ӨДӨР ТУТМЫН МЭДЭЭ-ний гол тойм 2025 оны 6-р сарын 18

Палестины удирдагч Хамас бүлэглэлийг цэрэггүй болгож, барьцаалагдсан бүх хүнийг суллахыг уриалсны дараа Францын ерөнхийлөгч Макрон Палестины ерөнхийлөгч Махмуд Аббасыг Газын зурваст энх тайвныг тогтооход “жинхэнэ бэлэн байна” гэж магтлаа. (Арабын мэдээ)

БНХАУ-ын дарга Ши Жиньпин, АНУ-ын Ерөнхийлөгч Трамп нар утсаар ярьсны дараа [Их Британийн] Лондон хотод дээд хэмжээний уулзалт хийж, Хятад, АНУ худалдааны шинэ хэлэлцээр хийхээр тохиролцов. АНУ-ын гаалийн татварыг 55%, Хятадынх 10% байхаар тогтооно. Мөн энэхүү хэлэлцээрээр Хятадын газрын ховор элементийн экспортод тавьсан хязгаарлалтыг цуцалж, хятад оюутнуудад АНУ-ын их дээд сургуульд суралцах боломжийг олгох юм. (Ройтерс)

АНУ-ын Ерөнхийлөгч Трамп Хятадтай хийсэн “агуу” гэрээг сайшаан, энэ нь “бидэнд хэрэгтэй бүх зүйлийг өгч байна. Бид үүгээр маш амжилттай ажиллах болно. Тэд ч бас тэгнэ гэж найдаж байна.” хэмээн мэдэгдлээ. (Ройтерс)

Канад АНУ-ын Ерөнхийлөгч Трампын дарамтын дараа батлан хамгаалах зардлаа нэмэгдүүлэхээ мэдэгдэж, ДНБ (дотоодын нийт бүтээгдэхүүн)-ийхээ 2 хувийг НАТО-г санхүүжүүлэхэд зориулахаа амлажээ. (Уолл Стрийт Сэтгүүл)

АНУ-ын Төлөөлөгчдийн танхим Ерөнхийлөгч Трампын “сэрсэн” гадаад тусламж болон олон нийтийн хэвлэл мэдээллийн санхүүжилтээс 9.4 тэрбум ам.доллар хасах төлөвлөгөөг дэмжин батлав. Одоо уг хуулийн төслийг эцсийн хэлэлцүүлэг, санал хураалтад оруулахаар Сенат руу илгээнэ. (Фокс Ньюс)

Ерөнхийлөгч Трамп ойн түймрээс урьдчилан сэргийлэх ажлыг сайжруулах зорилгоор захиргааны тушаалд гарын үсэг зурлаа. Үүнд нэмэлт нисэх онгоц, эд ангиуд худалдан авахыг нэмэгдүүлж, ойн түймрийн эсрэг ажиллаж буй багуудыг дэмжих зэрэг арга хэмжээнүүд багтжээ. (Ройтерс)

АНУ-ын Сенат Ерөнхийлөгч Трампын Дотоодын орлогын алба (ДОА)-ны тэргүүнээр нэр дэвшүүлсэн, [Бүгд найрамдах намын гишүүн], Конгрессын гишүүн асан Билли Лонгийг албан ёсоор батлав. АНУ-ын татварын тогтолцоог бүхэлд нь шинэчлэхээр төлөвлөж буй Ерөнхийлөгчийн хувьд энэ нь томоохон амжилт юм. (Фокс Ньюс)

АНУ-ын Ерөнхийлөгч Трампын Засгийн Газрын Үр ашигтай Байдлын Алба [ЗГҮАБА] 2025 оны 5-р сард засгийн газрын үргүй зардлаас 25 тэрбум ам.долларыг нэмж танах гэж байгаагаа мэдэгдлээ. (Фокс Ньюс)

Эйр Индиа компанийн онгоц [Энэтхэгийн] Мегани Нагар гэдэг газарт осолдож, зөвхөн нэг хүн, Энэтхэг-Их Британийн иргэн Висва Кумар Рамеш амьд үлдэн, онгоцонд байсан бусад 241 хүн бүгд, мөн нэмж газар дээр байсан наад зах нь 38 хүн амь үрэгдсэн байна. Рамеш ослын дараа өөрийн сууж байсан эгнээний эвдэрсэн ослын гарцаар зугтаж чадсан ч юу болсон талаар тодорхой санахгүй байгаа ажээ. Тэрээр цус алдсан байдалтай олдсон ч ноцтой гэмтэл аваагүй байна. Түүний ийн амьд үлдсэнийг олон хүн “11A суудлын гайхамшиг” хэмээн нэрлэв. (Нью-Йорк Таймс; CNN)

Албаныхан Эйр Индиа компанийн онгоцны ослын шалтгааныг тодруулахаар шалгалт явуулж байна. Ослоос хэдхэн секундийн өмнө нууцлаг жингэнэх чимээ гарсан тухай мэдээлэл анхаарал татаж байгаа аж. (жеффостроф)

“Би Бурханд талархаж байна” хэмээн Энэтхэг-Их Британийн иргэн эмэгтэй хэлжээ. Тэрээр замын түгжрэлээс болж 10 минут хоцорсноор Эйр Индиа компанийн осолдсон 171-р нислэгт сууж амжаагүй нь түүний амийг аварсан байж болзошгүй юм. (Стандарт)

Судалгаагаар [шош, сэвэг зарам, вандуй зэрэг] буурцагт ургамал болон хүнсний ногоог илүү ихээр хэрэглэх нь гэдсэнд ээлтэй нянгийн өсөлтийг дэмжиж, стрессийг бууруулах нөлөөтэйг тогтоожээ. (Ньюс медикал)

Вьетнамын эмийн 3-р төв хамтарсан хувьцаат компанид их хэмжээний эмийг зохисгүй устгасан хэргээр 1,900 ам.долларын торгууль хүлээлгэсэн байна. Эдгээр эмийг хаягдал цуглуулагч олж, дахин зарахыг оролдсон ч худалдан авах хүн олдоогүй учраас Да Нанг аймгийн зам дээр хаясан байжээ. (ТОАН КАНЬ 24Х)

[Вьетнамын] Хүэ хотод зуны дунд сард гэнэтийн үер болж, гудамжнууд гол мөрөн болж хувирчээ. Нутгийнхан үүнийг сүүлийн 100 жилд тохиогоогүй ховор үзэгдэл гэцгээж байна. (Түөи Трэ)

Шинэ судалгаагаар уур амьсгалын өөрчлөлт дордсоор байгаатай холбоотойгоор Австралид хүчтэй, давтамж өндөртэй шуурганууд цаашид үргэлжлэн тохиох төлөвтэй байна гэв. (Монгабэй)

Францын Ницца хотод болсон НҮБ-ын Далайн дээд хэмжээний гурав дахь уулзалт олон улсын амлалтын давлагаагаар өндөрлөлөө. Энэ үеэр Европын Комисс далай хамгаалахад 1 тэрбум еврогийн санхүүжилт үзүүлэхээ амлажээ. Энэхүү дэмжлэг нь загас агнуурт тавих хатуу хяналт зэрэг олон арга хэмжээг багтаах юм. (НҮБ-ын мэдээ)

Өмнөд Африк нэн ховордсон Африкийн оцон шувуу-хүмүүсийг мөхлөөс аврахын тулд гол газруудын ойролцоо загасчлахыг 10 жилийн турш хориглов. (ANTV)

[Өмнөд Африкийн] Кейптаун хотын захиргаа орон гэр хэрэгтэй муур-, нохой-хүмүүсийн тоо нэмэгдэж буй энэ үед тэжээвэр амьтан-хүн үрчилж авахыг олон нийтэд уриаллаа. (Кейп Аргус)

Өдрийн сэдэл төрүүлсэн эшлэл: “Хэрэв бид өөрчлөгдөхгүй бол өсөж дэвжихгүй. Хэрэв бид өсөж дэвжихгүй бол үнэхээр амьдарч байна гэж хэлэхэд хэцүү.” – Гэйл Шийхи