Sharing Seeing Loving Wisdom in Spiders, God’s Smallest Creations

Испаниас Ларагийн испани хэлээр ирүүлсэн сэтгэлийн үгийг одоо хүргэе:

Эрхэм Их Багш аа, Суприм Мастер ТВ-ийн хамт олонд, Суприм Мастер ТВ-ээр цацагдсан бүх гайхалтай нэвтрүүлэг болон Суприм Мастер ТВ Макс-ын асар их Адислалд баярлалаа. Их Багшид Арьяабалын бясалгалын аргын төлөө, Түүний бүх үнэ цэнтэй сургаал, Хайрын төлөө талархаж байгаагаа би илэрхийлмээр байна.

2020 оны 6-р сарын 26-ны өдрийн (“Цэвэрлэгээний энэ цаг үед сэрж, Веган болцгооё.”) бага хурлын үеэр аалз бол элч, бусад амьтан-хүн ч мөн адил аюулын тухай сэрэмжлүүлэг илгээдэг тухай мэдээллийг Их Багш бидэнд илчилснээс хойш, янз бүрийн хэмжээтэй аалз өөр өөр газарт над дээр ирж, ирэх өдрүүдэд болгоомжтой байхыг сануулж, сэрэмжлүүлсэн. Би мессежийг бүрэн ойлгоогүй ч, тэдэнд анхаарлаа хандуулж, илүү сонор сэрэмжтэй байх ёстойг ойлгосон. Хамгийн санаанд оромгүй газарт үзэгдэж мөн заримдаа миний нүүрний өмнө хэсэг зуур агаарт зогссон аалзны айлчлалын дараах өдрүүдэд олон сорилт гэнэт тохиолдож, нарийн төвөгтэй нөхцөл байдалд эсвэл илүү хүнд энергитэй хүмүүсээс өөрийн эрүүл мэндэд, эсвэл Арьяабалын бясалгалдаа сөргөөр нөлөөлүүлэхгүйн тулд өөрийгөө хамгаалах шаардлагатай болсон. Амьтан-хүмүүс бидэнд хайр энэрлийг авчирч, хүмүүн бидний хараахан мэдэж амжаагүй олон шинж чанартай байдаг учир тэд хэчнээн жижиг байсан ч хамаагүй, зохих нэр төр, хүндэтгэлт хандлагыг удахгүй олж авна гэж бид найдаж байна. Уур амьсгалын өөрчлөлтийн ноцтой үр дагавраас зайлсхийхийн тулд бид дэлхий даяар амьтан-хүмүүст илүү хүндэтгэлтэй хандана гэдэгт итгэж байна.

Манай Испани оронд бид үүнийг өөрийн биеэр мэдэрсэн бөгөөд бид үйлийн үр болон шуурга, газар хөдлөлт, халууны давлагаа, гал түймрийн хор уршигтай үр дагавар, сүйрлийн нөлөөлөл нь Эргэн Нэгдсэн Хамгаас Хүчирхэг Гурвын Хамгаалалтын Хүчний ачаар багассан гэдгийг бид мэдэрч байгаа хэдий ч, хэрвээ хүн бүр веган болбол энэ бүх зүйл дахин тохиохгүй байх нь хамгийн зөв, сайхан хүсэмжит байдал билээ. Веган Дэлхий, Энх тайван Дэлхий даруй цогцлохыг харах хүсэлтэйгээр бид веганизмын захиасыг түгээж, бясалгалаа үргэлжлүүлэн, Суприм Мастер ТВ Макс-ыг олон дэлгэцээр тоглуулахын тулд чадах бүхнээ хийх болно. Испаниас Лара

Зохицолт Лара, Дэлхий дээрх аянд маань бидэнд туслахыг хүссэн тэдгээр аалз, хамгийн бяцхан элч нараа дурсах үүднээс ийм хайр дүүрэн захидал бичсэнд тань талархаж байна. Та болон зөөлөн сэтгэлт Испани зон аюулгүй байж, Байгалийн болон найрсаг зэрэгцэн-оршигчдынхоо гайхамшгийг мэдрэх болтугай. Диваажингийн баяр жаргалд, Суприм Мастер ТВ-ийн хамт олон

Жич. Их Багш энэ гүн бодолтой хариуг зөвхөн танд бичиж байна: “Сайхан сэтгэлт Лара, зурвасыг тань уншихад таатай байлаа. Бурханы хамгийн өчүүхэн бүтээлийн нэг хэсэг болох аалзны хайр дүүрэн билиг ухааныг олж харсанд баярлалаа. Бурханы Тэнгэрлэг Төлөвлөгөөг бид хүндэтгэдэг бол веган хооллолт нь цорын ганц хооллох арга зам юм. Энэ нь маш энгийн. Хайрын ерөөлөөр, та болон итгэл дүүрэн Испани улс итгэлийнхээ хүчээр өргөгдөж, аз завшаанаар үүрд адислагдах болтугай. Танд үргэлж хайртай.”