Нарны Хаантай хийсэн яриа,12 цуврал лекцийн 12-р хэсгийг

Тиймээс Дэлхий дээрх үнэтэй боломж, амьдралаа нандигнаарай. Гэгээрсэн Их Багшийг олж, хүсвэл Түүнийг шалга, эсвэл дотоод руугаа харж, Бурханд, Буддад сайн Их Багш руу, жинхэнэ гэгээрсэн Их Багш руу хөтлөхийг гуйн гүн залбир, Тэр таныг гэтэлгэж чадна, учир нь Тэр та нарт зөвхөн ам хэлээр буюу хүний хэлээр заагаад зогсохгүй бас дотоодод тань та нарыг өргөж, Диваажингийн хэлийг заадаг. (Дотоод Диваажингийн) Аялгуу, Мөнхийн Аялгуу та нарыг Диваажин руу аажмаар татна, эхлээд доод Диваажин руу татаж эцэст нь илүү дээд Диваажин руу татна. Тэгээд тухайн Их Багш тань агуу бол та нарт зориулж, өөртэй тань адилавтар хэлбэлзэлтэй хүмүүст зориулж нэгэн ертөнцийг бүтээсэн байх болно. Тиймээс эрж олж чадвал үнэхээр том хувь ерөөл.

Гэвч орчин үед хэцүү болж, учир нь одоо бараг л дэлхийн төгсгөл ирж байгаа бөгөөд бас маш их бохирдол байдаг болж, зөвхөн материаллаг бус сэтгэл зүй, сэтгэл санааны бохирдол, төрөл бүрийн хий хуурмаг зүйлс, төрөл бүрийн бохирдол, төрөл бүрийн хор үнэхээр та нарыг маш доош нь татаж чангаадаг. Тийм учраас агуу Их Багш нарыг буун ирсэн байхад ч та нар ойлгодоггүй, итгэдэггүй. Тийм учраас манай дэлхий одоогийнх шиг ийм байгаа юм. Мөн маш олон гамшиг гарч буйн шалтгаан гэвэл та нар нэг бол Их Багшийг сонсолгүй дайнд бусад хүмүүсийг алах үйлст оролцож, дайн дэгдээх юм уу эсвэл өөрсдөө дайн өдөөж бусдын өмч хөрөнгө, эдлэн газрыг авахыг зорьдог, эсвэл эхнэрийг нь, хүүхдийг нь авах гэж, тухайн хүнийг үхүүлэх гэж, дордуулах гэж, өөрийн “би” үзлийнхээ төлөө, хорон санааныхаа төлөө тэгдэг.

Тиймээс хэдий дэлхий том ч нийт хүн амтай нь харьцуулахад Их Багш нар цөөн хэдхэн шавьтай байдаг. Хэрэв Их Багшид аз таарвал ганц л жинхэнэ шавьтай болно гэсэн үг Энэтхэгт байдаг, ганц л жинхэнэ шавьтай. Төсөөл дөө. Би олон сайхан ариун, үнэхээрийн эрхэм ариун авшигтнуудтай байгаа нь аз юм, учир нь тэд дээд Диваажингаас тусгайлан надтай энэ зорилгын төлөө, дэлхийг засахад надтай хамт ажиллах гэж бууж ирсэн. Бид чадах зүйлээ хийх ч бид бууж ирлээ гээд амжилт олно гэсэн үг биш. Тийм ээ, ямартай ч тийм, хүмүүс өөрсдөө сэрж сэхээрч, хувь нэмэр оруулах ёстой. Яг л та эм тангаа ууж байж л дэлхийн шилдэг эмч та нарыг эдгээх боломжтой байдагтай адил.

Эмч таныг хүчлэн эм уулгах юм уу, зөвшөөрөөгүй байхад тань хагалгаанд оруулахгүй. Улс орон бүрд энэ нь адилхан. Ядаж л нэг хамтрагч тань, хариуцлага хүлээсэн асран хамгаалагч тань, эсвэл аав ээж, хамаатан садан тань зөвшөөрч гарын үсэг зурах ёстой. Хэрэв та сэхээгүй байвал, ухаан алдаж унасан байвал л шууд ямар ч зөвшөөрөлгүй авардаг. Халааснаас тань тэд үнэмлэхийг тань гаргаж аваад хагалгаа хийдэг. Яаралтай тохиолдолд ингэхийг зөвшөөрдөг. Гэвч сэрүүн байвал зөвшөөрлийн хуудсан дээр ч юм уу гарын үсгээ зурах ёстой.

Үүнтэй адилаар Гэгээнтэн бууж ирээд туслахыг хичээдэг ч үнэхээр цөхөрсөн, залбирч хүмүүст л туслахыг зөвшөөрдөг, яагаад гэвэл тэр хаалга хаалга дамжаад, “Хөөе, би Гэгээнтэн байна. Гараад ир, би танд зааж сургаад таныг аврах болно. Гэтэлгэх болно.” гэх боломжгүй. Тэд өөдөөс тань шоолж инээнэ. Зодож нүдэж, алдаггүй юм аа гэхэд, эсвэл хатуухан хөөж гаргахгүй бол аз болно. Өдийг болтол ихэнх Их Багш нар харгисаар алуулсан, үнэхээр, үнэхээр... Бурхан минь!

Зүгээр л төсөөл, та нар өөрсдийгөө Бурханы Хүү гэж төсөөлөөрэй, тэгээд энд иртэл хүмүүс тэгж өшиглөж, тэгж зодож нүдэж, амьдаар нь загалмай дээр тэгж цовдолж байна гээд төсөөл. Бурхан минь! Пап лам Францис гэх мэт өөрийн тань төлөөлөгч тань хүртэл олон нийтэд ил тодоор өөрийг тань доромжилж, дэлхий дахинд сонсгодог. Зарим хүмүүсийг, их ч биш, зарим сүнсийг аврахын төлөө туулсан зовлонгийн тань хариуд шүү дээ. Үүний төлөө хэдийнээ их зовлон туулсан. Гэтэл төлөөлөгч тань сүмийг тань авч, сургаал номлол, нэр төрийг тань авч, өөрийг тань доромжилж, тэрс үзэлтэн, бүтэлгүйтэл хэмээж, хүндэтгэх ямар ч үг ярьдаггүй, Бурхан минь гэж. Төсөөлж байна уу?

Зарим нь Их Багш болохыг хүссэн хэвээр. Та нар миний хэв маягийг дуурайж, зүгээр л бла, бла, бла гэж, ямар ч дотоод хүчгүй, юу ч үгүй байдаг. Их Багш байх амар гэж тэд боддог. Бурхан минь! Хэрэв та үнэхээр Их Багш мөн бол үүнийгээ мэдэх болно. Туулж мэдрэх бүхий л өвдөлт зовлонг болон нэр төрийг тань гутаахыг үгээр илэрхийлэх аргагүй. Хэний ч хүсэмгүй бүхнийг дуртай ч бай үгүй ч бай үүрч, хүлээн зөвшөөрөх ёстой болно.

Бүх түүхийг уншвал тийм ч олон Их Багш хялбар сайхан амьдраагүй. Тэд алуулдаггүй юмаа гэхэд эсвэл нийтэд ил доромжлуулдаггүй юмаа гэхэд тэд сайхан амьдардаггүй. Амьд байхдаа Тэд энэ ч, тэр ч асуудалд орж, энэ ч өвчин тусаж, энэ ч зовлонг туулж, та нарын төлөө, сүнсийг гэтэлгэхийн төлөө тэд төрөл бүрийн зүйлсийг чимээгүй туулж байдаг. Гэсэн ч Тэд хэчнээн хүнийг татаж чадах вэ? Жишээ нь Их Багш байхад илүү аюулгүй Энэтхэг улс дахь агуу, том Их Багш нар хүртэл ихдээ л хэдэн зуун мянган хүн л дагуулдаг. Тэгээд тэдгээр дотор нь, энэ тоон дотор хэчнээн нь жинхэнэ шавь байх вэ? Олон хүн зөвхөн адис хүртэх гэж ирчхээд, дараа нь Их Багшийн сургаалыг нэг их дээдэлдэггүй, үнэнээсээ тэгдэггүй. Орчин үед дээдэлдэг болсон гэж найдъя, учир нь бидэнд гэмээ наманчлах ч хангалттай хугацаа

байхгүй. Хэрэв яг одоо гэмээ наманчилж, Их Багшийн сургаалыг үнэхээр сонсохгүй бол та нар дуусах болно. Их Багштай байлаа ч тамд унах боломжтой. Хэрэв Их Багшийн эсрэг зүйлс хийж, Түүний сургаалын эсрэг байвал та нар тамд дуусах болно. Үхмэгцээ л та нар тамд унана, яагаад гэвэл материаллаг ертөнцийн хууль хэнийг ч өршөөдөггүй. Тэд зүгээр л амьдралыг тань, бүртгэлийг тань хардаг, амьдрал татам бүхэлдээ яг л кино шиг бичигдсэн байдаг. Тиймээс хэн ч зугтах боломжгүй. Бүх зүйл бичигдсэн байх учраас үгүйсгэх аргагүй. Яг л хэн нэгэн хүн таны амьдралын хором мөч бүхнийг дүрс бичлэгт буулгаж буй мэт. Амьдралын тань хором мөч бүхэн бичигдсэн байдаг. Та нар өөрсдөө үүнийгээ үзэж мэдэж, “Тийм ээ би ингэсэн, тэгсэн.” гээд үүнийг үгүйсгэх боломжгүй.

Энэ ертөнц бол аймшигтай. Та нарын хэнийг ч энд үлдэхийг би хүсэхгүй. Гэвч хэрэв бид бүгдийг нь өөрчилчихвөл бүх зүйл эргээд өтгөн ногоон, үзэсгэлэнтэй, элбэг дэлбэг болно. Та нар энэ материаллаг амьдралд жаргах болно. Яагаад үгүй гэж ? Энэ материаллаг ертөнцөд үлдэхийг хүсвэл, яагаад болохгүй гэж? Үргэлжлүүлэн хүн байхыг хүсэж байвал, яагаад үгүй гэж? Амьдралаа илүү сайн байлгах л хэрэгтэй. Та нар илүү эрүүл, илүү аз жаргалтай, хүссэн бүхэн тань биелдэг тийм орчинд амьдрах учиртай. Яг л Сар, Нарны дээр амьдардаг бие махбодтой хүмүүстэй адил. Эсвэл энэ гараг дотор амьдардаг зарим хүмүүс шиг. Тэд бас сайхан амьдардаг. Урт насалж, олон зуун мянган жил амьдардаг. Тэд энэ материаллаг ертөнцийн хуулийн дагуу амьдардаг учраас ийм боломжтой байгаа юм.

Та нарыг шийтгэдэг нь Бурхан биш, өөрсдөө л үүнийг өөрсдөдөө татдаг. Та нарын амьдрал сайн байвал өөрсдөө үүнийг татсан байдаг. Нэг бол өмнөх төрлөөс тань үлдсэн буян, үгүй бол энэ төрөлдөө сайн хүн байна гэсэн үг. Тэгэхээр бид бүтээж буй зүйлээ татдаг. Тиймээс гуйя, үүнийг санаарай. Яг одоо буцаж эргээд бусдыг ямар байлгахыг хүсэж буй шигээ өөрөө тийм бол. Бусад хүн өөрт тань яаж хандахыг хүснэ, яг түүн шигээ эелдэг зөөлөн, хайраар бусдад ханд. Та өөрөө тийм байж, хүмүүст сайхан сэтгэлээр, хайраар ханд. Диваажинг бүү хүсэж мөрөөд. Бодол оюундаа, зүрх сэтгэлдээ, гэр бүл дотроо Диваажинг цогцлоо. Өөр хоорондоо эв найртай бай, нэгнээ байнга уучил, үргэлж Бурханыг магтан, Бурханыг хайрлаж, Бурханд талархан, Бурханд залбирч байхаа санаарай.

Би “Бурхан” гэж хэлсэн нь зөвхөн Оройн Дээд Бурханыг юм уу хамтдаа Гурвыг, Эргэн Нэгдсэн Гурвыг хэлж байгаа юм шүү. БУРХАН, БУРХАНЫ Хүү болон Тим Ко Тү Цаглашгүй Дээд Их Багш. Тэд Гурав ч гэлээ Нэг юм. Тайлбарлахад бэрх ч гэлээ яг л гэр бүл шиг, би та нарт ярьж байсан, хэд хэдэн хүү, эсвэл нэг хүү, нэг охинтой баян айл шиг. Тэд гарч аав ээжийнхээ өгсөн үндсэн хөрөнгөөр өөрсдөө бизнес эхлүүлж, өөрсдөө мөнгө олох болно. Тэд өөрсдөө бизнесээ эхлүүлж, улам их мөнгө олох болно. Гэвч нэг өдөр магадгүй аав нь тэднийг бүгдийг нь нэг дор эргэж ирээд, бүх мөнгөө нийлүүлээд илүү том бизнест хөрөнгө оруулахыг хүснэ. Ойлгож байна уу? Тийм байх боломжтой.

Тэгэхээр Хүчийг Тэд Өөрсөд рүүгээ татах боломжтой, бие даасан хувь Нэгэн байж, мөн материаллаг ертөнцтэй хэдийн холбогдож, холбоо тогтоож, өөрсдийн шавь нар гэх мэт бие махбодтой ажилчидтай байвал илүү хүчирхэг байх ба энэ дэлхийн материаллаг төрөлтнүүд болон хүмүүстэй холбоо барьж, холбогдох илүү боломжтой болно. Үгүй бол Бурхан Есүс Христийг тэгж их зовоохоор ийш нь илгээх шаардлага байгаагүй, учир нь энэ дэлхий харгис хэрцгий. Эрт дээр үед бүр ч дор байсан, ямар ч хууль байгаагүй. Хаан номер нэг. Та нэг л үг хэлбэл үхнэ. Толгойгоо тастуулна. Бас нэг л үг хэлээд бүрэн сүр жавхаатай, өндөр албан тушаалтай, хүндлэгдсэн гэх мэт нэгэн болно.

Одоо үед дэлхийн бүх улс эрх чөлөөтэй, шашныг хүндэлдэг болоогүй ч ядаж л зарим нь хуультай ба шашин шүтэх эрх чөлөө, хууль дүрэмтэй учраас амьсгалж, ямарваа зүйлд итгэх илүү хялбар болсон. Та нарт хэлсэнчлэн хаа сайгүй сониноос уншдаг, одоо үед хүртэл зарим хязгаарлагдмал улс оронд Христийн шашинтнуудыг мөрдөж мөшгөдөг. Магадгүй тэр улс нь бараг л бүхэлдээ лалын шашинтай байдаг. Тэнд Христийн шашинтай бол болгоомжлоорой. Өөр өөр улс оронд олон хүн амь насаа алдсан. Хэрэв та Буддын шашинтан бол, эсвэл Лалын шашинтай бол, эсвэл Христийн шашинтай бол эсвэл өөр ямар нэг шашинд итгэдэг бөгөөд амьдарч байгаа улс орондоо олонхтой нь адил шашин шүтдэггүй бол маш болгоомжтой, маш нам гүм байгаарай. Өөрөө л итгэх зүйлээ итгэж, өөртөө чимээгүй хадгал. Тэгвэл магадгүй та нар амьд гарах юм уу амьдрал тань илүү аюулгүй, тухтай болно.

Ямарваа номлол, тогтолцоонд, Бурхан, Есүс Христ, Буддад итгэдэг бүгдэд амжилт хүсье. Өөрсдийгөө сайн харж хандаарай. Үйлийн үр тань итгэл бишрэлд тань саад учруулахгүй, тайван амьдруулаасай гэж залбир. Бурханаас хамгаалахыг хүсэн, гуйн залбир. Тим Ко Түгээс туслахыг гуйн залбир. Есүс Христ өөрийг тань хайрлаж, замчлахыг гуй. Яг одоо энэ Гурав хамгийн найдвартай. Үүнийг бол би баттай мэднэ, дотоод мэдлэг юм. Үгүй бол та нарын түвшин их өөр учраас, магадгүй хэт доогуур учраас надад итгэхгүй бол мэдээж би та нарыг яах ч аргагүй. Бурхан та нарыг хайрлаж, хамгаалан, Есүс Христ та нарыг дэмжээсэй гэж л залбиръя. Тим Ко Тү, Цаглашгүй Дээд Их Багш бас та нарт тусалж, боломжит бүх аргаар та нарыг адислаг. Амен.

Баярлалаа, Бурхан минь. Баярлалаа, Их Эзэн Есүс Христ минь. Баярлалаа, Цаглашгүй Дээд Их Багш Тим Ко Тү. Энд хүмүүст болон хамаг төрөлтөнд буяныг нь давуулан, гавьяаг нь давуулан туслаач дээ. Яагаад гэвэл тэд бол хохирогсод. Эзэн минь, тэд бол хохирогсод. Энэ дэлхий Таны байгаа Диваажинтай харьцуулахын аргагүй болохоор хүмүүс аливаад асар эмзэг өртөмтгий. Өршөөгөөч дээ. Гуйя Эрхэм ээ, Эрхэм Дээдэс ээ. Баярлалаа. Та бас аль болох олон хүүхдүүдээрээ бахархаж, аз жаргалтай байх болтугай. Тэд Тань дээр бүрэн бүтэн эргэж очих болтугай, эсвэл ядаж л Та тэднийг Гурван Ертөнцийг давсан зарим нэг Диваажинд хүргэж, улмаар тэд үүрд гэтлэгдэн, аажмаар суралцаж, улам бүр дэвших болтугай. Илүү дээд Диваажинд илүү дээд төрөлтнүүд болох болтугай. Баярлалаа Эрхмүүд ээ, Бүгдэд Тань баярлалаа. Мөн энэ гаргийн хүмүүст болон бүх төрөлтнүүдэд тусалж буй бүх Гэгээнтэн Мэргэдэд талархлаа илэрхийлье. Оролцсон бүгдэд хамаг зүрх сэтгэлээсээ, хамаг л хайраараа, хамаг л сүсэг бишрэлээрээ талархъя. Амен.

Photo Caption: Эцэстээ Бүгд Бурханд Хүрэхийг Хүсдэг

Зураг татаж авах