Дэлгэрэнгүй
Татаж авах Docx
Дэлгэрэнгүй уншаарай
Өнөөдрийн мэдээгээр, Япон улс Өмнөд Суданд амь аврах хүнс, шим тэжээлийн тусламж үзүүлж байна. АНУ-ын судалгаа анхааруулснаар, өнөөгийн ойн хомсдол Дэлхий дээр урьд болсон мөхлийн үйл явдалтай төстэй байна; Марокко гудамж сэрүүцүүлэх сүвэрхэг хучилт туршжээ; Хятад нарны эрчим хүчний нийлүүлэлтээр том амжилтад хүрэв; Испанид цагдаагийн дрон алга болсон охины байршлыг олжээ; Их Британийн дэлгүүр хүүхдэд зориулсан шинэ веган сүү худалдаанд гаргалаа; Канадын арлын оршин суугч загасны торонд орооцолдсон халиуны зулзагуудыг аварчээ. Бидэнтэй хамт хайр, нигүүлсэл дүүрэн амьдралын хэв маягийг сонгох зориг гаргаарай. Цэцэрлэгжилтийн зөвлөгөө өгье. Хуурамч хөгцний өвчин нь базилик, өргөст хэмх, хулуу, амтат гуа, бууцай зэрэг цэцэрлэгийн олон ургамлыг өвчлүүлдэг усан хөгцний бүлэг юм. Суулгац авахдаа сайтар шалгаарай. Учир нь ийм өвчин аль хэдийн халдварласан байж болно. Навчны судлын хоорондох шар толбо болон доод талд нь үүссэн сааралдуу нил ягаан хөгцийг ажиглаарай. Хуурамч хөгцний өвчин хурдан тархаж, хянахад бэрх болдог тул өвчилсөн навчийг хармагцаа авч хаяж, хүнд халдварласан ургамлыг зайлуулж устгаарай. Ургамлыг хэт шигүү тарихгүй, хогийн ургамлыг хянаж, орчмын агаарын солилцоог сайжруулан, навчийг аль болох хуурай байлгаарай. Ургамлаа орой биш, өглөө үндэс орчимд нь услаарай. Хүлэмжид ургуулж байгаа бол боломжтой үед хаалга, агааржуулагчийг нээж, чийгшил болон навч удаан хугацаанд нойтон байхыг багасгаарай. Боломжтой бол хөгцөд тэсвэртэй сорт сонгож, хүнсний ногооны сэлгэн тариалалт хийх нь өвчин дахихаас сэргийлнэ.
