Дэлгэрэнгүй
Татаж авах Docx
Дэлгэрэнгүй уншаарай
Эрт дээр үеэс, хүмүүс дуу, хөгжмөөр дамжуулан Бурханыг гэсэн хайр, тэмүүллээ илэрхийлж ирсэн билээ. Эдгээр гэгээлэг дуунууд биднийг Диваажинтай холбож, Диваажингийн гэр орныг маань сануулдаг. Энэ утгаараа эдгээр адислагдсан дуучид, дуу зохиогчид бол хөгжмийн бүх төрлүүдэд ариун захиаснуудыг хүргэхэд тусалдаг Бурханы элч нар юм. Төгс Гэгээрсэн Их Багш Чин Хай эдгээр уран бүтээлчдэд дараах сайшаалыг илэрхийлсэн билээ: Уран бүтээлчид дээр байгаа тэнгэрлэг дуу хуур, үзэсгэлэн гоог дуурайж, өөрийн физик багаж, дуу хоолойгоор чадлын хирээр Дэлхий дээр илэрхийлэхийг хичээдэг. Учир нь Тэнгэрт бүх зүйл тансаг, төсөөллөөс гадна, тэнгэрлэг гэрэл, дуу хөгжмөөр дүүрэн. Энэ бол бидний хэзээд сонсож болох орчлонгийн дээд хэлбэлзэл юм. Ирландын ард түмэн зочломтгой сайхан сэтгэл, урлагийг хайрладгаараа алдартай. Бидний хөгжим, яруу найргийн уран авъяас олон оюун санааны дуунд тусгалаа олсон байдаг. Өнөөдрийн нэвтрүүлгээрээ бид Ирландын 3 дууг танилцуулах болсондоо таатай байна. Эхний дуу маань “Ахуй ойлгол минь болооч” гэх 8-р зууны Ирландын сүлд дууг Ирланд ардын “Слэйн” дууны аятай хоршуулсан юм. Манай дараагийн дуу бол “Багш бид хоёрын шүтэлцээ“ хэмээх Ирландын нэрт дуучин Кэти МакМахоны англи, гэлик хэл дээрх 2012 онд АНУ-ын Калифорни мужийн Лос Анжелес хотноо Шрайн Аудиториумд Аниргүй Нулимс концертоор дуулсан дуу юм. Үгийг Төгс Гэгээрсэн Их Багш Чин Хайн ижил нэр бүхий шүлэгнээс сэдэвлэсэн бөгөөд үүнд жинхэнэ Гэгээрсэн Багш болон Түүний Шавь хоорондын тэнгэрлиг элэгсэг харилцааг илэрхийлдэг. Сүүлийн дуу маань аянчдын алдарт Ирландын Адислал шүлгээс сэдэвлэсэн “Тантай учрах харгуй тодрог” дуу юм.
