Суприм Мастер TВ Maкс энэ дэлхий болон бүх Орчлон ертөнцөд тоо томшгүй олон гайхамшгийг бүтээж байна.

Перугаас Азуценагийн испани хэл дээр ирүүлсэн сэтгэлийн үгийг одоо хүргэе:

Эрхэм, Хайрт Төгс Гэгээрсэн Их Багш Чин Хай, би унтаж байхдаа үзсэн энэ богинохон дотоод ахуй ойлголтоо Тантай хуваалцахыг хүсэж байна. Би өөрийгөө маш их үзэсгэлэнтэй паркаар явж байгааг олж мэдлээ. Тэнд хүмүүс тун эв найртай байсан. Тэдний хоёр нь намайг замчлав. Тэд намайг Атлантисын АПОЛИ гэдэг хотод байгаа гэж хэлсэн. Тэндхийн хотуудыг ухамсрын таван түвшинд тусгаарладаг гэж бас тэд хэлсэн.

Босоо байрлалтай том бөмбөрцөгт ирэх хүртлээ би тэдэнтэй хамт алхсаар байв. Энэ нь алтлаг өнгөтэй, алтаар хийгдсэн мэт боловч хатуу төлөвтэй биш байв. Бөмбөрцөгт ойртохын өмнө би хамтрагчдаасаа “Дараагийн удаад би яаж энд, энэ газарт буцаж ирэх вэ?” гэж асуув. Тэд “Баяр баясгалан, ухамсартай хайр, цэвэр ариун байдлаа хадгалаарай. Ийм байдлаар бид үргэлж хамт байх болно.” гэж хариулсан.

Эцэст нь тэд надад Суприм Мастер Телевиз нь гарагийг тойруулан илүү эерэг холболт хийх боломж олгодог том болор бөмбөрцөг үүсгэж байгааг дурдсан. Энэ нь тэдэнтэй адил оршихуйнуудыг бидэн рүү илүү ойр дотноор, хурдан ирэх боломж олгодог. Суприм Мастер Телевизийн үүсгэсэн эдгээр бөмбөрцгийн ачаар үүнийг хийх боломжтой болсон.

Энэ цаг үед урьдчилан таамагласан зүйл нь тэдэн шиг илүү хувьсан, дэвшсэн төрөлтнүүд бидэн рүү ойртох явдал юм. Суприм Мастер Телевиз нь үүнийг илүү хурдан бодит болгох төгс хэрэгсэл болжээ.

Их Багш аа, Тандаа баярлалаа, учир нь Та бүхнийг мэддэг бөгөөд хамгийн сайн зүйл байнга тохиолдохыг зөвшөөрдөг. Гүн хүндэтгэл, талархалтайгаар! Перугээс Азуцена

Зөн совинтой Азуцена, Сэтгэлээ илэрхийлсэнд баярлалаа. Их Багш захиасаа танд зориулав:

“Соргог Азуцена, таны зурвасыг уншихад таатай байлаа. Суприм Мастер TВ Maкс энэ дэлхий болон бүх Орчлон ертөнцөд тоо томшгүй олон гайхамшгийг бүтээж байна. Манай гарагт нэн шаардлагатай бараг хязгааргүй Адислалыг бий болгох боломж олгосон ийм өндөр технологийн эрин үед байгаа бид маш их азтай. Энэ нь Веган Дэлхий, Энх тайван Дэлхийд хүрэх замыг нээж, эндхийн сүнсийг ариусгахад асар их тус болж байна. Таны дотоод ахуй ойлголт дэлхийгээ аврахад туслахын тулд Суприм Мастер TВ Maкс-ыг ашиглахад илүү олон хүнд урам өгнө гэж итгэж байна. Бурхан манай Дэлхийд маш нигүүлсэнгүй, өгөөмөр ханддаг. Бид үүнийг эергээр өөрчлөхийн тулд чадах бүхнээ хийх ёстой, ийн бид гарагийнхаа талаарх Бурханы хэтийн зорилгыг биелүүлэх болно. Та болон ид шидийн мэт Перу зүрх сэтгэлдээ Бурханы амар амгаланг байнга мэдрэх болтугай. Миний Хайр ямагт тантай хамт!”