Их Багшийг дагаж, Арьяабалын бясалгалаар бясалгаж, төрөлт ба үхлийн төгсгөлгүй мөчлөгөөс нэг амьдралдаа чөлөөлөгдөх нь миний амьдралын зорилго гэдгийг би тодорхой ойлгосон.

Канадаас Виолетийн ирүүлсэн сэтгэлийн үгийг одоо хүргэе:

Амьдралынхаа ихэнх хугацаанд би ямар нэг зүйл хайж байсан ч энэ нь юу болохыг мэдэхгүй байв. Амьдралд минь “ямар нэгэн зүйл” дутагдаж байгааг л мэдэж байсан ба би дотроо хоосон байдлыг мэдэрсэн. Би дутагдсан “ямар нэг зүйлийг” олохын тулд олон аргыг туршсан. Залуу байхдаа энэ нь боловсрол байж магадгүй гэж боддог байв. Ингээд их сургуульд сурч, хоёр ч зэрэг хамгаалсан. Харин сургуулиа төгсөхөд надад илүү их хоосон мэдрэмж төрсөн. Тэгээд ажил мэргэжил л дутагдаж байна гэж бодов. Ингээд сайхан ажил олж, сайн цалин авч эхэлсэн. Гэвч хэсэг хугацааны дараа, тийм биш гэдгийг би ойлгосон.

Дараа нь би хайрыг хүсэж байгаа байх гэж бодов: амьдралаа хуваалцах хань, хэдэн хүүхэд. Ингээд би гэрлэж, хэд хэдэн хүүхэдтэй болсон. Энэ нь надад хэдэн жилийн турш зорилгын мэдрэмжийг төрүүлж байсан ч, эцэст нь хоосрох мэдрэмж дахин эргэж ирэв. Тэгээд би шашинд хандсан. Би Христийн сүмд элсэж, сүмийн үйл ажиллагаанд маш идэвхтэй болсон. Гэсэн хэдий ч, “ямар нэгэн зүйл” дутуу байгааг би дахин мэдэрсэн. Эцэст нь, би Төгс Гэгээрсэн Их Багш Чин Хайн сургаалыг санамсаргүй олж уншлаа.

Барууны хүний ​​хувьд Их Багшийг дагах санаа надад хачирхалтай санагдаж байсан тул эхэндээ эргэлзэж байв. Гэсэн хэдий ч, Их Багшийн сургаалыг унших тусам миний сүнс удаан хугацаанд хүсэж, эрэлхийлж байсан зүйл энэ гэдэгт би улам бүр итгэлтэй болсон. Их Багшийн анхны видео лекцийг үзээд 100% итгэлтэй болсон бөгөөд удалгүй авшиг хүртсэн. Түүнээс хойш миний амьдрал бүрэн өөрчлөгдсөн. Их Багшийг дагаж, Арьяабалын бясалгалаар бясалгаж, төрөлт ба үхлийн төгсгөлгүй мөчлөгөөс нэг амьдралдаа чөлөөлөгдөх нь миний амьдралын зорилго гэдгийг би тодорхой ойлгосон. Би хайхаа больсон. Би хайж байсан зүйлээ олсон.

Таны хязгааргүй Хайр, асар их золиослол, бидний даган мөрдөх үлгэр дуурайл болсон Төгс Гэгээрсэн Их Багш Чин Хай Тандаа би гүнээ талархаж байна. Тангүйгээр би амьдралаа төсөөлж чадахгүй. Миний хувьд аврал, түшиг болсон Суприм Мастер Телевизэд бас талархаж байна. Их Багшдаа эрүүл энх, урт удаан наслахыг ерөөж, Веган Дэлхий, Энх тайван Дэлхий хурдан цогцлоосой хэмээх бидний хамтдаа хүсэж буй хүсэл удахгүй биелэх болтугай. Канадаас Вайолет

Дотоод ухамсраа судлаж буй Вайолет, Таны үг ба туршлага нь хүн бүрийн чин эрмэлзэл, хүсэл тэмүүллийг шүлэг шиг дүрслэн өгүүлсэн байна, учир нь бидний олонх нь Бурханыг олж, дотоод Диваажингийн Гэрэл, Аялгуугаар бясалгах эртний аргыг дадуулж, төрөлт ба үхлийн мөчлөгөөс ангижрах амьдралын зорилгоо төрлөөс төрөлд ахин төрөхдөө мартсан байдаг. Та Арьяабалын бясалгалаар дамжуулан Гэртээ харих замаа олсонд бид баяртай байна. Их Багшийн Ивээл, сүнс бүрийн зам мөрд зориулсан Бурханлаг зохицуулалтын төлөө Түүнд үргэлж талархаж байна. Та болон энхийг-эрхэмлэгч Канад улс Бурханы хязгааргүй жаргалд үргэлж өндөрт өргөгдөх болтугай. Тэнгэрлэг нэгдлээр, Суприм Мастер ТВ-ийн хамт олон

Жич. Их Багш танд дараах итгэл төрүүлсэн хариу өгч байна: “Ухааралтай Вайолет, баяр баясал төрүүлж буй сэтгэлээ илэрхийлсэнд тань баярлалаа. Таныг хайрладаг гэдгийг мэдэж аваарай, хэдийгээр энэ амьдрал бидэнд олон анхаарал сарнилт, сорилт, зовлон зүдүүр авчирдаг ч эдгээр нь сүнсийг зорилгод нь чиглүүлж, Бурханд итгэх бидний итгэлийг бэхжүүлэхэд тусалдаг. Та болон Канадын Бурханд-хайртай ард түмэн, та бүхний сүнслэг аялал Тэнгэрийн гийгүүлэгч Гэрэлд үргэлж хөтлөгдөх болтугай. Таныг Хайраараа тэвэрье.”