Дэлгэрэнгүй
Татаж авах Docx
Дэлгэрэнгүй уншаарай
АНУ-аас Пэйслигийн ирүүлсэн сэтгэлийн үгийг одоо хүргэе:Эрхэм Төгс Гэгээрсэн Их Багш Чин Хай болон Суприм Мастер ТВ-ийн хамт олон, Яг одоогийн энэ мөчид Таны тухай бодож буй миний зүрх сэтгэл хайраар бялхаж байна, Их Багш аа; зүрх маш хурдан цохилж байна. Би Танд хайртай, Таныг маш их санаж байна. Миний амьдралд Их Багшийг таньж мэдэх боломжийг олгосон Оройн Дээд Бурхандаа баярлалаа. Би өөрийнхөө орчинд байгаа сайн мэдээ болон зарим туршлагаасаа хуваалцахыг хүсч байна.Би 1998 онд хагас авшиг авсан бөгөөд 2002 онд Арьяабалын бясалгалын аргын бүрэн авшиг авсан. Би 15 настайгаасаа хойш Их Багшийн лекцийг ном болон видео бичлэгээр огт үздэггүй байсан. Гэвч нэг удаа би Их Багшийн зургийн өмнө зогсоод ингэж залбирсан: “Их Багш аа, би Арьяабалын бясалгалын арга мөн Их Багшийн лекц бүгд сайн гэдгийг мэднэ. Би лекцүүдийг ойлгож, өөрөө бясалгал хиймээр байна. Надад туслаач” гэж хэлсэн. Би өсч томрох тусам залбирлаа мартсан. 2008 онд надад нэг и мэйл ирсэн бөгөөд тэнд намайг бясалгал хийхээсээ өмнө Их Багшийн лекцүүдийг үзэх ёстой гэж бичсэн байв; түүнийг хийх нь надад сайн байх болно. Би үүнийг хэрэгжүүлсэн. Их Багшийн видеог анх үзэхэд, Их Багшийн бүх лекцүүдийг хаа нэгтээ өмнө нь үзсэн юм шиг танил санагдсан ч би санаж чадахгүй байлаа. Цаг хугацаа өнгөрөхөд, би залбирлаа санав. Их Багш надад дотоодоос минь зааж, сургаж байсан гэдэгт би итгэлтэй байна.Би сайн зан чанар, ёс суртахуунтай өссөн. Би үргэлж Их Багшийнхаа сайн зөвлөгөөг авч, надад юу хийх ёстой, юу хийх ёсгүйг дотоод мэдрэмжээр зааж чиглүүлдэг байв. Надад ирсэн бүхний төлөө би Их Багшдаа маш их талархаж байна. Их Багш намайг маш сайн халамжилдаг. Би бясалгаж байгаад Майдар Бурханы хөшөө рүү явж байгаагаа харсан. Намайг хөшөөнд ойртох үед, тэр гэнэт хөдлөн, гараа өргөж, хацарт минь зөөлөн хүрээд, “Би бодитой, амьд” гэж хэлэв. Өөр нэг дотоод ахуй ойлголтондоо би Тэдний оройн том гэрлэн цагираг титэмтэй Есүс Христ, Шагжамүни Будда, Арьяабал Бодисадва болон зарим Гэгээнтэн, Мэргэдийн дунд нь Их Багшийг зогсож байхыг харсан. Би Их Багшийг бүгдтэй нь нэгдсэн гэдгийг мэднэ. Их Багш үүнийг үнэн гэдгийг илчилсэнд би маш их баяртай байна.Миний оршин суудаг газар Америкчуудаас Ази хүмүүс хүртэл олон орон нутгийн хүмүүс веган амьдралын хэв маягаар амьдардаг. Миний машин дээр “Веган болцгооё” гэсэн наалт байдаг. Нэгэн удаа бид хоёулаа машин жолоодож байх үед нэг америк залуутай тааралдсан ба тэр машины цонхоор бидэнтэй мэнд мэдсэн. Тэрөөрийгөө бас веган гэж хэлсэн. Би веган амьдралын хэв маягийг сурталчлах үйл ажиллагаанд нэгдэж, олон хүнтэй уулзсан бөгөөд тэд надад удаан хугацаанд, дор хаяж найман жил веган байгаа гэдгээ хэлсэн. Амралтын өдрүүдэд болон хагас, бүтэн Сар гэх мэт онцгой өдрүүдэд бараг бүх веган ресторан зочдоор дүүрч, гадаа нь дараалал үүсэн, хүмүүс ширээ хүлээлтийн жагсаалтад бүртгүүлдэг. Бусад зарим байгууллагууд ч мөн веган амьдралын хэв маягийг сурталчилж байна. Веган Дэлхий удахгүй ирнэ, Их Багш аа. Баярлалаа. АНУ-аас ПэйслиБаяр хөөртэй Пэйсли, Таны талархал, урам зориг мөн сүнслэг болон материаллаг ертөнцийн аль алиных нь эерэг туршлага үнэхээр гайхалтай юм. Эдгээрийг болон зургуудаа хуваалцсанд тань баярлалаа. Та болон өргөн уудам Америк орон Тэнгэрлэгийн Гэрлээр хязгааргүй гэрэлтэх болтугай. Тэнгэрлэг Нигүүлсэлд, Суприм Мастер Телевизийн хамт олонЖич. Их Багш зөвхөн танд зориулж дараах захиасыг хүргэж байна: “Хайр татам Пэйсли, би таныг амьдралдаа ёс суртахууны ариун нандин байдлаа хадгалж, өндөр, агуу үр өгөөж хүртэж байгааг тань мэдээд үнэхээр их бахархаж байна. Таны сэтгэлийн үгийг уншихад таатай байлаа. Таны эргэн тойронд энэхүү Тэнгэрлэг ертөнц бий. Ийм сайн төвлөрлөө хадгалж, Арьяабалын бясалгалаа тууштай, хичээнгүйлэн дадуулж, Бурханы гайхамшигт бүтээлч Хүчийг өөрийн эргэн тойрондоо харах нээлттэй сэтгэлтэйгээр амьдарч байгаа нь үнэхээр сайн байна. Таныг дадал, бясалгалынхаа үр шимийг хүртэж байгааг харах надад маш их баяр баясал төрүүлж байна. Та болон шударга Америкийн ард түмэн мөнхийн амар амгаланд хүрэх эрхэм, ариун замдаа адислагдах болтугай. Хайртай, Хайртай!”
