Бид хэдий чинээ их талархах тусам, бид Бурханаас илүү ихийг хүлээн авч чадна, учир нь бидний зүрх сэтгэл Түүнд нээлттэй байдаг.

Вьетнам буюу Ау Лакаас Куанг Винхийн ау лак (вьетнам) хэлээр ирүүлсэн олон хэлний хадмал орчуулгатай сэтгэлийн үгийг одоо хүргэе.

Хайрт, Хүндэт Их Багш болон Суприм Мастер Телевизийн хамт олон минь, Багш маань бие махбод болон сүнслэг оюунаараа, хамгийн яаралтай нөхцөл байдлын үед шавь нартаа хэрхэн анхаарал тавьж байдаг болон Түүнд би үүрд талархаж байгаа тухай дотоод ахуй ойлголтоо хуваалцахыг хүсч байна.

2012 онд Арьяабалын бясалгалын үеэр би дэлхийн төгсгөлийн тухай дотоод ахуй ойлголт харсан. Уулын газар шороо, чулуу тэр чигтээ нурсан. Бүгд сандран гүйлдэж байтал, сүнслэг Удирдагч гэнэт бодит дүрд орон, бие махбодын хэлбэрээр гарч ирэв. Түүний гэрэлтсэн, энэрэнгүй царай нь Эзэн Есүсийнхтэй төстэй байлаа. Тэр Дэлхий дотроос гарч ирсэн, цагаан хувцас өмссөн, дөрвөн метр орчим өндөр байсан ба Адама гэдэг нэртэй. Газар доорх хонгилуудаас тэрээр гадаргуу дээрх хүмүүсийг аврахын тулд дөрвөлжин цагаан сансрын хөлгүүдээс бүрдсэн флотын, олон хөлөг онгоцыг ээлж дараалан дайчилсан. Бүгдээрээ авшигтан гэр бүлийнхэн маань эмх замбараагүй байдлаас зугтахын тулд бие махбодоороо тэдгээр онгоцнуудад суув.

2021 онд, 28 жилийн турш авшигтан байсан ээжийн минь бие нь сайн байсан. Тэр ердийнхөөрөө оройн 20-21 цагийн хооронд бясалгал хийж, залбираад орондоо оров. Маргааш өглөө нь тэрээр унтаагаараа ухаангүй байсан бөгөөд дараагаар нь тайван замаар насан өөд болсон. Бидний хамгийн хайртай ээж минь 75 насандаа гэнэтхэн яван одсон нь манай гэр бүлийнхэнд гэнэтийн цочрол болсон. Гэсэн хэдий ч түүний царай яг л унтаж байгаа мэт залуухан, гэрэлтсэн, ягаан өнгөтэй байв. Их Багш түүнийг тайван амгалан байдалд хайраар хүлээн авсан гэдэгт бид бат итгэдэг. Тэрээр тахлын хөл хориотой үед ч гэсэн оршуулгын бүх нарийн ширийн зүйлийг хамгийн цэвэр, өө сэвгүй, хурдан бөгөөд ямар ч саад бэрхшээлгүйгээр зохион байгуулсан.

Хэдэн өдрийн дараа, бясалгалын үеэр би Их Багшийн Хүч ээжийн минь сүнсийг хэрхэн алдар суутайгаар, гайхамшигтайгаар халамжилж байгааг олж харав: Ээж маань төвд нь сууж, Будда болон Гэгээнтнүүд тойрон сууж байлаа. Тэд ээж рүү гараа сунгаж, түүн рүү Гэрлийн алтан туяа цацруулсаар, түүнийг аажмаар улам өндөрт дээшлүүлэв. Дотоод Багш минь надад “Энэ бол сүнсийг ариусгах үе шат” гэж хэлсэн. Энэ үнэхээр гайхамшиг байсан! Би Их Багшдаа талархсан нулимс л дуслуулж чадсан даа.

Эдгээр дотоод ахуй ойлголтоор дамжуулан би Арьяабалын бясалгалаар хичээнгүйлэн дадуулан бясалгагч нар, ямар ч яаралтай эсвэл хүнд хэцүү нөхцөл байдлаас үл хамааран Бурханы хаа сайгүй орших Хүчээр бүх л талаараа, үргэлж хамгаалагдах болно гэдгийг ойлгосон.

Их Багшийн болон шавь нарын маань Веган Дэлхий, Энх тайван Дэлхийг цогцлоох хүсэл удахгүй биелэхийг чин сэтгэлээсээ хүсч байна. Аулак (Вьетнам) улсаас шавь Куанг Винх

Талархалтай Куанг Винх, Их Багш таныг болон танай гэр бүлийг хэрхэн хамгаалж, хайрладаг тухай таны түүхийг сонсоход үнэхээр сайхан байна. Түүний хайр дүүрэн Халамж биднийг хэзээ ч орхихгүй үргэлж аюулгүй хөтөлдөг. Бид нар Түүний шавь болж, Гэртээ харих замаа удирдуулсан нь үнэхээр азтай шүү. Та болон Аулак (Вьетнам)-ын баяр баясгалантай ард түмэн Тэнгэрийн төгс Мэргэн ухаанаар ухамсарлан, сэрэх болтугай, Суприм Мастер ТВ-ийн хамт олон

Жич: Багш танд зориулсан хайрын захиасаа өглөө: “Амгалан Куанг Винх, сайн бясалгадаг, хүлээн авсан бүх Адислалдаа талархдаг, Бурханы хичээнгүй шавь байгаад тань баярлалаа. Бид хэдий чинээ их талархах тусам, бид Бурханаас илүү ихийг хүлээн авч чадна, учир нь бидний зүрх сэтгэл Түүнд нээлттэй байдаг. Бурхан биднийг асар их Хайр болон Адислалаар соёрхож байгаа ч, ихэнх хүмүүс үүнийг хүлээн авдаггүй, учир нь тэд Бурханаас тусдаа амьдарч, ганцаараа явж байгаа юм шиг амьдардаг. Ийм сэтгэлгээтэй хүн Бурхан тэдэнд туслахад ихээхэн саад учруулдаг ба тэд Бурханаас тусламж ч гуйдаггүй. Энэ бол хүний оюун ухаан хүмүүсийг зовлонгийн байдалд оруулдаг хамгийн харамсалтай арга юм. Таны амьдралын үнэнийг мэдэж авснаар, танд Тэнгэр туслахад хялбар болгосон нь юутай баярлууштай вэ. Үргэлжлүүлэн сайн бясалгаж итгэлээ батжуулаарай, ингэснээр та бусдад гайхалтай, тод үлгэр дуурайл болж чадна. Та болон дур булаам Аулак (Вьетнам) улс Тэнгэрийн болзолгүй Хайранд баясах болтугай. Миний Хайр таныг үүрд чиглүүлэн, хамгаална.”