхэмлэгч Ау Лак (Вьетнам)-чууд Буддагийн Хайрын дулааныг өдөржингөө мэдрэх болтугай, Суприм Мастер ТВ-ийн хамт олон

Жич. Их Багш хайр дүүрэн захиасаа танд илгээв: “Сайхан сэтгэлт Хуен Трам, энэ физик ертөнцөд байх хугацаандаа Шинэ Ертөнцөд зочлох боломжтой болсон чин сэтгэл, хичээл зүтгэл болон итгэлд тань баярлалаа! Таны хайр дүүрэн мөн цэвэр ариун зүрх сэтгэл, ойр дотнын тань бүхэнд адисал болдог. Энэ нь таны бүх сүнслэг Ах болон Эгч нар илүү чин сэтгэлээсээ, илүү хичээнгүй байж мөн бясалгалдаа илүү их цагийг зориулан, Арьяабалын бясалгалын мэдээллийг боломжтой үедээ, хаана ч дэлхийн олон нийтэд илүү хайраар түгээж, улмаар уур амьсгал улам бүр цэвэршиж байгаатай холбоотой юм. Дараа нь, ирээдүйд ШИНЭ ЕРТӨНЦӨД очих боломжтой олон авшигтнууд байх болно. Бид энэхүү Адислагдсан Үйл явдлын өөрчлөлтөд маш их баяртай байна. Хамгаас Хүчирхэг Гурвалд маш ихээр талархаж байна. Би Хайраа танд үргэлж илгээдэг! Та болон үзэсгэлэнтэй Ау Лак (Вьетнам) улс, Тэнгэрлэг Оршихуй бол та бүхний байнгын сонор сэрэмжтэй хөтөч гэдгийг мэдээд тайвшрах болтугай. Та бүхэнд хязгааргүй Хайртай!”