Thanks for Master’s Blessings and Initiates’ Care to Help Me Recover and Return to Good Health

Монгол улсаас Тэнгэрболдын монгол хэлээр ирүүлсэн сэтгэлийн үгийг олон хэлний хадмал орчуулгатайгаар одоо хүргэе:

Төгс Гэгээрсэн Их Багш болон Суприм Мастер Телевизийн хамт олонд шинэ оны мэнд хүргэе. Би 2011 онд гэр бүлээрээ авшиг авсан тэр цаг мөчөөс маш их гайхамшгууд тохиолдож баярлаж баяссаар явна. Энэ нэгэн гайхамшгийг Тандаа бичих тохиол бүрдлээ.

Би 2024 оны 12 сарын 9-нд гэнэт өвдөж улмаар гар хөл татаж эхэлсэн гэртээ ирээд зүгээр болно гэж бодсон боловч улам бүр дордож маш их татаад түргэн дуудаж тариа хийлгэсэн боловч мөн хэвээрээ дахин дуудаад мөн арга хэмжээ авч чадахгүй улмаар өндийж чадахгүй байж байгаад өвдөхийн эрхэнд хувцсаа өмсөөд эмнэлэг рүү явахаар шийдэж эмнэлэгт очоод эм тариа хийгээд дуусаагүй байхад мөн л татсан. Гэтэл эмнэлэг “бидний авах арга хэмжээ болсон, гэртээ харьж үзмийн шүүс уу” гэдэг хариу авсан. Гэвч гэртээ ирэхэд бие өвдөж дахин таталт өгсөн.

Тэгээд маргааш нь веган эмнэлгийн номын эгч рүү ярьж эмнэлэг очсон. Очсон тэр цаг мөчөөс бие зүгээр болж эдгэх шиг болсон. Эмнэлэгт очиход номын ах, эгч нар минь маш сайхан хүлээн авч үйлчилсэн. Ямар сайхан байсанд хайртай Багшдаа талархан баярлаж байлаа. Улмаар эмчлүүлж эдгээд гарлаа. Эмнэлгийн хамт олонд маш их баярлалаа. Гэр бүлийн хоёр – номын ах, эгч эмнэлгийг ажиллуулдаг. Ажил, ажил гээд сөхөрч унатлаа зүтгэдэг. Тэгээд Багшийгаа дууддаг.

Таны минь адис, хүч хором бүр хажууд минь харж хандаж байдагт Тандаа үргэлж баярлаж явдаг шүү. Төрлөөс төрөлд ирсээр Тантай учирсандаа талархаж баршгүй. Хайрт Багшийн хүсэл сэтгэлчлэн бүтэх болтугай. Тандаа хайр илгээе. Монгол улсаас Таныг хүндэтгэсэн шавь Тэнгэрболд

Хүчтэй Тэнгэрболд оо, Сэтгэлийн үгэнд тань баярлалаа. Тэр авшигтнууд таныг эдгэрч, эрүүл саруул болоход чухал үүрэг гүйцэтгэсэн нь ямар сайхан хэрэг вэ! Их Багшийн Хайр, Адисал алхам тутамд тань хамт байснаар, та хэрэгтэй байсан тусламжаа та авчээ. Та болон эрэлхэг Монгол Улс Тэнгэрлэгийн Гэрэлд үүрд алхах болтугай, Суприм Мастер ТВ-ийн хамт олон

Жич. Их Багш танд сэтгэл хөдлөм зурвас илгээж байна: “Тэсвэртэй Тэнгэрболд, эргэн эрүүл саруул болсныг тань сонсоход үнэхээр сайхан байна! Таны итгэл болон дотоодын Их Багш, Их Багшийн Хүчтэй хамт таныг хамгийн сайн сайханд хөтөлдөг. Хамгаас Энэрэнгүй ГУРВАЛД мэхийн мөргөж, хүндэтгэн дээдэлж, Арьяабалын бясалгалд итгэлээ хадгалваас хэрэгтэй бүх зүйл тань энд мөн амьдралын дараа ч танд байх болно. Таны сүнслэг гэр бүл ч бас тэнд байж, танд хайр энэрлээ өгч, боломжит хамгийн сайн халамжийг үзүүлжээ. Танд болон эрхэм ариун Монголын ард түмэнд Тэнгэрлэг Билгүүн ухааны замаар явах хүсэл эрмэлзэл, хүч чадлыг хүсэн ерөөе. Хайртай, хайртай, танд хайртай!”