Дэлгэрэнгүй
Татаж авах Docx
Дэлгэрэнгүй уншаарай
Өөр нэгэн Сэрж, ухаарсан Сүнсээр дамжуулан Бурханыг олох нь “Тэгэхээр БУРХАНЫГ хэрхэн олох вэ гэдэг асуулт үнэндээ ТҮҮНИЙГ ‘хаанаас’ олох вэ гэсэн үг. Хэрэв бид тэр газрыг мэддэг бол, энэ нь маш амархан. Харин мэдэхгүй бол, хэдэн зуу, эсвэл хэдэн мянган жил эрсэн ч үр дүнгүй. Би ч залуу наснаасаа эхлэн олон жил эрж, хайсан. Судар номын ихэнхэд БУРХАНЫГ хэрхэн олохыг заагаагүй тул би үүнийг маш их бухимдал төрүүлэм зүйл гэж бодсон. Тэд зөвхөн БУРХАНЫГ олж мэдсэн эртний Гэгээнтнүүд болон эртний хүмүүс БУРХАНТАЙ харилцсан харилцаагаа хэрхэн мэдэрч, туулж өнгөрүүлсэн тухай өгүүлдэг. Гэвч тэд үүнийг хэрхэн эсвэл ямар аргаар, хаана, мөн хэзээ хийхийг бидэнд хэлээгүй. Харин одоо би БУРХАНД хүрэх замыг үгээр бичиж, ямар нэг томьёоллоор тайлбарлах боломжгүйг мэднэ. Үүнийг аль хэдийн гэгээрсэн өөр нэг сүнс, БУРХАНЫГ эргэн санасан буюу дахин олсон хүнээр дамжуулан дахин сэрээх ёстой. Хэрэв бид ийм андтай учирвал, хэрэв бид хүссэн тохиолдолд тэрхүү холбоо тэр даруй сэргэнэ. Энэ бүхэн нам гүмд, анир чимээгүйд болдог. Аниргүй дамжуулалтаар бид БУРХАНЫГ олох болно. Тэгээд бид - гэртээ, автобус, онгоц, такси, цэцэрлэгт хүрээлэнд, эсвэл ТҮҮНТЭЙ аниргүй хамт байхыг хүссэн хаана ч өдөр бүр, хүссэн үедээ үргэлжлүүлэн ТҮҮНТЭЙ холбогдож чадна. Гэхдээ мэдээж бид БУРХАНЫГ бүхнээс илүү хүсэх ёстой. Энэ хүсэлдээ бид үнэхээр чин сэтгэлээсээ хандах ёстой. Эс бөгөөс хүүхдүүд хүртэл ямар ч хүчин чармайлтгүйгээр БУРХАНТАЙ өдөр бүр холбогдож чадна. БУРХАНТАЙ холбогдсоны дараа амьдрал маань гайхамшгаар дүүрэн болохыг бид ойлгоно. Бүх зүйл гайхамшиг мэт өрнөнө. Бүх зүйл зохицуулагдана; бүх зүйл маш их хайр, маш их эв зохицлоор бялхаж, тэр мөч хүртэл байдгийг нь ч мэдээгүй амар амгаланг сүнс маань олох болно. БУРХАНЫГ болон бидний дотор үргэлж байсан билиг ухааныг таньсны дараа, бид мэдээж дэлхий ертөнцөд илүү сайн үйлчилж чадна. Бидний дотор маш олон чадвар сэрж, маш олон авьяас чадвараа эргэн санаж, мөн энэ дэлхийн асуудлыг шийдэх олон янзын боломж, арга зам нээгдэх тул, бид тун завгүй болох ч тусламж эрэн ирсэн хүн бүртэй энэ билиг ухааныг хуваалцах маш их хүсэл эрмэлзэлтэй байх болно.” БУРХАНЫ Дотоод Хэл Бид бүгдийг Нэгтгэдэг “Бид энэ дэлхийд хэлний бэрхшээлтэй байдаг. Заримдаа энэ нь бүр дайн дажин ч үүсгэдэг. БУРХАН нэгэн хэлийг бүтээсэн бөгөөд Библид үүнийг ‘Үг’ хэмээдэг. Бид тэр нэг хэлээр хамтдаа ярилцаж эхэлбэл ямар ч асуудалгүй болно. Учир нь тэр хэл бол БУРХАНЫ Үг; тэр бол БУРХАН Өөрөө юм. Тэр хэлийг мэддэг болмогцоо бид БУРХАНТАЙ нэгдэж, бүгд нэг мөн чанараас, нэг Эцгээс гаралтай, жинхэнэ ахан дүүс гэдгээ буюу бид өөрсдийн уг гарал үүслээ санана. Бидний зарим нь энэ хэлийг мартсан нь харамсалтай. Тиймээс энэ дэлхийд бидний дунд маш их үл ойлголцол байдаг, олон ажил хэрэг саадгүй хэрэгждэггүй, мөн олон улсын олон хэлэлцээр амжилтгүй болдог. Учир нь бид зөвхөн хүний хэлээр бүрэн ойлголцож чаддаггүй. Манай бясалгалын бүлэгт олон үндэстэн, янз бүрийн шашин шүтлэгтэй хүмүүс бий. Гэвч бид анх уулзсан мөчөөсөө л, олон мянган жил бие биеэ мэддэг байсан мэт энх тайван, эв зохицолтой хамтран ажилладаг. Яагаад? Учир нь бид дотооддоо нэг хэлээр ярьж, дээд ухамсрын түвшинд бие биеэ ойлгодог. Бид одоо, амьд сэрүүн байхдаа энэхүү Диваажингийн Аялгууг сонсож чадна. Ингэснээр БУРХАН бидэнд юу сургахыг хүсдэг, Диваажингаас бидэнд ямар заавар өгдөг, БУРХАНЫ хүсэл юу болохыг ойлгож, энэ ертөнцөд буруу замаар явахгүй байж чадна. Тэгээд бид Тэнгэрийн зарлиг, заавартай илүү нийцүүлэн амьдрах болно.” БУРХАНЫ Хүч Дэлхийд Нөлөөлж Чадна “Асуулт: ‘Их Багш аа, энэ танхимд байгаа бид Таны удирдлагаар хилийн цаана, Югослав болон Косовод өрнөж буй дайнд нөлөөлж чадах уу?’ Их Багш хариулав: ‘Мэдээж бид чадна. Тийм ч учраас бид энд ирсэн; тиймээс ч би энэ цаг үед Европоор тойрон явж байна. Дайн бол үүний нэг шалтгаан. Хайр дүүрэн, эерэг бодол орчныг үргэлж илүү гэрэлтэй, илүү эерэг, хайраар дүүрэн болгодог. Ижил бодолтой хүн олон байх тусам нөлөө нь хүчтэй байна. Мөн хүн бүрийн бодол санаа хэдий чинээ төвлөрсөн байна, төдий чинээ их нөлөө үзүүлнэ. Тэгэхээр, хэрэв бид ямар нэгэн зүйлд илүү хүчтэй идэвхтэй нөлөө үзүүлэхийг хүсвэл, юуны өмнө өөрсдөө энэ төвлөрлийн хүчийг хуримтлуулж, дотор маань орших БУРХАНЫ энэ хүчинд эхлээд төвлөрөх ёстой. Гэхдээ бид яаж гэдгийг мэдэх ёстой; тэгвэл бид дэлхийд нөлөөлөх тэр БУРХАНЫ хүчийг чиглүүлж чадна. Тиймээс би та нартай БУРХАНЫ энэ хүчийг хэрхэн дахин олох нууцыг хуваалцаж, ингэснээр та нар хүссэн үедээ дэлхийд илүү эерэг нөлөө үзүүлэхэд тань туслахаар энд ирсэн юм.’” ‘БУРХАНТАЙ шууд холбогдох нь - Амар амгаланд хүрэх зам’ номыг үнэгүй татаж авах боломжтой: SMCHBooks.com
