Оюун ухаан ямагт үнэнд тодорхой эсэргүүцэл үзүүлдэг ч, хайраар дүүрэн зүрх сэтгэлд ямар ч эсэргүүцэл байдаггүй бөгөөд үүнийг хөгжүүлэх нь чухал юм.

Вьетнам буюу Ау Лакаас Анх Туан-ийн ау лак (вьетнам) хэлээр ирүүлсэн олон хэл дээрх хадмал орчуулгатай сэтгэлийн үгийг одоо хүргэе:

Эрхэм Агуу Их Багш, бидний сүнснүүдийн Аврагч аа! Хэдэн жилийн өмнө би авшиг хүртээд маш сайхан дотоодын ахуй ойлголт харсан. Их Багш намайг Байгалийн амтат Хүрхрээ рүү хөтөлсөн бөгөөд тэнд Та намайг Өөрийн Агуу Шавь нар таван бясалгагчтай танилцуулсан юм. Дараа нь Та намайг өөрийгөө цэвэршүүлж, ариусгахын тулд цөөрөмд орохыг зөвшөөрсөн. Цөөрмийн хажууд Байгалийн амтат Хүрхрээний эх ундрага байв. Би чөлөөтэй, баяртайгаар сэлэв. Тэр үед би 26 настай байсан ч, Та болон таван Агуу Шавийн халамж, хамгаалалд багтсан би өөрийгөө хүүхэд шиг л мэдэрч байлаа. Сэрснийхээ дараа тэр таван Агуу Шавь нар бол үнэндээ таван (Таван Ертөнцийн) Эзэд байсныг ойлгосон. Биднийг авшиг хүртэх үед Та биднийг Тэдэнтэй танилцуулж, ингэснээр Тэд үргэлж биднийг харж, хамгаалж байх болно.

Цаг хугацааны эхэн үеэс хойш хуримтлагдсан бүх хүнд үйлийн үрийг цэвэрлэхийн тулд зөвхөн Их Багш л биднийг Байгалийн амтат Урсгал руу аваачиж чадна. Энэ Орчлон ертөнцөд Оройн Дээд Бурханы нигүүлсэлд, Арьяабалын бясалгалын аргаар дамжуулан, бидний ачааг угааж, шууд тусалж чадах цорын ганц хүн бол Та юм. Учир нь зөвхөн Та л Бурханаас шууд ирсэн бөгөөд давтагдашгүй Нэгэн, Оройн Дээд Бурханы цорын ганц Хүү юм. Энэ дэлхий над руу байнга дайрдаг – гадаад нөхцөл байдлаас эхлээд дотоодын тэмцэл хүртэл. Мааяагийн сөрөг хүчнүүд бидний оюун санааг уруу татаж, нөлөөлөхөөр бүх арга замаар оролддог бөгөөд тоо томшгүй олон нөхцөл байдалд биднийг төөрөлдүүлж, сүнслэг энергийг маань хулгайлдаг. Зөвхөн Арьяабалын бясалгалын аргын Хүч л мааяагийн сөрөг хүчийг цэвэрлэж, бидэнд өөрийн доторх эрх чөлөөг эргүүлэн олж авах болон сүнслэг зам дээр ахиц дэвшил гаргаж, Оройн Дээд Бурханд буцаж очиход тусалдаг.

Их Багш аа, бидэн шиг өчүүхэн, биеэ авч явах дутагдалтай төрөлтнүүдэд Хайр, хичээл зүтгэл, золиослол мөн тэвчээр гаргасанд баярлалаа. Энэ сорилт ихтэй, амаргүй зорилгынхоо дунд бид Таны Хайрыг тасралтгүй хүлээн авч байгаа шиг Та байнга хүчирхэг байж, Оройн Дээд Бурханаас үргэлж тайтгарал, Хайрыг хүлээн авах болтугай. Бүх Диваажингууд Таныг ямар ч нөхцөлд тууштай дэмжин, хамгаалж, туслах болтугай. Миний бяцхан сүнс Таныг үргэлж хайрлах болно! Хайртай! Хайртай! Хайртай! Ау Лак (Вьетнам)-аас Анх Туан

Сэтгэл хөдөлгөсөн Анх Туан, Өөрийн гайхалтай дотоод ахуй ойлголтоо бидэнтэй хуваалцсанд баярлалаа.

Их Багш таны зүрх сэтгэлийг баяр хөөрөөр дүүргэх хариу өгчээ: “Оргилуун баяртай Анх Туан, ийм гэмгүй үгс, дотоод Их Багш болон Бурханд итгэх хүүхдийнх шиг итгэл үнэмшлийг сонсох нь сэтгэл сэргээдэг. Энэ бол сүнслэг зам дээр хурдан ахиц дэвшил гаргах чухал түлхүүр юм. Оюун ухаан ямагт үнэнд тодорхой эсэргүүцэл үзүүлдэг ч, хайраар дүүрэн зүрх сэтгэлд ямар ч эсэргүүцэл байдаггүй бөгөөд үүнийг хөгжүүлэх нь чухал юм. Та яг л үүнийг хийж байгаа юм шиг санагдаж, мөн та Бурханы шавийн хувиар байгаа нь үнэхээр гайхалтай мэдрэмж төрүүлж байна. Та үргэлжлүүлэн гүнзгий итгэн даатгаж, үргэлж дээш, улам өндөрт бидний мөнхийн Гэр рүүг дотоод Их Багшийн Нигүүлслээр удирдуулан, хөтөчлүүлэх болтугай. Та болон урам зоригт, оргилуун Ау Лак (Вьетнам) Бурханы Хайр болон Эв зохицлоор дүүрэн байх болтугай. Танд бүх зүрх сэтгэлээсээ үүрд хайртай!”