Дэлгэрэнгүй
Татаж авах Docx
Дэлгэрэнгүй уншаарай
Яг одоо бидэнд тэд (Нарны төрөлтнүүд) бас хэрэгтэй байгаа. Тэд бас манай гаргийг нэг талаараа харж хандаж буй. Мэдээж, үл үзэгдэх сүнслэг талыг нь ярилтгүй. Тэд бидэнд халуун дулааныг өгдөг. Наргүйгээр юм ургахгүй л болов уу, эсвэл хүмүүс эрүүл саруул бие сэтгэлтэй, урт удаан амьдар чадахгүй. Тиймээс Наранд бид том өртэй, томоос том, том өртэй - Цаглашгүй Гэгээрлийн төлөвт амьдардаг бусад Их Багш нарын тухай ярилтгүй. Тэд манай гаргийг адисалж буй. Гэвч бидний үйлийн үр хэт хүнд, дэндүү, дэндүү, дэндүү хүнд. Бид үүгээрээ өөрсдийгөө халхалдаг. Тиймээс ихэнх адислал нь нэвтэрч чаддаггүй. Тийм учраас хүмүүс Их Багшийн Оройн Дээд Бурханы, Бурханы Хүүгийн, Цаглашгүй Их Багшийн жишээ нь Хайрыг мэдэрдэггүй. Энэ бол бидний том асуудал, тиймээс хүмүүс залбирах ёстой, Бурханд, Нэгдсэн Хамгаас Хүчирхэг Гуравт залбирах учиртай. Зүгээр залбир, гэгээрлийн төлөө залбир, энх тайвны төлөө залбир, эцэст нь үлдэхгүй жижиг зүйлсийн төлөө бүү залбир. Зүрх сэтгэлийн амар амгалан, гэгээрэл л та бүхэнд цааш дэвшихэд тустай. Үүнд л бид найдаж, үүний төлөө л залбирах ёстой. Дэлхийн төгсгөлийн цаг үе болсон энэ үймээн самуунтай цаг үед өөр юу ч нэмэргүй. Дэлхий сүйрэх албагүй. Бид гараараа удирдах боломжтой. Зүгээр л сайн бай, буянтай бай, Оройн Дээд Бурханд итгэ, Бурханы Хүүд итгэ. Гэгээрлийн төлөө, хамгийн сайн Их Багштай учрахын төлөө залбир. Тэгээд Түүнээс суралцаж, өөрийгөө чөлөөлнө. Тэдний заримыг би та нарт хэлсэн. Тиймээс үүрд эрх чөлөөтэй болохын төлөө сүнслэг статустаа анхаар. Хүсвэл та нар дараа нь дэлхийд эргээд ирэх боломжтой. Хэрэв энэ дэлхий оршин байвал өндөр түвшний сүнслэг дэвшлээсээ эргээд ирж болно. Гэвч сүнслэгээр дэвшээгүй бол та нар хэзээ ч хүссэн газар руугаа явах боломжгүй. Та нар энэ дэлхийд, дараах ертөнцөд, тамд эсвэл өөр зарим аймшигтай газарт үйлийн үрийнхээ дагуу очиж ахин дахин төрөл авч, хэцүүхэн байх болно. Хэн ч туслах боломжгүй. Үйлийн үр тань та нарыг хүрэх ёстой газарт тань хүргэнэ. Учир нь та нарын дотоод Бурхан байдаг болохоор та нар бүхнийг шийддэг. Материаллаг оршихуйд л та нар хэт сул дорой байдаг. Эргэж тэмцдэггүй. Та нар хэт сарнисан байдаг. Анхаарал тань, сүнслэг хичээл зүтгэл тань бүх зүгт сарнидаг, энэ дэлхийн зугаа цэнгэлээс болж өөрийн зүгээс та нар хэт их хугацаа гарздаж, мөнхийн амар амгалан, сүр жавхаанаас юу ч хүртдэггүй. Гуйя, зүгээр л хичээ. Веган бай. Оройн Дээд Бурханд залбир. Гэгээрч, гэтлэгдэхийн төлөө Хамгаас Хүчирхэг Гуравт залбир. Үнэхээр чин сэтгэлтэй байвал, үнэхээр эгэл даруухнаар уучлал, гэтлэл гуйн залбирч байвал Их Багш нар мэдэх болно. Тэд туслахыг хичээнэ. Магадгүй хамгийн дээд гэгээрэлд хараахан хүрэхгүй ч сүнсэндээ ямартай ч гэгээрэх болно; тэгээд тэр мөчөөс бүхий л Их Багш нарын, Бурханы Хүүгийн болон Мөнхийн Бурханы Ивээлээр та бүхэн цааш дэвшсээр байх болно. Та нарт энэ бүхнийг хүсье. Бүх хүмүүст болон энэ гараг дээрх, энэ Ертөнцийн бүх төрөлтнүүдэд энэ бүхнийг хүсье. Бурханыг санан дурсаарай. Үйлийн үрийн ачаанаасаа болж Түүнийг Харахгүй, Түүнийг сонсохгүй байлаа ч залбираад, итгээд л бай. Ямар ч Их Багштай учрахгүй бол Бурханд итгэ, юу ч байсан Оройн Дээд Бурханд залбираад бай - тэгвэл та нарт тустай. Энэ дэлхийн материаллаг өглөгт нэг их ач холбогдол бүү өг, учир нь энэ нь зуурдынх. Энэ дэлхийд илүү амжилт олох тусмаа та нар бардам зан, эго, амжилтаас болж илүү доод түвшинд унах магадлалтай. Та нар амжилттай байж болно. Томоохон бизнестэй, нэр алдартай, том нэртэй, ихээхэн хөрөнгөтэй байж болох ч Бурханд талархахаа бүү март, гэтлэгдэхийн төлөө Бурханд залбирахаа бүү март. Гэгээрэх, гэтлэх нь та нарт хэрэгтэй цорын ганц зүйл. Бусад бүх зүйл ирэх болно, эсвэл та нарын хүссэн шигээр ирэхгүй ч та нарт, мөнхийн амьдралд тань хамгийн сайнаар ирэх болно. Энэ дэлхийд амжилт олсон хүн бол бүү бахархаарай, яагаад гэвэл энэ нь маш эрсдэлтэй. Том “би” үзэл, том бардам зангаас зайлсхийх боломжгүй. Энэ хоёр зүйл бол та нарын дайсан. Тэд та нарыг сөнөөж чадна. Амжилт биш харин үүнээс үүдэх бардам зан, “би” үзэл. Амжилт нь өндөр байх тусмаа “би” үзэл, бардамнал нь том байдаг. Гэхдээ та нар үүнийг анзаарахгүй. Энэ нь бага багаар нэмэгдэж, амьдралд тань хоног өдрүүд өнгөрдөг. Энэ нь цаг үргэлж нэмэгдэх болно. Итгэлд тань нэмэр болохын оронд, Бурханд талархах талархал, гэгээрэл, гэтлэгдэхэд тань нэмэр болохын оронд уналтад тань нөлөөлнө. Учир нь сөрөг хүч үүнийг ашиглан та нарыг улам доош нь татаж чангаадаг. Гуйж байна, гуйя, өөрсдийн тань төлөө би үнэнийг хэлж байна. Маш даруу бай, сайтар залбирч, Бурханыг санахдаа маш чин сэтгэлтэй байж, Бурханд таларх. Гэгээрэл, энх тайван, гэтлэгдэхийн төлөө залбираарай. Амен. Энэ чигт тань амжилт хүсье. Та бүхэнд амжилт хүсье. Дашрамд хэлэхэд би та нарт Нарны Хааны нэрийг хэлэхээ мартсан юм биш шүү. Тэр одоогоор өөрийгөө мэдэгдэхийг хүсэхгүй байгаа, магадгүй ирээдүйд. Бид таашгүй. Аан тийм, би Нарны дээрх хүмүүсээс “Хэрэв та нар юу ч иддэггүй, хийх нэг их зүйлгүй юм бол өдөржин юу хийдэг юм бэ?” гэхэд Тэд “Бидэнд хийх зүйл үргэлж байдаг. Эсвэл өөр гараг ертөнцүүдээр зочилж, хөрш, одод болон бусад системийн нар саран дээрх найзуудтайгаа уулздаг.” гэсэн. Тэднийг хүлж боох үйлийн үр байхгүй учраас тэдний хувьд хүссэн газар руугаа явах хялбар байдаг. Тэд Сарны дотор, Нарны дотор үлдэхийг өөрсдөө сонгож шийдсэн. Учир нь тэдэнд юу хүсэж, хаана байрлахаа шийдэх хангалттай буян бий. Тийм байх нь сайн. Харин хүмүүс бидэнд сонголт байхгүй. Бид эндээ л гацсан бөгөөд ямар нэг зүйл озоны давхаргыг ч юм уу соронзон орныг хэт их гэмтээчихвэл магадгүй татах хүч доголдож, улмаар бид эндээ ч үлдэх боломжгүй болох вий гэж санаа зовдог. Татах хүч байхгүй болчихвол бид дээш хөөрч, агаарт хаа нэгтээ тэсрэх болно. Тэгэхээр бид үнэхээр өрөвдөлтэй. Хүмүүс өрөвдөлтэй. Олон хүн үүнийг тэсдэггүй, хэдийгээр тэд Гэгээрлээ, Бурханлаг Чанараа дэвшүүлэхийн тулд энд амьдарч, олон сорилыг давахыг хүсдэг ч тэсдэггүй. Ихэвчлэн бүтэлгүйтдэг. Хамгийн сайндаа л тэд чөтгөрүүдийн хаан ч юм уу буг чөтгөрүүдийн дарга ч юм уу болох боломжтой. Баатраа Явагч Их Хөлгөн Сударт Будда энэ тухай маш тодорхой тайлбарласан байдаг. Авшигтнуудад би үүнээс уншиж өгч байсан. Хүсвэл та нар дахиад уншиж болно. Гэвч Будда байна гэдэг туйлын хэцүү. Маяагийн тавьсан, эсвэл бүр сахиусан тэнгэрүүд, доогуур диваажингуудын тавьсан олон мянга, олон сая төрлийн шалгалт сорилыг туулах болдог. Гэхдээ хэрэв та нар үнэхээр чин сэтгэлтэй бол, Будда болохыг хүсэн, сайтар бясалган дадуулбал тэдний зарим нь магадгүй та нарт чимээгүйхэн туслах болно. Гэвч ихэвчлэн Будда болох амаргүй байдаг. Шагжамуни Будда гэх мэт олон Будда эрт дээр, эрт дээр, эрт дээр, эртээс эрт дээр цагаас Будда байсан. Санах ч аргагүй он цагийн тэртээгээс. Өгүүлшгүй он цагийн тэртээгээс тэд хэдийнээ Будда болсон байсан. Гэвч агуу тангараг, агуу хайр, агуу нигүүлслээсээ болоод тэд материаллаг ертөнцөд ирж, хүний төрөл аван, эсвэл бүр зарим нэг амьтан-хүмүүсийн төрөл авч, доогуур ертөнцтэй, энэ доод ертөнцтэй барилдлага тогтоон, тэдэнд тусалдаг. Барилдлагагүйгээр, энэ гараг дээрх төрөлтнүүдтэй холбоогүйгээр Будда байлаа ч тэдэнд туслах боломжгүй. Болдоггүй. Сайн ч бай, муу ч бай барилдлага тогтоох ёстой. Энэ нь таны тангаргаас хамаарна, эсвэл нөхцөл байдлаас болон маяа энд юу хийх боломж өгөхөөс хамаарна. Будда хүртэл энд маяагийн хуулийг хүндлэх ёстой. Энэ тийм хялбар биш. Тэгэхээр Буддагийн судруудыг уншиж болно, хэчнээн тоолшгүй олон удаа тэрээр Дэлхий дээр өөр өөр төрөлтнүүд болж, бүр амьтан-хүмүүс, төрөл бүрийн амьтан-хүмүүс болж, хаад, түшмэл, бизнесийн хүн болж байсан. Ийм байдлаар энэ гаргийн төрөлтнүүдэд туслах маш хэцүү, учир нь бид ертөнцөд байж болох хамгийн доод хэсэгт очсон, мэдээж тамыг эс тооцвол шүү дээ. Тиймээс Дэлхий дээрх үнэтэй боломж, амьдралаа нандигнаарай. Гэгээрсэн Их Багшийг олж, хүсвэл Түүнийг шалга, эсвэл дотоод руугаа харж, Бурханд, Буддад сайн Их Багш руу, жинхэнэ гэгээрсэн Их Багш руу хөтлөхийг гуйн гүн залбир, Тэр таныг гэтэлгэж чадна, учир нь Тэр та нарт зөвхөн ам хэлээр буюу хүний хэлээр заагаад зогсохгүй бас дотоодод тань та нарыг өргөж, Диваажингийн хэлийг заадаг. (Дотоод Диваажингийн) Аялгуу, Мөнхийн Аялгуу та нарыг Диваажин руу аажмаар татна, эхлээд доод Диваажин руу татаж эцэст нь илүү дээд Диваажин руу татна. Тэгээд тухайн Их Багш тань агуу бол та нарт зориулж, өөртэй тань адилавтар хэлбэлзэлтэй хүмүүст зориулж нэгэн ертөнцийг бүтээсэн байх болно. Photo Caption: Сүнсний Зун Үргэлж Таатай
