Их Багш намайг хагалгаанд дагалдан явлаа

Хятадаас Цяо-Тинийн мандарин хятад хэлээр ирүүлсэн сэтгэлийн үгийг одоо хүргэе:

Их Багш намайг хагалгаанд дагалдан явлаа

Сайн байна уу, Эрхэм Их Багш аа, Суприм Мастер ТВ-ийн баг аа! 2024 оны наймдугаар сард би хөхний хагалгаанд орсон. Би Их Багшид талархлаа илэрхийлэхийн тулд хагалгааны үеийн туршлагаасаа хүн бүртэй хуваалцахыг хүсэж байна.

Хагалгаа хийлгэх шийдвэр гаргахаас хэдхэн хоногийн өмнө би сандарч, айж эхэлсэн. Хагалгааны өдөр би хэдийн маш их сандарч, сэтгэл санаа тодорхойгүй байв. Хагалгааны өдөр би хагалгааны өрөөнд орохын өмнө гурван айдас төрүүлэм хаалгаар дамжин өнгөрөх шаардлагатай болсон. Хагалгааны өрөө рүү очиход миний сандрал, айдас, түгшүүр улам бүр нэмэгдэж, хянахад бэрх болсон байлаа. Би эмчийн зааврыг дагаж хагалгааны ширээн дээр хэвтэв. Би эхлээд нэг хөлөө орон дээр өргөөд, нөгөө хөлөө өргөхөөсөө өмнө гэнэт бүх зүйл алга болчихсон юм шиг санагдав. Миний зүрх сэтгэлд урьд өмнө нь хэзээ ч мэдэрч байгаагүй тайван, уужирсан, байгаагаараа, амар амгалан мэдрэмж оргилон төрж байв.

Тэр үед би Их Багш миний хажууд ирснийг мэдсэн; Их Багш намайг хагалгаанд ороход дагаж ирсэн байсан! Би дотроо “Би хэнийг ч хүсэхгүй, зөвхөн Их Багшийг л хүсэж байна, би зөвхөн Их Багшийгаа л хүсэж байна.” гэж дуудав. Би “Их Багш аа, намайг тэвэр, намайг тэврээч.” гэж хэлсэн... Тэр үед би Их Багшийн халуун тэврэлт намайг тайвшруулж, бүх айдсыг минь арилгаж байгааг мэдэрсэн.

Бүр илүү гайхамшигтай нь тасагтаа буцаж ирээд би өвдөлт намдаах эм хэрэглээгүй ч хагалгааны шарх минь огт өвдөөгүй. Би өвдөлтийг тэвчихээр өөрийгөө бэлтгэсэн хэдий ч Их Багшийн Адисал намайг огтхон ч өвтгөөгүй гэсэн үг юм. Эмнэлгийн ажилтнууд, миний гэр бүл, найзууд үүнийг гайхалтай гэв. Их Багш миний төлөө бүх зүйлийг өөр дээрээ авсан гэдгийг би л мэдэж байсан.

Их Багш аа, энэ насандаа Их Багштай учирсан маань миний хамгийн агуу Адислал юм. Их Багшийн Ивээлийг эргүүлэн төлөхийн тулд би цаашид сүнслэг бясалгалын зам дахь чармайлтаа хоёр дахин нэмэгдүүлэх болно. Энэ туршлагыг өвдөлтгүй, айдасгүй даван туулах боломж олгосон Их Багшдаа талархаж байна. Би зүрх сэтгэлдээ Их Багшийн Ивээл, хязгааргүй Хайрыг үүрд хадгалах болно. Эрхэм Хүндэт Их Багшдаа мөнхийн амгалан, эрүүл энхийг ерөөе! Их Багшийн хүсэл даруй биелэх болтугай! Веган Дэлхий, Энх тайван Дэлхий амжилттай цогцлох болтугай! Тандаа хайртай шавь, Цяо-Тин, Хятадаас

Хүчтэй-хүсэл эрмэлзэлтэй Цяо-Тин, Таны сэтгэлийн үгэнд талархаж байна. Таны хагалгаа саадгүй болсныг мэдэх нь ямар их тайвшрал, адислал вэ. Бидний Хайрт Их Багш бол мэдрэхүйтэй оршихуй бүхэнд хязгааргүй хайртай үнэхээр Бурханаас-илгээсэн Аврагч юм. Таны сүнслэг аялал чин сэтгэлийн Арьяабалын бясалгалаар дамжин улам гүнзгийрэн өрнөнө гэдэгт бид итгэлтэй байна. Та болон домогт Хятад улс, амьдралын веган замыг ухаалгаар сонгож амар амгаланг олох болтугай, Суприм Мастер ТВ-ийн хамт олон

Жич. Их Багш танд хайраар хариулав: “Талархал- дүүрэн Цяо-Тин, таны бие сайн байгааг сонсоод үнэхээр их баяртай байна. Арьяабалын бясалгалдаа хичээл зүтгэл гаргаж байгаад нь баярлалаа. Амьдрал бол сайхан туршлага бөгөөд билиг ухааныг бид даван туулсан сорилтоор олж авдаг. Тиймээс бид ухамсартай, Орчлон ертөнцөд талархаж амьдрах ёстой. Ухаант Гэгээнтэн, Мэргэдийн ариун сургаал танд болон зочломтгой Хятадын ард түмэнд хаана ч явсан хайр түгээх урам зориг өгөх болтугай. Танд Хайр дүүрэн тэврэлт илгээж, чангаар тэвэрье!”