Дэлгэрэнгүй
Татаж авах Docx
Дэлгэрэнгүй уншаарай
Санваартан Брэндон Биггс бол АНУ-ын Оклахома хот дахь америк номлогч, орчин үеийн зөн билэгч юм. Тэрээр өөрийн бошгийг “Last Days (@lastdays247)” хэмээх Ютюб суваг дээр хуваалцдаг агаад 2025 оны 5-р сарын байдлаар уг суваг 539,000 гаруй захиалагчтай, 44 саяас дээш үзэлттэй болсон байна.Өглөөний мэнд, манайхан минь! Та бүгд өнөөдөр ямархуу байна даа? За, зүрхэнд минь хуваалцах зүйлс байгаа ч юуны түрүүнд Бурханд магтаал өргөцгөөе!Санваартан Биггс Төгс Хүчит, Оройн Дээд, Хамгаас Агуу Бурхан, Их Эзэн Есүс Христ (цагаан хоолтон)-д чин сэтгэлээсээ залбирч байх үедээ Сүнслэг оршихуй, Диваажин, Дэлхийн ирээдүйн талаарх тэнгэрийн ахуй ойлголтыг хүлээн авдаг. Энэхүү хоёр хэсэгт нэвтрүүлгээрээ манай гаргийн энэ эгзэгтэй цаг үед Санваартан Биггсийн сүнслэг, яаралтай бошгуудын заримаас толилуулах болно. Чин сэтгэлээсээ залбирснаар Диваажингийн төрөлтнүүд сөрөг хүчнээс хамгаалах замыг нээж өгч байгааг харуулсан сайхан ахуй ойлголтоор эхэлцгээе.Бид залбирч байгаад орондоо оров. Тэгээд гэнэт эхнэр бид хоёр нойрноосоо сэрлээ. Байшин бүхэлдээ чичирч байв. Манай байшингийн дээврийг бүхэлд нь хуулаад хаячих шиг л сонсогдсон. Гэнэт миний нүд Сүнсний ертөнцөд нээгдэв. Тэгээд би дөрвөн чөтгөр байхыг, дөрвөн чөтгөрийн сүнсийг харсан. Тэд байшин руу орох гэж оролдож, байшингийн дээврийг сэгсэрч байлаа. Энэ нь бид хоёрыг айлгаж, сэрээсэн ч тэд дотогш нэвтэрч чадаагүй.Би асар олон сахиулсан тэнгэрүүд, бөөн сахиулсан тэнгэрүүдийг харсан. Тэдний гар гинжээр холбогдсон байв. Тэд ийнхүү хүчтэй зогсож байсан. Чөтгөрийн сүнснүүд тэдгээр сахиулсан тэнгэрүүдийн эсрэг дайрч байлаа. Тэднийг даван гарч чадаагүй. Орой бүр бид унтахынхаа өмнө гэрийнхээ эргэн тойронд гинжээр холбогдсон сахиулсан тэнгэрүүдийг байрлуулдаг. Мөн бид тэдэнд даалгавар өгдөг. Сахиулсан тэнгэрүүд манай байшинг тойрон байгаад нь, тамын ямар ч чөтгөр сахиулсан тэнгэрүүдийг нэвтэрч чадахгүйд бид Их Эзэнд талархдаг. Биднийг унтаж байхад сахиулсан тэнгэрүүд хамгаалдаг. Тэд яг бидний залбирсан шиг байсан.Энэ намайг маш их сэхээрүүлсэн тул би үүнийг хараад чангаар “Бурханд магтаал өргөе! Хөөх! Их Эзэнд магтаал өргөе!” гэв. Учир нь би сахиулсан тэнгэрүүд биднийг хамгаалж байгааг харсан. Тэд Их Эзэнийг магтан дуулж байгааг минь сонсох бүртээ бүгд эргэж харан, “Их Эзэнд магтаал өргөе!” гэж хэлж эхлэв. Тэгээд тэд надтай хамт Их Эзэнд мөргөж эхэлсэн. Энэ үнэхээр гайхалтай байсан шүү.Өөр нэг удаа, шөнө оройхон Санваартан Биггсийг шатахуун түгээх станц дээр байхад эргэн тойрон нь эвгүй санагдаж гэнэ. Төгс Хүчит Бурханыг хайрлан, магтан алдаршуулдаг хүмүүс Тэнгэрлэг хамгаалалттай гэдгийг түүнд батлан харуулахын тулд сахиулсан тэнгэрүүдийн нэг нь түүнийг хамгаалж буйгаа харуулжээ.Би та бүгдэд хэлэхэд Бурхан бол Хайрын Бурхан, Тэрээр энэрэнгүй бөгөөд намайг тайвшруулахын тулд Тэрээр миний (сүнслэг) нүдийг нээж, “Хүү минь, наашаа хар даа.” гэж хэлсэн. Тэгээд би зүүн тийшээ харлаа. Тэнд асар том сахиулсан тэнгэр зогсоод, машиндаа бензин шахаж байхад минь намайг харж байв. Сахиулсан тэнгэр анхааралтай зогсож байлаа. Тэр маш том булчинтай байсан. Тэр тэнд нэг тийм хувцас өмссөн зогсож байсан нь ямар нэгэн хуяг дуулга шиг харагдаж байв. Тэрээр анхааралтайгаар намайг харж, хамгаалан зогсож байлаа. Тэгээд би үүнийг хараад амьсгаа авч “Хөөх!” гэсэн. Учир нь энэ бол Бурханы санаа тавьдаг зүйлсийн зөвхөн нэг нь байсан юм.Өөр нэг сахиулсан тэнгэрийн айлчлалаар Санваартан Брэндон Биггс Төгс Хүчит Бурханд хамгийн чухалд тооцогддог хүний зан чанарын талаар ухаарал хүлээн авчээ.Гэр бүлийг минь хамгаалж байсан хоёр сахиулсан тэнгэрийн яриаг, тэдний юу ярьцгаасныг та бүхэнд дуулгахдаа сэтгэл минь хөдөлж байна. Их Эзэн надад хамгаалагч сахиулсан тэнгэрүүдийн яриаг сонсохыг зөвшөөрсөн юм. Тэд хоорондоо ярилцаж байлаа. Сахиулсан тэнгэрүүд ярилцаж байтал нэг нь “‘Чи хайраар юу хийсэн бэ?’ хэмээн Их Эзэн Брэндоноос асуух гэж байна.” гэлээ. Харин (нөгөө) сахиулсан тэнгэр нь “Тэр үүнийг мэдэж байгаа болов уу?” гэв. Би үүнийг сүнсээр сонссон болохоор үнэхээр гайхалтай байсан шүү. Тэгээд тэрээр “Чи хайраар юу хийсэн бэ? Чиний хайр хаана явна вэ? Тэр дэлхий дээр эхнэр, хүүхдүүддээ, орчныхоо хүмүүст хайраа хэрхэн харуулсан бэ? Энэ бол түүний хийх хамгийн чухал зүйл байсан шүү дээ.” гэв. Тэрхүү сахиулсан тэнгэрийн яриаг сонсоод би хөшиж орхисон. Тэгээд би чимээгүй болж, сахиулсан тэнгэрийн хэлсэн зүйлийг бодов. “Тэр хайраар юу хийсэн бэ? Тэр хайраар юу хийсэн бэ?”Энэхүү гүн гүнзгий захиас бидэнд хайр гэдэг амьдралыг өөрчилж, чиглүүлэх хүчтэйг дахин сануулж байна.Төгс Хүчит, Оройн Дээд, Хамгийн Агуу Бурхан үнэхээр ямар АГУУ ТОМ байдаг талаар та бүхэн бодож байсан уу? Санваартан Биггс бидний сүр жавхлант, бүхнийг чадагч, бүхий л нинжин сэтгэлт Дээд Бүтээгчийн асар том оршихуйг харсан сүнслэг ахуй ойлголтоо ярьсан юм.Тэрээр (Их Эзэн) “Би чамайг авч яваад, нэг зүйл үзүүлье.” хэмээн хэллээ. Энэ өрөөнд ороод миний харсан зүйл бол асар том цагаан өрөө байв. Энэ өрөөнд эхлэл ч, төгсгөл ч байсангүй. Тааз ч байхгүй, шал ч байхгүй, юу ч байхгүй. Энэ нь нэг хэмжээс шиг байсан. Тэгээд миний өмнө орчлон ертөнц байлаа.Энэ хэмжээсний дотор миний нүүрний өмнө одод үүсэж, агшиж, секундэд 186,000 бээр (~300,000 километр) хурдтайгаар хөдөлж байв. Тэрээр үүнийг гартаа атгаж байлаа. Түүнд бүхэл бүтэн орчлон ертөнц, галактикууд байсан. Энэ нь тэрбум, тэрбум галактик шүү.Тэрээр “Брэндон, би бол томоос том Бурхан.” гэв. Тэгээд Тэрээр надад ингэж хэлсэн: “Би чамайг буцааж явуулъя. Миний ард түмэнд хэтэрхий өчүүхэн сэтгэж байгааг нь хэлээрэй. Тэд хэтэрхий өчүүхэн сэтгэж байна. Мөн би тэднийг Надад илүү их итгэж эхлээсэй гэж хүсэж байна. Учир нь би бол тэдний хүсэж, бодож зүрхлэхээс ч илүү их зүйлийг хийх чадвартай агуу Бурхан. Үүнийг санаарай.” Түүний гарт бүх зүйл бий. Түүний хувьд хэтэрхий том зүйл гэж үгүй.Хоёр өөр тохиолдолд Их Эзэнд чин сэтгэлээсээ залбирч байх зуур нь Санваартан Брэндон Биггсэд тэнгэрт биднийг хүлээж буй их баяр наадмыг харуулсан байна. Тэрээр дотоод дахь ирээдүйг харуулжээ.Тэрээр (Их Эзэн) “Брэндон, би чамд юу хийж байгаагаа харуулах болно.” гэж хэлэв. Тэгээд Тэрээр манай зочны өрөөний дээгүүр гарц нээсэн. Тэрээр бидэнд зориулсан хүлээн авалтын ширээг бэлдэж байхыг би харсан. Биднийг Гэртээ харихад хүлээн авах том ширээ. Таваг бүр маш төгс байсан ч таваг бүр өөр өөр байв. Намайг дээшээ харахад ширээ харагдсан, тийм үү? Мөн тавгууд, төгс сараана байсан. Гэхдээ энэ нь бараг харагдахуйц тод байсан даа.Тэгээд тавгийн дээр миний нэрийг бичсэн байсан. Энэ нь бидний оролцох энэхүү хүлээн авалтын надад зориулсан суудал байлаа. Тэрээр бидэнд зориулан, Гэртээ ирж буйг минь тохиолдуулж нижгэр баярт бэлдэж байна. Бүх зүйлийг хүн бүрд тус тусад нь бэлтгэсэн байсан. Энэ бол таны зүрх сэтгэлийн хүслийн дагуу, таны доторх тэрхүү зүйлээр хийгдсэн байв. Мөн ширээний голд олон цэцгийн баглаа дотроос хамгийн үзэсгэлэнтэй цэцгийн баглаа байсан нь тод цагаан өнгөтэй сараана, цагаан сарнай байв. Эндэх бүх модыг гоёмсгоор бүрсэн байлаа. Бүх зүйл өө сэвгүй, гоёмсог байсан. Биднийг Гэртээ харихад Тэрээр бидний төлөө баяр тэмдэглэх нь үнэхээр эрхэм нандин явдал юм.Диваажин дахь энэхүү гайхамшигт баярын нэг хэсэг болгон Их Эзэн Есүс Христ (цагаан хоолтон)-ээр удирдуулахаар Тэнгэрлэг Төрөлтнүүд гайхалтай жагсаалыг бэлдэж буйг Санваартан Биггс харсан байна.Тэд хүлээн авалт, жагсаалын бэлтгэл хийж байгааг Тэрээр хэлсэн. Тэрээр “Хүү минь, чамайг өргөгдөн, Диваажинд очиход, Гэртээ ирэхэд чинь бид Гэртээ ирсэнд чинь зориулан асар том угтан авах үдэшлэг зохион байгуулах болно. Чамаас өмнө нас барсан хүн бүр чамайг хүлээж байгаа. Бид энэхүү их өргөлтийн үеэр Гэртээ ирж буй хүмүүсийг, бүх Сүмийг баярлуулах болно.” хэмээн хэлсэн.Есүс цагаан морь унасан байсан. Мөн Тэрээр хүлээн авалтын бэлтгэлийг удирдаж байлаа. “Их Эзэн энэрэнгүй учир Түүний өршөөл үүрд мөнхөд оршино!” хэмээн хүмүүс давтан хэлж байв. Тэрээр Диваажинд морио унан явж байсан. Тэгээд би алтан гудамжийг, гудамжны хоёр талын хүмүүсийг харсан. Хүмүүс “Хаадын Хаан”, Их Эздийн Их Эзэн” гэсэн бичигтэй хааны жижиг дарцаг барьсан байв. Дарцаг гудамжаар дүүрэн байсан. Хүмүүс тэдгээрийг барин жагсаж, баярлалдан байгаа нь илт байлаа.Тэрээр биднийг хэчнээн их хайрладаг, Тэрээр бидэнд ямар их санаа тавьдгийг би биширсэн. Энэ бүхэн Тэрээр зөвхөн Өөрийн хүмүүсийг хайрлахад цаг зарцуулдгийг харуулсан зүйл юм. Есүс тэдэнд ямар их хайртайг, Тэрээр бүх зүйлд, хоолны таваг, сэрээ, жагсаал хүртэлх бүх нарийн ширийн зүйлд ямар их анхаарал хандуулан, санаа тавьдгийг хүмүүс мэдэхгүй. Тэрээр хүүхдүүдээ Гэртээ ирэхэд нь маш их баяртай байдаг.Эдгээр сүнслэг ахуй ойлголтоо хуваалцсан Санваартан Брэндон Биггс танд баярлалаа. Тэнгэрлэг ахуй ойлголтууд тань биднийг Бурханы хуулиудыг даган, чин сэтгэлээсээ наманчлахыг эрэлхийлж, энэрэнгүй веган амьдралын хэв маягаар дамжуулан Түүний бүх бүтээлийг гүн гүнзгий хайраар хайрлах сэтгэлийг төлөвшүүлэхэд нөлөөлж, улмаар сүнсэнд маань Диваажингийн Хаалгаар орох нандин боломжийг олгох болтугай.
